زجـــاجة فارغة

[مائة بيسة]

ااااه يادنيا....صعب تفارق ناس تحبهم ( ربي لاتخلني افارق اللي احبهم)



هههههه هالرجل استغفر الله يحب هالحركات



انا قلبي يعورني لما اطالع حد يبكي او حزين واليوم بالسبلة نصف المواضيع حزن وكررروب



حلوووين.......



الحلم اممممم

[مائة بيسة]

صح محد يشبه الثاني ومحد فينا كامل
بالدوام حد مشغل معزوفة ( شكله طربان الاخ)



ياهواي وياجنوني مااقدر احيا العمر دونك....مجنوني فقط انا وانت



من يبي دوريتوس مع عصير فواكه مشكله؟




هههههه يضحك والله... صح نسيت امس دست زجاجة خخخ وتو تذكرت



عجبني المنظررر



كيوت....البارحة سنورة البيت ماشفتها شكلها راحت تزور ماماتها ع قولة مالونس

[مائة بيسة]

تسلموا حبايبي ع الاطراء ( المدونة) ويسلموا اللي قيموني واللي
يتابعوا مدونتي لكم جزيل الشكر أحبتي

هالرسوم مااحبه خير شر...لاتابعونه عشاني بليز خخخخ



وها بعد مااحبه ممل هو والسبانج......فديت زيتونة انا



بدوامنا حد مشغل طبلة شرقية عاد الله اعلم هل فقط صوت او صوت وصورة يطالع
هع ها موب دوام شكله مرقص صاير عندنا



احيانا انا افكر وافكر وافكر....أجمل اللحظات مع من احب فقط



احلى مساج قطواي

من اطالع سنانير اتذكر عاشقة القطط



عاشقة القطط لما تروح االمدرسة ماشاء الله نشااااط هع...ومبارك عليك الدرجة الكاملة خخخ اتخيلها...وعاد ماادري حفظت السورة ولابعدها




مجنوووووني ويتك تعال...فقط انت هنا

[مائة بيسة]

4/12/2013
Wednesday
صباحكم معطر بذكر الرحمن...صباحكم شوق لمن نحب....صباحكم سعيد




البارحة رديت من الدوام للبيت وقعدت وقعدت افكر شو اسوي قلت احسن ارتب البيت وخلصت ارتبه...
وصليت المغرب وقلت ارتب ملابسي واغراضي وهم خلصت وبعدها صليت صلاة العشاء ورحت مع فيمي
ومالونس الاستوديو ( اليوم بعد مرة بنروح) ورديت البيت وهم محتارة شو اسوي



اختي قالت بتروح رياضة قلت بروح معاها ومشيت ومشيت 3 دوارت ( ماراح تعرفون المكان اللي اقصده) المهم رديت البيت واكلت تفاح
يقولوا ينشط لكن انا ينعسني...س10 ونص عاد انا احلم ( اللهم لاحسد ههههه)



مجنوووني وينك تعال....



ربي لاتحرمني من احبهم

Sunday
8/12/2013

مساءكم ورد...مساءكم حب...مساءكم جميل...




الإجازة كانت عادية جداَ الله يسلمكم يوم الخميس رديت من البيت بليل حوالي س8 رحت اتشرى كم غرض ( ع قولة اتوتو انتي حالفة تخلصي البيزات) بعدها باك تو هوم وماطولت بالسهر ونمت وبيوم الجمعة بالنهار قعدت بالبيت اخلص اموري بس بليل طلعت البحر( احلى مكان عندي تحس براحة نفسية) كنت متضايقة شوي مع حد ضايقني كلامه قاسي ويبي مني ابتسم ...ناس تجرحك وتنطرك تبتسم.
المهم العشاء كان بKFC / صب واي بعدها باك تو هوم
السبت الظهر رحنا روي نأخذ غرض جاي للعمة ( امي) من صلالة وبعدها اخذنا غدانا ورحنا شاطى العذيبة ( الجو كان حده رهيب) بعدها رحنا محل نأخذ شوز وباك تو هوم
( الاجازة ماكانت فيها شي حماس يذكر)



اناس تبحث عن سبب لخلق المشاكل ...اناس قاسية شديدة حادة لااعلم كيف اصفها
اناس تبحث عن طرق لغرز الكأبة لدى الغير..اناس قاسية في تصرفاتهم انانين محبين لانفاسهم ( لاتتطاولي / هم لديهم الاحقية بالكلام والاعذار)

