بقى ف الذاكره صوتك وطيفك يا رقيق الصوت
بقى اسمك بقى وشمك بقى رسمك ف جدرانـي
عليك احـن لو سمعي سمع للعود نـغـمـــة نـوت
واطيّر لك من احساس المـشاعر سـرب الحاني
ترى هذا السفر خـلا عـيـوني نـومـهـا ممـقـــوت
خذك مني وعلـى جـمـر الـمـفارق حـزن خـلاني
عليك اموت فـ غيابك* واحبك لين حد الـمـوت
وفي حضورك احبك كثر حبي لاصغر اخـوانـي
تعال الوقت يمضي بي اخافه من يفوت الفوت
تعض اصابع الــــــحسـره؛تـدورنـي مـا تـلـقـاني
انا بعدك لقى بي الحزن يا جوع المفارق قـوت
اكل قلبي عـلـيـك وشـتـت أفـكـاري ووجـداني
اعرفك غصب عنك رحت للغربه بلا مــنـعـوت
وانا عانيتها الغربه ما بين اهـــلـي واوطـانــي
عليّ تــحـن ادري بك وادري بـك عليّ مكبوت
وادري الدمع من عينك سكبته يوم فـقــدانـي
حبيبي والله اشتاقك وإذا تلمح عيوني التوت
اموت الفين مره داخلي وتـبـكيك اكـفـاني
يابو شفاهٍ تشابه احمرار الـجـمـر والـيـاقــوت
مصير الحي يتلاقى لو الله احياك واحـيـاني
22/3/2020س7:15م
أحمد المعمري فلك