جاني الخبر يا صاحبي وأظلم الكـــــــون
قــدام عــينـي ثـم نــطقـت الــشــــهـادة
على العــمــوم أقــولـها ألف مـليــــــــون
مــبـروك مـن قــلـب شكـــالــك أبـعاده
مــبروك لا يهمــك سواليف وضـنـــــون
مـن عــاشــق يــهديك فـــرحة فـــؤاده
ســو الــفرح اليوم وأبليس مـــلعــــــون
واللــي يشــب الـــنار يــجني رمــــاده
أنـــا أول الــــعـالم على القصر يلفــــون
أول مــــعـازيم الـــــفـــرح والــحــداده
أبشر أنا برقص على العرس بالهــــــون
كـــــل يـــــعـبـر فـــرحــتـه بــأجتهاده
لــــو الـــبلا رقــــصي يقولون مزيـــون
الـــمــشكلــة الــقلب يــفـضـــــح وداده
يـــوم الـعذارى في دخــولـك يغنـــــــون
وعــروسك بأحلى ثــواني السعــــــادة
كــنت أتــمنــى بـــدالة والـله أكــــــون
وأحـط أنـا كـفي تحت راسك وســــــادة
وأشلون بكتم صرختي يوم تمشـــــــون
تـــكــفى ..خــذنــي للعروسة قـــــــلادة
حتــى مــعـازيـم الفرح قامو يمشــــــون
وأصبــحت أنــا وحدي بدون أستفـــــاده
وطـــفو عــلي الــنور مــن غير يدرون
قــصر الــفرح يـا قـبري أنا وزيادة
وصــيتي لـو جــاكم ولد وأنــا أمــون
سمــوه على أسمي من قــبل الــــــولادة.
رد مع اقتباس
المشاركة الأصلية كتبت بواسطة حبي خالص
