( خربشآت السيدة الآولى 💞) ~

[آلسيدة الآولى]

[img]http://c.*******.net/p_183nwby0.jpeg[/img]
فالعطرُ عِطرك
والزمان هوَ الزمان ..
لكن !
شيئاً قد تكسر بيننا
لا أنتَ أنتَ ..
ولا الزمانُ هو الزمان ..!
...

[آلسيدة الآولى]

اممممممم

اسلوبج حبوبه ترا كلش مو حلو .. كلش كلش مو اسلوب بنت
ياخي حاولي تحسني من ألفاظج واندفاعج فـ بعض الأمور
اللي ماله داعي أصلاً ..
مادري ياخي شو هالإحساس اللي يحل عليج ساعتها تردي
جي .. عافانا الله !!! >> فور سم وحده

بالمناسبة : اليوم صارلي موقف أُحسد عليه .. رايحه محل
العطور أخذ عطور خلصت واخترت اللي اريد بعد لفه تقريباً
مال نص ساعة فـ المحل >> هذي عادتي لازم انشف ريقي
بعدين اقتنع بالشي .. لما جيت احاسب كالعاده كله بالفيزا
ما اتعامل بالورقي ههههع تحسيس
المهم البطاقة فشلت أم أمي ☹
طيّحت وجه وجهي ما رضت أبد تسحب .. واللي خلاني اصير حمرا
وصفرا وخضرا البنت اللي تبيع تقولي: يمكن ما فيها فلوس
لا بليز مو م صجج شنو ما فيها فلوس وحلالي وملاييني وملياراتي وين راحوا
بس هي تتعمد هالحركات قسم بالله >> البطاقة يعني !
المهم قلتلها بروح اسحب من atm قريب وبرجع .. عاد هنا طلعت شهامة
احد الاخوة أونه والله ما تروحي انا بدفع >> سلامة روحك باباتي شنو انت تدفع .. من انت عشان تدفع >> رحمني شكله لانه تعابير وجهي تغيرت
المهم انا بكل اندفاعه وكل قساوة : اقول للشاب الجميل لو سمحت لا تدفع ولا ادفعلك لو ما عندي فلوس ما جيت اشتري حط فلوسك فـ مخباتك ومشكور ...
قاسية زعتوره لو قلتي للرجال تسلم اخوي وهيك لكن .... نقط نقط
وانتهت القصه .. حسيت انتقمت من نفسي واخر شي رحت وسحبت وعطيتهم وقلت اخر مره ادش هالمحل 😤
بعد أنا حزينه اليوم جد جد

[آلسيدة الآولى]

بعد اريد انزللكم ڤيديو جميل ومفيد بس ما اعرف كيف احفظه من مكانه وأنزله هنا
كله ما اعرفله وآخر شي يطلع سهل ولا يبغاله شغلانه لكن انا >> بعض من النص مفقود

نفس سالفة الصور كنت ما اعرف انزل صور هنا هههههع
واحد الاخوة جزاه الله خير خبرني كيف حتى تفشلت لما عرفت
طلع سهل اسهل شي ...

ولا جايني نوم وابا اسولف مع حد ورونقوه الحين ف سابع نومه وواصله المجره اعرفها
وانا جالس ف حالي ولحالي

لكن بكرا الصباح بندم اشد الندم .. من صار رمضان ولا يوم رحت الدوام من وقت كله متأخره
وبعد اروح ابصم واكتبلي ورقة استئذان >> فوق شينه قوات عينه
ولا اجلس ف الدوام تراج مسويه استئذان اختي المسلمه ليش تجلسي
مطفره بخلق الله

شوفيني >> خلاص نامي

[آلسيدة الآولى]

رفع الصور

صباحكم ورد ...


وكالعادة جايه متأخره .. وسريعه أسرع شي عشان ألحق البصمة ولا لحقتها هههههع

بعدين بخبركم شنو صاير فـ المكتب

[آلسيدة الآولى]

[img]http://c.*******.net/p_184j9iq4.jpeg[/img]

كيفَ ينبتُ حبك في قلبي
وأنا لم أبذر سوى خوفي عَليك ..
الله لو أن العُمر يهدى
والله ما كُنت لأمنحه لأحدٍ سواك ،
صوتك المدينة التي ما ان أسافر إليها
إلا وعرفتُ معنى الوطن !!!

