اليوم يوم حافل
الامير الصغير عنده أمتحان لغة عربية صف أول وواثق الحبيب من نفسه
أقوله تعال نذاكر شويه يقولي اماه سهل وبجيب الدرجه النهائيه
الله يسهل عليه كل صعب وينور بصيرته ان شاء الله
هو ماشاء الله لاقوة الا بالله ماعليه كلام
امتياز بكل المواد شوي الرياضيات بس لازال ممتاز
اليوم بعد اختي حبيبة قلبي بتتنوم عشان قيصريه وبكرة عمليتها ربي يقومها بالسلامة
ويقرعينها بمولودها سليم معافى
من يوم قرروا لها العملية مدري كم مرة داقه علي تسألني
اوني انا خبره خخخخخخخخخ
شكلها متوترة وخايفة مع انها مسويه عمليتين قبل
ان شاء الله الامور طيبة ومابيكون عليها الا العافية
اممممم شو بعد
الاسبوع القادم بطلع اجازة ان شاء المولى
بو العيال بيسافر الله يرجعه بالسلامه وانا بجلس مع اولادي
اشتقت لجلسه البيت والمطبخ
ومنها فرصه اروح لاختي ..الايام الاولى بتكون شوي صعبة عليها
طبعا اكيد انتوا فبالكم تقولون اني وايد هذرة بس بقولكم شربوا خردل
ابا اعبر عن شعوري
وبس ...