مافيه شي واضح في التقرير فممكن المقصود عدد العاملين من كبار السن والصغار والرجال والنساء وممكن المقصود التدريب والتوظيف والعوائد من العمل وسهل ان يستفاد بشكل افضل وبعدين المقارنه مع دول الخليج ماهي مناسبه فيحتاج المقارنه مع نفس العوائد ومع نفس عدد السكان
وعلى سبيل المثال
البحرين خرجت من سنين من القدره على استخراج وتصدير النفط فطبيعي تنوع استثمارها لاجل تعوض قيمة الخام المصدر
وبالمثل مع دبي وباقي الامارات ما عدى ابو ظبي
قطر عدد سكانها صغير مقارنه بعوائدها النفطيه والغاز وهذا فيه تناقض مع عمان لكن ممكن صغر المساحه له دور مع قرب الايادي العامله الوطنيه والاجنبيه من بعضها
بس زي عمان والسعودية والكويت فممكن لتاخر مشاريع التنميه دور ولكثرة التجمعات النائيه الي تعتبر من ضمن المهملات لا نظام غير عادل في توزيع ثقل التجمعات السكانيه بشكل يتناسب مع عدد السكان
فعمان على سبيل المثال الكل يصيح في المنتديات ويشجب ويستنكر مركزيه مسقط فهل يتم الاستمرار على نفس اسلوب الاجبار هل يستمر الناس مدى الحياة مهجرين من ديارهم الاساسيه بسبب رغبة المركزيين ان لا تجمع سكاني يعلوا على مسقط فالناس طفشت ومسقط اخذت اكثر من حقها وزياده وباقي التجمعات تحتاج لحلول تحتاج لعداله حتى ينتفي الاقصاء وتتوفر فرص عمل عادله في باقي التجمعات السكانيه بما فيها النائيه فلا يجبرون الناس على عدم الرغبه في العمل والملل لان التكرار على نفس المسار ماراح يوصل الا للطريق المسدود الي وصله الاولين ولا يطالع له المركزيين بوجهة نظر انا وانا وبس يطالع له بمنظار اللا مركزيين الي طفشوا وملوا كل شي على الشاطي ما تسمع حس ولا خبر لجبل ولا صحرى وكل شي على العاصمه في بلد طول وعرض والي ساكنين في اخر الدنيا متقطعه فيهم السبل فيحطوا حالهم محلهم ويحسون فيهم يجربون يكونوا مواطنين يحاولون يكونوا عمانيين ومو مسقطيين