...

[آلسيدة الآولى]

[img]http://d.*******.net/p_184rowj0.jpeg[/img]

ان كنت ناوي تصد ي فلان
الروح في بعدك تنآديك ..~
وان جيتني من الحب ضميان
بسقيك من حبي وبرويك ❤

...

[آلسيدة الآولى]

شعور جداً غريب ف هاليوم
مادري شو فيني كنت محتاجه شي يصيحني
ومجرد ما حطيت راسي ع المخده صحت >> انتي مو كذا انتي قويه

ياربي اول مره اصير كذا معقوله !!
لكن خلاص ارتحت .. انصحكم لا تجلسوا بروحكم لانه بتفكروا ف اشياء تقتل ..
لكِ : رونقوه " لله ما أعطى وله ما أخذ" ادري انه هالشعور صعب أول عيد يمر عليكم من دونها بس شو نسوي هذي الدنيا .. ربي يرحمها ويرحم جميع موتى المسلمين >> ياليتني كنت معاج انا افضفض وانتي تفضفضي وآخر شي نضحك هههههه>> الله المستعان منج !

لكَ : مشتاقلك شوق الطفل للحناني ، طفلٍ يتيم بطرف ثوبك يشدك ❤.


قرأت مدونة الأخ " السفينة " وانا اقرأ اضحك احسه متلوم على اشياء ما سواها لما كان اداري ههههه >> عندك فرصة الحين انطلق هههههع

بحاول أنام .. ويمكن ما أنام بجي أخربش هنا

[آلسيدة الآولى]

صباح الورد ..

شلونكم عيني ؟

اممممممم ناشه من غبشه .. مادري ليش ولو شي دوام والله ما بنش تو
سبحانك ربي

رحت البحر جونا كان شوي مغيم بداية الصباح بس ما نزلت لانه رطوبه
تأملت البحر من السيارة .. ولا آدمي عماني موجود .. كله هنود كانت
فرصه اني شسمه بس كما اسلفت حر ورطوبه

بحاول انظف غرفتي .. احس فيني نشاط عاوزه اشغل نفسي بأي
حاقه .. انتوا لو عاوزين حد يساعدكو ف حاقه بقى زعئولي
"زعئولي" >> هذي بعد شو هههههع اللي يقولها 5 مرات بيحصل
عيديه .. كركركر

المهم : حاسين انه بكرا العيد ؟؟؟؟؟ 🙂

[آلسيدة الآولى]

صبآح العيد
كل عام وأنتوا بخير حبايبي .. ربي يتقبل منا ومنكم صالح الأعمال وعساكم من عوادة العيد ...
فرحانه أنه اليوم العيد .. قبل كنت لا .. اما الحين حسيت بالفرح الحمدلله >> متقلبة المزاج هالبنت

بضحكم شوي عليّ كنت حزينه طشه ورحت كالعادة أكلم رونقوه ونازعتني وطلعتني من المود وفجأة قلتلها خلاص قررت بروح الصالون اتكشخ وبغير شكلي ههههع وتحمست الصاحبه وقالت لي من تخلصي صوري
طلعت ورحت الصالون حصلت ابو الزحمه حريم المجره كلهن هناك ما خلصني انتظر >> بالله هالكثر شو تسون ي بنات حواء
المهم رجعت البيت دهنت وجهي بصندل 😂 وخلصت ترا ما يباله شغلانه هههههههع

وبعدين حسيت بملل قلت بروح اساعد الخدامات اسوي حلاوة العيد وجبت من عند ربيعتي طريقة عين الجمل >> احبها هالشسمه المهم سويتها بس ما ضبطت طلعن صاحيات بس 3 حبات الباقي فـ الزباله 😕 >> ي الفاشله

يلا تصبحون على حُب ❤

...

[آلسيدة الآولى]

[img]http://d.*******.net/p_187qu1k0.jpeg[/img]

عيدكم مبارگ ❤
وهذي عيديتكم