أكتب احاسيسي واترجم حنيني .........................
......................... بالحـرف والكلمه لخلي واناجيه
أنثر له أشـواقي وخـافي كنيني .........................
......................... واسرح مع اطيـاف المحبه واناديه
واسأل متى تفرح بشوفتك عيني .........................
......................... يامنـوة اللي ضيـعّنـه لياليـه
ومتى على الله يوفي الوقت ديني .........................
......................... واللي يبي مني ,, علشانك أعطيه
حبك غدا مثل ,النفس محتويني .........................
......................... ياحاضر الايـام ,ياكـل ماضيه
ياغـايته في مقبـلات السنيني .........................
......................... ياكل مـاله , ياسبب كل مافيه
يافرحـةٍ ,عيت بدربـي تجيني .........................
......................... وعيت تنّـور بالتـلاقي مماشيه
ان قلت هذا ظلم : اطلق يديني .........................
......................... يقول شوفي منهـو الشور بيّديه
لو كنت حولي لو سمعت بونيني .........................
......................... قـدرت قلبٍ مايغيـر مبـاديه
قلت أفهم اللي تقصده ياظنيني .........................
......................... وادري بحبك داخل الصدر مخفيه
ليت الليالي تجمـع العاشقيني .........................
......................... وكلـن على ماقيل يفرح بغاليه
رد مع اقتباس
'
المشاركة الأصلية كتبت بواسطة اميرة الروح