كا عاداتي اقولها كما هي سخيفة هذه الحياة

[مائة بيسة]

Thursday
5/12/2013

صباحكم عافية...صباحكم خير...صباحكم أرزاق مقسمة




البارحة بعد الدوام رديت البيت ع طول وقعدت اغسل ملابس المدموزيل اختي
ادلعها...ع قولة 56 انتي وايد تحبي تنظفي (مااطيق اشوف شي وسخ ومو مرتب)
فيمي رسلت مسج حق هينة اونه تبيني هينة خبرتها تغسل ملابس سألتها ملابس من قالت لها ملابسك ...تعرفوا شو ردت عليها قالت حلو ومستأنسة بعد ( محصلة لها حد يدلعها)

المهم بليل ماطلعت غير عند باب البيت لان هينة وعموري بالسيارة رحت اطمن عليهم خخخ لان كان الحبيب قاعد يصيح اونه يبي يلعب بفون امي والوالده مايعجبها



( اتوتو راح الطبي والاسبوع الجاي راح يسون له شيك يارب كل الامور تكون اوكى)



الاسبوع الجاي عرس سلمى ربي يسعدها ... وشو بعد من الاخبار صح
بخصوص سنورة البيت البارحة انا طالعه من الغرفة حطيت الشبك مفتوح المهم السنور دشت داخل وعاد صارت حروب بالبيت لان 56 تخاف منها خخخخ



يارب حسن الخاتمة

ربي يردك لنا بصحة وسلامة.....

حياتي انا...البارحة طلعت دجاجة كاملة هع عطيت السنورة عسب تعزم كل سنانير الاين اللي
صوب البيت ع الغداء



اتمنى تنزل امطار والجو يكون حده باااااارد واروح البحر اقعد لحالي لحالي
بدون ازعاج ولامزعجين ولامكدرين للمزاج

[مائة بيسة]

10/12/2013
Tuesday

صباحكم وحشة....صباحكم شوق...صباحكم لقاء..صباحكم معزة...صباحكم إحترام





البارحة كان يوم الطاف العالمي بالنسبة لي ( اكبر طاااف للدوام) لكن صحيت بدري
رتبت البيت وخلصت كل الشغل وطلعت المطعم اجيب خبز وعصاير وفطرت مع حبي مالونس وامه خلصنا جاي الصلاح اللي بيعدل التي في ( وأخيرا) تفأجات الوالدة هع
من هالشخص وخبرته خلاااااص التي في تعدل..وبليل طلعت مع فيمي الى سوق السيب
وافترينا كذا محل ( بالاخير دون تخطيط مسبق اشتريت نعال ( بيج) كعب ع الجانب في
نفس الربطة ( فقط للمناسبات) عاد هالشهر محطمة 3 شوز مرة وحدة اللهم لاحسد









الله يهنيني فيك والله يهنيك فيني ( مجنووووني فقط) لك وحشة





الأمور ردت طبيعة والحمدلله عسى ربي لايفرقنا...صح صح نسيت البارحة بليل حوالي الساعة 10 ونصف جأت دريم عندنا ياويل حالي...بوسات وترحيب ... الخ
( فجأة تذكرت انها كانت اقرب انسانه لي لكن افترقنا...ع قولة المغني هذاك نسيت اسمه وافترقنا...المهم حسيت اني مشتاقة لها وللقعده وياها وسوالفها وان كانت شلخ في شلخ لكن لها وحشة خاصة ( ربي يهديها)

همسة لسلمى خلي عنك كلام الناس وراء ظهرك وربي يسعدك...









قصص الحياة كثيرة ...ولكل منا قصة وحكاية






هالانسان افكاره تعجبني...احسه عقلية متفتحة وثقافته تعجبني





للبحر قصة خاصة بقلبي




بالبيت تجي تزورنا نفس هالقطة السوداء تجي عند سنورة البيت وتضاربها عاد البارحة اسمع 56 تناديني سنورتك يضربوها واجي اركض افتح باب المجلس ومعي عصا واركض وراء السنورة ( تحيلو شكلي) ركض من الخاطر واخر الحلقة السنورة راحت تحت السيارة بس ادبته ادب ورجعت داخل ( عاد تادبت تضرب سنورتي الصغيرة)



