بسم الله ما كأنه الوقت متأخر شوية الساعة الثانية فجراً ما علينا ما عندي وحدة أفت علومي معاها ف ذا الوقت غير مدونتي خلق الله نايمين وأنا فيني بارض أكتب ومتفيجة زيادة عن اللزوم 😌💜
المهم ما تحسون حبتين أن كل شي ممل *__* بدا مفعول السلبية يشتغل شكله👎
المهم حقيقي حد يجرب يفتح إنستقرام ويروح إكسبلورر بتطلع له حليمة بولند ولا فاشينيستا ومصخرة روح ع اليوتيوب نفس الهبل ؟؟ صراحة أنا العصر فتحت اليوتيوب وتابعت مقتل طرفة بن العبد بلا حليمة بلا حكيمة 🙅🖖
انزين جماعة تذكرون أشكالكم لما دخلتوا أول سنة الجامعة يعني لما كنتوا صعايدة 😂😂😂😂 الأولاد لا لا ضيم تحصل واحد غترته على صوب ويحليلهم الشنب أخضر بعده ما ظاهر كله 💔 والبنات ترا ما أحسن اللي تركض وطير شيلتها لاحضت شي إن البعض وكثير من البنات لو طارت الشيلة وطلع شعرها عادي !! يعني أنا طالبة فاونديشن معناته صغيررررررراه طيب يا حلوة أنتي محااااسبة !!؟؟ ما علينا كل شخص يحكم عقله ☺ اللي لاحظته أن الكل يعرفنا يعني مرة رايحة أنا وربيعتي مبنى ثاني ودخلنا الأصنصير وكان فيه أربع بنات وأنا وربيعتي .. ! وحدة منهم قالت لنا بمزح علام الصعايدة تاركين مبناهم وجايين هنا ؟؟ 😝
كيف يميزون ما أعرفهم سبحااان الله
المهم في حركة مالها معنى أسويها توصل للإدعاء العام لو حد كشفني 😔😔😱
أي دكتور أو مستر يدخل صورته بدون ما يعرف !! ما أعرف بس والله شفت كل البنات يصوروا الأساتذة والظاهر أن هالداء وصلني 🤐👞
المهم في مرة ماسكة الفون أصور ولا يشوفني 😱😱😱 الدكتور و هذا اللي صار
اسم النظرة (النظرة المذهولية الإنصدامية )
حاطة فلتر بعد ع الوجه السمح الحمدلله شافني ذا ما حد ثاني ولا كنت بغيب هالإنسان يوززززع صوره ع كل مكان وما عنده مشكلة لو حطيتها في السبلة وأنا ما مقصرة ناشحة صور عبادي وشهودة في المدونة وسبلة العدسة ما ناقص غير أحط صورتي بعد 🌚 😂😂😂😂
الله يهدي الجميع ،،
تذكرون مدونتي قبل يوم أحط فيسات ترقص وفيسات متحركة ترا متعوب عليها للعلم ☻💔
الله يقطع سوالفي ههههههه علامني انا فاصلة اليوم الزبدة هالأسبوع في إجازة ترا مال الإسراء والمعراج لك الحمد يالله !
المهم بكمل سوالفي مال الفصل الأول يوم تعرفت على البنات .. البنت اللي حشيت فيها أمس المتزوجة ذيك اللي شغلت صوتي في الكلاس قبل لا يحضر الدكتور يخس بليسها ..!! أي بنت إذا عندها صديقة غلجة لا ترسل لها مقاطع صوتية لإن الموقف فشلة لو شغلته وبعد حتى لو عندك صديقة مقربة لا ترسلين لها صورتك في عرس ولا حفلة أو حتى صورتك بعباية صح أنها صديقتك وانتي واثقة فيها مع إنه في حكمة قديمة تقول إحذر صديقك وعدوك المهم بنفترض إنه هالصديقة ثقة ثقة ما عليها كلام اوك أنتي شو يضمنك ما يصير موقف تضطر تعطي أخوها يفتش فونها وهالحركة تصييييير ترا مثلاً بعض الإخوان شكاكين فيشوف أخته مسكينة تشوف فيديو يضحك في الإنستقرام وهيه مبتسمة والأهبل عباله تكلم شخص يروح يسحب فونها ويفتشه !! او أي موقف ثاني يستدعي من أخ الصديقة أنه يشوف صورها انتي عارفة أخلاق صديقتك عارفة أخلاق عايلتها كلها .. ؟؟؟؟
ما عرفتني وأنا أنصح ترا يطلع مني 😎
أقول شي خلاص ما بكمل سوالف الفصل الأول لإن تعبت أبا أرقد والله صح أنه الجو تأخر وايد
ت
ص
ب
ح
و
ن
ع
خ
ي
ر
أقولكم متفيجة 🏃🏃🏃