^-^ شعورٌ يلامس نبضي °~° ®

[Raba]

سلام عليكم .. رجعت لكم فيني كيلو ونص نوم وعيوناتي تعورني لأني ما لابسه نظارة ما لي خلق اروح اجيب نظارتي بعيدة عني بمقدار 4 أمتار تقريباً .. تدرون ترا العجز انواع هههه


المهم أمس طال عمرك رحت أشتري هدايا وع أساس إنا نروح السينما طلع التذاكر فل للفلم الي ودنا نحجزه فرحنا نتعشى مندي الحمدلله كان لذيذ كالعادة ثم تعلمت سياقة ووووو انا أعرف أسوق في عمان ولكن هنا السكان يمين مش زي عمان هذي أول شغلة استمتعت فيها وثاني شغله
بعدين رحنا عاد البحر كلنا بنات وجاء معنا زميل مسلم بس اجنبي وعايش حياته بس ما يشرب خمر وما يدخن المهم عند البحر شفنا كذا حفلة مال الطبول تعرفوا الافارقة لما يمسكوا الطبول وكذا المهم كانوا فرنسيين واستراليين وفي عروض نار ورقص وحركات وفي مجموعة جنب البحر تستعرض بالمصابيح يعني بصراحة كان حماس أهم شيء انا قلت ل ريز جيب لي طبل وجابلي وجربت وبردت الدودة وجلست معهم طبلت 3 مقاطع بعدين جيت الشرطة ورحت بس عادي تجي تشوف عن يصير ضرابة لأنهم الي يرقصوا مو كلهم صاحيين وبس اتوقع لو قلت حج أبوي بيستانس لأن احد كان معي أصحابي و كذا احس بحماس لكن بينازعني شوي حتى ما اداور بليل

[Raba]

ياخي متى الإنسان يعقل احس كل ما تقدمت بالعمر زدت ربشة ولامبالاه لما كنت بعمر اصغر كنت أعقل بكثير من الحين .. سبحان الله بس ترا حماس أنك تكون ربشة لكن يضل تفتقد ذاتك وطريقة تفكيرك راحت الثقافة ياخي .. الحين ما كثير اقرأ كتب يعني عادي بالشهرين بس اقرأ كتاب كنت كل شهر او اسبوعين اقرأ .. واتناقش واناقش الحين ما احد اناقشة ويفهمني زي إلي رحلوا الله يرحمهم بس سبحان الله اذا فقدت شيء مهم في حياتك افتقدت ذاتك معه وتغيرت حياتك السبب اني صرت واجد انكت وربشة لأني مفتقدتنهم يا الله ردني إليك رداً جميلا وارحمني وارحهم يا الله برحمتك الواسعة .. وارحم جميع المسلمين والمسلمات .. يمكن هذا الموضوع أول مرة امنشنه بس فعلا هذا سبب رئيسي في تغير شخصيتي ولامبالتي لأن أحس كل شيء فاني ما أحد بيبقى كل أحد في يوم من الأيام بيروح عني وبالفعل هم رحلوا إلي خذهم القدر والي خذهم الزمن .. حاولت أكره إلي راحوا من حياتي ما قدرت لانهم في يوم من الأيام خلوني ابتسم اضطريت بعد الله اروح لطبيب نفسي حتى شوي يغير فكري يقنعني مش عدم ثقة بالقدر لا بس أحياناً الصدمة لما تستلمها لحالك وما أحد معك وبغربة تكون قوية ودك تكلم أحد بس ما فيك تثق بأحد يعني الشخص الوحيد الي ممكن تناقشه وتكلمه وما يستغل ضعفك هو الطبيب النفسي بس حتى الطبيب النفسي إلي حاول يساعدني صرت انا اساعدة وصرنا نتعلم من بعض الوضع كان اشبه بالاحجية بالنسبة لي .. انا مقتنعة تماماً إن سبب عدم تواصلي أو سؤالي عن الأشخاص هو إني ما أريد افقد أحد ولا أريد احد يتعلق فيني ذاك التعلق فالي يبي يروح من حياتي بها الوقت ما ببالي برحيله ..

[Raba]

السلام عليكم ورحمة الله وبركاته ... انا جيت ويسعد الله اوقاتكم
اوووف مدونتي مغبرة واصلة الصفحة الثاني وفي اواخر المواضيع بعد .. ما علينا كيفكم أخباركم ولهت على نفسي يا معودة انا هههه ..

الحين ما فاضية بس ترا انا في عمان واصلة ساعة 10:13 دقيقة الصبح من تاريخ 19/12/2016 بخبركم صارت لي سوالف وتكنسلت تذاكر والحاله حاله انا كل مرة معي قصة مع السفر روحه وجيه مره يرجعوني مره يوقفوني عشان صورة الجواز شكلي غير والحين شكلي غير وكل مرة شيء.. ما علينا نتعلم يوم ورى يوم نكتسب الخبرات في التعامل مع كل مشكلة ..