اللهم اجرنا من النار ( امين جميعاَ) ياربتدرون نحن نار الدنيا مانقدر نتحملها اشلون نار جهنم وهي اضعاف هالنار



شي يخوف يارب جنتك يارب لي ولاحبتي ولجميع المسلمين

[مائة بيسة]

انا مافيني شي ولامتغيرة ....لكن تعبانة احس بخمول
يمكن لان الاسبوع الماضي وايد اشتغلت كذا تو االارهاق صابني

هالمخلوق...لاتعليق

مبدع ويضحك بنفس الوقت

اليوم الصباح مااعرف شو يجيني ع قولة اتوتو (

احر

) قاعدة احر السيارة وفاتحة اغاني
جأت اختي قالت سلامات عندك حفلة اليوم
(

شكل الفيوزات ضاربة

)

بخصوص اتوتو فترة ماخبرتكم عنه البارحة يحكيلي عن ياسمين وماجود خخخ
اخر الحلقة طلعت ياسمين تبي تتمدح عند عمي

الاتصال بعث فيني احساس حلو
س23:19

[مائة بيسة]

ايام الدراسة كان يجيني ألم بجني اليسار والحين رد هالام ( انسى اشرب ماي) انا احس للماي طعم والكل يقولي مافيه طعم ( مااحبه يااااناس...الماي صحة اعرف

بس مااحبه) لو عرفوا اللي ببالي بيسمعوني محاضرة عن الماي



ابي اروح السنما فترة مارحت...اطالع موفي رعب






صدج ها هو الحال ( بروح العامة انزل موضوع هههههه)

[مائة بيسة]

هو ماخوف احترام...يعني انا مااحس اني اخاف من اي احد فقط احترمهم
لكن البعض يعتبره خوف لما تسمع له..( ها تفسير لبغير عقلاني) يعني انا مستحيل بسوي شي انا مو مقتنعه فيه ...اخاف بشر مثلي!!!





امممم استرخاء مع اصوات ازعاج






سبحانك يالله...يارب فرح قلبي قريباَ





ربي يخليك لي ياامي ياست الحبايب ياحبيبة ويخلي لي عماتي وجميع امهاتنا





لك وحشة يامن تربع دقات قلبي ( مجنوني فقط)

[مائة بيسة]

مواضيع وافكار حلوة تنطرح بهالجانب....



11/12/2013
Wednesday
صباحكم محبة...صباحكم سعادة..صباحكم رومانسية...صباحكم حده سعيد





البارحة رديت من الدوام للبيت ورتبت البيت وخلصت كل الشغل غير اني ماكويت ملابس الدوام هع...المهم مافي شي يذكر غير اني بديت بمراجعة حفظ جزء عم لاني مشاركة مع اعضاء لحفظ المصحف ( يارب ساعدني) وبليل ماجاني نوم غير متأخر لاني كنت أتالم من جنبي اليمين ( الجماعة اكتشفوا مااعرف كيف وسمعوني محاضرة عن شرب الماء)
بعده فيني ألم للحين..



اليوم الصباح اتوتو وفيمي كالعادة نفس توم وجيري ربشة والوسمية تضحك عليهم
وجاية ابخر البيت طاح المجمر ( غطيت مكان الحريق اذا ماماتي اكتشفت رحت فيها)
خخخخ دومي اطيح المجمر



مالونس حبيبي يصيح يبي يجي معاي الدوام وماكو شي ثاني ....



احياناَ بعض قراراتنا تأثر ع الغير ويحاولون يغيرون من قناعاتنا وان كانوا متأكدين انها صح..لاتغير من قناعتك ومعتقداتك من اجل اي شخص...كن واثق من نفسك ومن تصرفات...مااطلب ان نتجاهل غيرنا لكن اذا كنت واثق من حالي فهذا يكفيني لكي احقق المستحيل

ألم قوي / حاد فيني أتحمله غصب والله ( سبحانك لطفك)



إشتقت لهذا المكان الطاهر..فيه تحس براحة نفسية عجيب ماتتضايق ماتزعل ( أحلى ايام حياتي) شعور غريب تحس فيه..مكان طاهر فيه ماتشيل هم لباكر او حق اللي بعده كل المرات اللي رحت فيهم بطواف الوداع اطالع الكعبة بنظرات ماودي افارقها (اطيل النظر فيها عسب تبقى بعيوني وذاكراتي...