عديت في عالي المرقاب وحداني
عديت في عالي المرقاب وحداني
والعين هلت من العبرات مافيها
ونيت ونة عليلن طاح مرضاني
مما صطابه من جروح" يحاتيها
غنيت والورق غنت فيك بألحاني
وجتني بنات الفكر من فكر قانيها
قمت أتخير من الهاجوس ماجاني
وقامت تلاحي معي وانا ملاحيها
من شوق قلبن لطيف الروح وداني
اللي يبيع الغلا والنفس تشريها
وين انت ياللي عليك الحال شفقاني
وانته سبب علتي وانته مداويها
ليتك تشوف الضلوع العوج من داني
دمرت لرضاك عاليها و واطيها
وشلون هانت عليك اليوم تنساني
وانا معك وافين والنفس مهديها
الورد لو لا رحقيه كان ذبلاني
وانته رحيق العمر والروح مرضيها
فديت صوتك ليا نادى وسماني
بإسم الهوى وانت روحي دوم راعيها
لاحتجتلك ما لقيتك وانت تلقاني
ماصد بك يالغلا لو كنت ناسيها
ارجوك لا تبتعد عني ومن شاني
الروح بالصد لن قفيت تنهيها
ليتك تشوف الضلوع العوج واحزاني
وتشوف كيف انت زبدتها وصافيها
رد مع اقتباس