[Raba]

صباح الخير جميعاً ،،
كيفكم عساكم طيبين ،،


كنت بقولك عن رحلتي لاه يبغالها بارض انا بس داخله
اسلم عليكم ما فيني بارض اشتغل حضانة هالايام ما
شاء الله علي ،،

[Raba]

ما شاء الله عندي حضانه من سن سنتين لحد 8 سنوات ومنطفره خلاص ،، مرتضى كل ما شافني الرهيه في شعري حتى أمي تخبرني جاك شعرك وانازعه واضربه يحسب اني امزح يعني يحسبها لعبة عاد اخر مرة نزيت شعره حس بس بعده يجي ،، نعم جيت البيت ما بقالي شعر ولا غيره راجعه بلادي الثانية ،، صدعة خاصة الحين ويكند يتجمعوا الصغار في بيتنا بيروحوا اليوم انتظرهم بس تخلص المدرسة وكلهم ولا واحد ابي في البيت كل احد نرسله مكان خليه هناك ارتاح شوي الله يعين أمي كيف متحملة بس امي تنازعهم يجلسوا لكن انا بعدني ما عصبت حتى يخافوا مني يحسبوني امزح واضحك معهم الله يهديهم ،،

[Raba]

زين شو بقولكم سالفتي أول ما جيت شافتني مال ختم الجواز للوصول ما شاء الله علي سجنل 2 طبعا انا ابتسم لكل أحد أنوي الأجر وهي ابتسمت بعدين طلعت تعرف أحد من بلادي قالت لي من وين انتد وطلعت أعرفهم بعدين اتصلت في أبوي واصلة كانوا رايحين المشفى قال اوصل واجييك بعدين اتصل أخوي ينتظرني في المطار أخوي الكبير عاد رحت معه البيت وسلمنا وسولفنا وأول تعليق جاء سمرانه حتى أبوي لما جاء يأخذني من بيت أخوي قالي سمرانه ضيون قلت له اشكرك الوالد ههههه وأمي كله وجهك حب وسمرانه طبعا الكل قالي حلطه بس عادي أصلا يبغالي اتاقلم ع الجو وترجع البشرة ،، المهم مجود ما عرفني أدق الجرس يقولي من اقول انا الوحش يقولي الوحش انتظر ههههه يوم فتحت امه الباب طار هههه ما يعرفني ناسني لانه صغير امس مكمل سنتين فما يعرف من انا المهم سلمت ع الأهل إلى في مسقط ثم رجعت البيت جيفور كان يدورني لها الدرجة متغيرة ما شفتني كنت جالسة داخل بس الشمس مأثرة فيه عاد رجعت مع بابا وماما وجيفور البيت طبعا ما احد في البيت غير اخواني الصغار اخواتي مسقط دوامات وأختي دوام وكلية وولدها ما قدرت تجي من أول يوم ما شاء الله عاد يزوروني واليوم الثاني كذلك وكنت العصر تعبانه نايمة خالتي صحتني وانا خلاص منهده من السفر قلت لها أعوذ بالله من الشيطان ههههه ما اظهرت رياكشن هي سلمت علي مستعجلة تبي تروح العزاء وانا كملت نومي

[Raba]

بخبركم سالفة رضا الله يسلمكم انا واجد يجي فؤادي في أشياء وممكن احلمهم يعني فالمهم كان مزاجي ابي كستناء الظهر شلني أخوي المراكز 3 مراكز ندور كستناء عشان حضرتي ههههه ولقيت حتى ما تغديت بس اكلت كستناء ريتا تنازعني تقولي ليه ما تاكلي قلت لها ما ابي تقولي ايوا تسوي دايت ههههه ويني وين الدايت الله يهديك ريتا المهم جلست اكل بعدين رضوي جاء معي ياكل طبعا رضا عمره 5 سنوات الحين ما شاء الله قالي انتي عندك ولد قلت له نعم قال ما عندك ولد صغير قلت له من وين اجيبه هالولد ما عندي .. قالي انزين وين ابوك قلت له مسافر قال ما أقصد أبوي مال هنا ابوك مال هناك أستراليا هههه قلت له ما عندي قال ما يستوي هههه قلت له مات مسكين قال مسكين هههه يسلك واسلك له يعني هههه .. قالي انزين كيف مات قلت له مريض قال اها من شله انزين قلت ها قال شلته الإسعاف قلت له ايوا قال اها مسكين ههههه مصدق أخوي ما شاء الله عندي أولاد واهل في استراليا كذا يحسب اروح عندي أهلي هناك ما حسباله انا اكد هناك دراسة وكتب وسكن لحالي ههه ضحكني لكن ما شاء الله عليه يحب يسولف

[Raba]

صباح النشاط والكسل كيف ما أدري ،،،
ياخي نومي ما عم يضبط معي تخيلوا انام وأصحى صحيت 5 وصحيت 8 والحين الصحية الحقيقية حتى زوجة أخوي أمس شافتني أنام وأصحى قالت مالك نومك متقطع يبيله خياطة هههه عاد اليوم جالسة ادور خياط مال النوم كان أحد يعرف تعب ظهري من النوم

[Raba]

الليلة بإذن الله سنشد الرحال إلى مهوى الأفئدة وراحة النفوس مكــة المكرمة لأداء مناسك العمرة.
فمنكم العفو أحبتـــي والسمااااحة ����'.

[Raba]

بحمدلله وصلنا لعمان اليوم ع ساعة 6 الصبح تقريبا ،، اسأل الله أن يتقبل منا طاعتنا يا رب ،، كانت رحلة جميلة وبقاع طاهره تطهر النفس وبالعكس رغم المحن مستحيل أنسى واجد أشياء صارت لنا والحمدلله كله جهاد