النفس دونك ترى محدن يسليها
البارحه ما رقدت الليل سهراني
والهم بين الضلوع العوج طاويها
ياونتي ونة اللي طاح مرضاني
والحيل ماهو بقد الهم يقويها
امشي وعيني غريقة هم واحزاني
واسج رجلي ولا ادري وين اوديها
من صورتن في خيالي ماتعداني
دايم وهي قدم عيني مبتلي فيها
وقامت ترتب على الافكار قيفاني
حتى بيوت الشعر شدت مبانيها
وغنيت والورق غنى فوق الاغصاني
وانا على سجعها رديت الأحيها
والحرف يوم اكتبه ابيك تقراني
وحقوق قلبي على قلبك اببديها
ماقلت لا تبتلي نفسك وتبلاني
لي ماحفظت الوصيه يوم اوصيها
ساري ولاادري علام الوقت حداني
والنفس لابد من نفسٍ تواسيها
وين انت ياللي عليك القلب واللهاني
ومن سبتك علتي وانته مداويها
ليتك تشوف المحاني منك وتعاني
وهذي همومك على قلبي مواطيه
ابليتني من هواك اليوم واشقاني
لاتشقي النفس مافيها يكفيها
ليتك تشوف البلا من جرمك الجاني
وتشوف كيف انت من سبت بلاويها
لاحتجتلك مالقيتك وانت تلقاني
ياللي لك الروح ياروحي وغاليها
أحييني ياللي عليك القلب ضمياني
ابيك تروي عروق القلب تسقيها
على كثر مابغيتك وانت تبغاني
ماكن قربي على قربك تهويها
على كثر ماهويتك وانت تهواني
والنفس دونك ترى محدن يسليها
ماتدري اسمك على بالي وبلساني
والروح دايم على ودك تناديها
فديت حبن خذاني يوم لاقاني
اللي غلاته غلاة النفس و راعيها
حظي ربض عند رجلي ماتعداني
والله كريمن يزينها بتاليها
وانشهد اني شقيٍ والله اشقاني
متولعن بالهوى والقلب يرجيها
وين انت يامالك قليبي ووجداني
ياللي حلاتك حلات الروح وافيها
انا بدونك حياتي مالها شاني
وانته حياتي وعمري يوم تحييها
ابيك ما تبتعد عني وتنساني
روحي بّصدك تدمرها واتنهيها
تعال خلنا نعيش الحب من ثاني
ولاعاد نطري زمانن فات ماضيها
وانعيد نظرة لقانا حب واماني
وعلى هوانا أمانينا نغنيها
رد مع اقتباس
المشاركة الأصلية كتبت بواسطة نسر البوادي
