تذكرين ...(نبطي)
تذكرين ليوم شفتك كم هويتك تذكرين
ولا أنا بس يوم سعدي كل وقتي أذكره
تذكرين في ليل سهدي تشتكيلي وتسهرين
واليوم صار الليل وحدي أشتكيله واسهره
حتى الحنين بنار قلبي تشعلي ما ترحمين
ما تذكرين بماي عيني في خدودك أنثره
مرت سنة لو تحسبين الوقت كانه من سنين
ليتك في لحظه تذكرين العمر مره وسكره
حلم العمر كم ضاع منا يا ترى ما تشعرين
حتى الحنان وطار عنا شوف صبرك مصغره
لاتظلمي حلم الليالي والعمر لاتظلمين
ما طال حبل الظلم إلا يوم حال قصره
واليوم جيتك من ظلامي ياترى ما تعذرين
لو تسمعين الروح تصرخ يا حياتي معذرة
وانت العمر لو ماهجيت لكل ذنبي تغفرين
وما تبقى بين حبي والفراق إلا شعرة
المغفرة رب البشر يرحم عباده التائبين
واليوم أطلبها ذليل وانت أهل المغفرة
هاذي حياتي كل سناها بين كفك والجبين
أما بدونك عمري كله أدفنه في المقبرة
بقلمي /ناصر الضامري
