صباح اللمّه بْثياب(الدراسه الـزرْق).. و افطـارك
صباح الباص؛*ياخذ*شنطتـك؛ ويعـزي الحـاره!*
صباح الصف.. وانتي غارقه فيصبغـة أظفـارك
عسى ما نوّه (أحمر أبلتك) في دفترك شـ×ـاره؟!*
صباح الحب.. ملّتْه السطـوح يْراقـب أشجـارك
قبَلْت مْراهقة ْعقلي؛ وانا اطيب قلـب يـا جـاره!*
أجي كل ليل.. أشردّ لك جنوني خـارج أسـوارك
عبث يطفي سراج الوعي تـاره.. واشعلـه تـاره*
سوالف قلب ما يسكت من الهـذي بْجمـر نـارك
خبىَ منه الجنون وْما عقل مِن وهـم مشـواره!!*
بنيت أسرار من طين العدم لاجل أفضح أسـرارك
عساه العصر (من سطحي لسطحك) ولّد آثـاره؟!*
جهلتيني؟.. تحبينـي؟.. جهلتينـي؟../ وأزهـارك
خَلَص مني ورقها.. ما حكت قلبك وش أخبـاره!!*
بعدني و مسكة كتابك.. جلوسك فـي وسـط دارك
شكرت اللي نسى بابه؛ وشعرك طاحت أسـواره!*
أحبك.. والسكيك الضيقـه مـا ساعفـت جـارك!
وقلت أصحى: عسى صبح المدارس يفتـح أزراره*
ولا به شي في الآخـر سـوى كلمـه لأقـدارك:
(يَا ليت الباص ينساك الصباح.. وْياخذ الحـاره)!*
من كثر هالقصيدة ماعجبتني ..قررت انزل هالموضوووع ...
ﻻنها رجعتني كم سنه ورا ....ذكريات المدرسه وشقاوتها....وذكريات البراءة....وذكريات الواجبااات وابله خبرتني وابله قالتلنا .... وذكريات المقصف ههه....وذكريااات اللعب في الحصص الفاضية ....
كل واحد فينا في هالمرحلة له موقف ماينساه ابدا ..او ممكن مواقف وذكريات ....وددت مشاركتكم...
وصباحكم عماااااني