ما غريبه لو نسيتك فطرة(ن) بالناس تنسى
والمواقف صلبها تعـجز تخرّه الغرابـيل
ما ذكرتك،، باب قلبي ما فتحته لأي إنثى
ون فتحته لك كرامه عنك ما صكّه بخيل
صـدّتي عن غارب(ن) خير(ن) ولا رجوى لعسى
ظالم(ن) ياللي سجن نفسه بهوى عابر سبيل
لا فـرج عنـها ولا ماتـت رجـاويـه ونسـى
وش نفع ذاك الدواء اللي ما تجرع به العليل
ما يعيش الحب والموعد قتل هجره متى
من نبـش للحبّ قـبر(ن) ما وجد إلا قتـيل
لا تجيني ما عرفتك لجل أذكر ما مضى
لو بقلبي لك أثر ما يمحي الحب الدليل
يا غريبه خل قلبك يقطف أثمار العطى
من زرع بالكبر قلبه يجني الزّارع رحيل
يا غريـبه للـكرامه وجه ما ينـظر ورى
وللمحبه صدر أرحب من معانقـة الجميـل
