دق جوالي واحس القلب يومه دق دق
................. صفر خمسه اربعه واخره خمسه سبعتين !
قلت في بالي وش الطاري عسىا المحبوب رق
................. من ثمان شهور مايسال عسىا الطاري حنين
المهم اني ذكرت الله وقلت الله حق
................. واضغط الزر المحدد سم عفوا انت مين
قلتها وانا اعرفه مير الثقل حل وسبق
...................قال انا اللي متصل وارجوك زينها تزين
قلت يعني قال يعني شوفني ميت زهق
..................ودي اسولف معك من غير جيم وغير سين
قلت تامر قال تسلم وابتدا كشف الورق !
.................واسمعه دق السبيكر قلت عونك يامعين
قال وش حالك عساك بخير قلت الخير طق
.................من عقب فرقاك ياقاسي غدا حالي حزين .
قال قلبك وش علومه قلت قلبي احترق
............... ما قوا هجرك ولا بعدك ولا قهر السنين
قال شعرك قلت شعري لا ابد طب و تنق
................كل خفاقي قصايد من يسار ومن يمين
قال كبه قلت اكبه قال والمركب غرق
...............قلت مركب ايش هذا قال طحت ب هالكمين
ماني بصاحبك بس ارجوك من يسبق لبق
............. انت اسلوبك عسل وانفاس حكيك ياسمين ..
بالغلط دقيت واحمد ربي الرازق رزق
..............والله اعلم انك مشبه علىا شخص ثمين .
قلت : لحظه ماهي الدعوه صحن خبز ومرق !!
........... اصبر اصبر خلني اعرف مكان اللبس وين
قمت اراجع رقمك الموجود واشوفه فرق
......... انت خمسه سبعتين وذاك سبعه خمستين !
مما رااق لي وللمارين خالص التحاياا
رد مع اقتباس
المشاركة الأصلية كتبت بواسطة حبك وطن
