نبض الإحساس .. سجّل إحساسك في هذه اللحظه

[الشيخه الفلانيه]

-


يمر الصبح.. وانتظرك مثل ماني
واخاف ان قهوتك تبرد ولااقربها

واذا القرسون جدد قهوتك ثاني !
يجدد حزني لين اضيق واشربها

[الشيخه الفلانيه]

-


لو عقارب ساعة الموعد بُكم !!
لا تواعدني !! و تاليها ؟ شقى !

وقّت الموعد على صدفه حُكم
ملّت الساعه : بـ وعد الا : لقى !

[الشيخه الفلانيه]

-


يامترفه طبعي كذا لو تشوفين
مارضى اقاسم لو ظلالي مكاني !

ماني اناني مثل مانتي تقولين
الا على قلبك - أصير الاناني !

[الشيخه الفلانيه]

-


حرارات الزعل... "وعتابه البارد"،
كفيل بـ كل صدّه، والزمن يعطي!

من أخطائي عرفت إن الخطا وارد،
لذا بدمح خطا المخطي ولو يِخطي!

[الشيخه الفلانيه]

-


أنا حبيبك تذكرين؟
أنا اللي خانته الليالي والسنين
ولو تعرفين
إن السهر بعدك عمر
وإن الليالي ماتمر ولو تمر
كل ليلة من دونك أمر
الله يعين

[الشيخه الفلانيه]

-


من عذرهم بنات جيلك يغارون ،
أنتي حدث محدٍ تخيل حدوثه !

ومٓ لومهم لو كان عنك يصدون
دام بـ حضورك ؟ يفقدون الأنوثة

[الشيخه الفلانيه]

-


اعيش في وحده واحب : الخلوه
كن الحمام مْن الحزن يسجع لي !

أنا صديق ... الذكريات الحلوه
اللي تبكيني .... ولا : ترجع لي !

[الشيخه الفلانيه]

-



ليتك تمّهلتي البارح وفكرتي ،
ولاتسرعتي ( بمنطوقك الجارح )

أنتي على طول نمتي يوم سكرتي !
وأنا على جلستي هذي من البارح ،

[الشيخه الفلانيه]

-


أتابعك من متصل لـ اخر ظهور
واتذكرك واحتاج لك : وانساق لك

ما بين لحظات المكابر والغرور
عادي أدق وأقول لك مشتاق لك

[رايق البال]

ليت مالك بالعمر لحظة غياب
او فراق ديار او سكة سفر
اصعب الحالات واكثرها عذاب
غيبة اللي نظرته تسوى عمر ..!