نبض الإحساس .. سجّل احساسك في هذه اللحظه

[حبي خالص]

القلب يستر : لكن الدمع مفضوح
وش حيلتي لا بيّنت ثم ( طاحت )

ليه ابكي اشيائي اذا جات بتروح !
اشياء واجد ( كنت ) ابيها وراحت

[حبي خالص]

لا هبت الذكريات ، و هزت انقاضي
يجتاح : صدري حزن جبار ما اطيقه

يا ليت به باب يدخلني إلى الماضي
و اروح له كل ما حسيت ب الضيقه !

[حبي خالص]

يا ناقد الحب لا تشره على مبلـي
خل النفوس الجريحه وش تبي فيها

قال المثل و المثل مقيول من قبلي
ما تحرق الجمره الا رجل واطيها”

[حبي خالص]

~ لا صرت واثـق لا يھمونـك كثير ،
إعـرف إن الحقران للمخطي دواء !

دآم الكبير بـ نظرتك يبقى كبيــر ،،
عمر الجبل ما حرك ركونه : هواء ،،

[حبي خالص]

حلو المحبه صافيه بين الاثنين ،،
مثل الجرس بالقلب تسمع رنينه،،
اغليك لو انك بعيد ن عن العين ،،
دام المشاعر في غرامك رهينه،،

[حبي خالص]

لآجـاك قلبـي و آشتيـآقـي مسآيير
آرجوك تكرم بِ آلمحبـه ضـيـوفـك

مآبي وعـد خـل آلوعد للمقاديـر
لو آضمنك وشلون بضمن ظروفـك”

[حبي خالص]

ياحضرة الليل عن غيابه ما سألته ؟
قل له ترى خاطري من البـعد طايب

حتى لو إن السهر بالدمع جاملته
وش يقنع المنتظر ويرجّع .. الغايب !

[حبي خالص]

كافي كذب ي ضحكتي كلنا اوجاع
ليه المكاابر : والسـنين تعـصرنا
ي دمعتي طيحي من العين للقاع
و يا قاع لا تشرهه ترى من قهرنا

[حبي خالص]

لا عاد تسأل بعـــدك شلون بـ عيش
أرحل وأنا الباقي بـ عيشه على الله

مـا أظن يموت الطير لو يفقد الريش
لكن أظــنه مـا يتعــدى محلـه

[حبي خالص]

أدفن همومك وأحذر السر ينباح
ومن ينشدك قله بخير و سلامه
ترا الجمل لاكثرت جروحه وطاح
تسهل علی القصاب جزت سنامه