مغفـره وذنـوب والساعـه بـــلا تـوبَــه تــدور
...السنـه صَارتْ سَريعـه حِيـــلْ وأحْسِبْهَـا شهـر
عِذتْ أنـا مِـنْ شَـرْ خَناسٍ يوسْـوسْ بالصـدور
..ومـــا بكـيـت إلا لــوجـــه الله فــي ليــلة قــــدر
اِختصـر مَعنـــى حياتِكْ كيف تبنـي لِكْ قصـور
..أحْتِـــــرم رايــك وهذي تعتــــبَر وجـــهَـة نـظـر
زيـن طيِّـب .. دام تِـدري إنَّ لِــكْ رَبٌ غـفـــور
..ليه مـا صَلِّيـتْ لاجلـه ومـا رفعـت إيــــدك شكـر
حَـدِّث العاقِـلْ بمَـا يُعقَـل ..وفـي قلـبٍ جَـسُـور
..وإنْ خطيـت بحـق غيـــرك روح قـدِّم لـه العــذر
رافِقْ الشخـص المِثالي اللَّي لـوتخطـئ يثــور
..وإن سِمَعت إسْمَعْ مِنْ اللِّي تِلقى فـي صَمته دُرر
وقبل تِسأل عَنْ حياتي وكِيف وجهـي شَع نـور
..خلْ كلامـي لِـكْ وصيَّـه وخـلْ بعـد عِنــدكْ خبــر
ما نالْ في الدنيا أحَـدْ يـا سَائلـي غيـرالصبــور
...والدليـــل إنِّــي صِبـرتْ وكانــت أيــــامـي تمـر
لا تقـول الحَـلْ إنِّكْ تِلقَى لِكْ عـاشِـقْ غَـيـــــور
...إنْ حَبِّتِكْ عِينـــه تــــرى ما حَبِّتِك عِـــين الدهر
مِثلِكْ كان حَالي وضِيقتي ونفـــس الشعــــور
...كِنت أقول: شمعنى قلبي فـي مشاريعَـه خسـر
ما دريت إنَّ الغِيابْ أحيَان أفضَـلْ مِـنْ حضـــور
....لِين شِفت الشمس تشرق بعد مايغيـب القمــر
وما دريت إنَّ التواضُع كنـز ومَكـرُوه الغـرور
....لِين شِفت إنَّ الغِنــى في الآخِــرَه مِثـل الفقـر
كِنتْ غافِلْ في حياتي وكِنتْ أجْهَلْ هَـا الأمـور
.... ِلينْ ربِّـي لـه هدَانـي وصِـرتْ أدَوِّر لِـي أجـر
لا تقول:أعيش يُومي دامي فـي عمـرالزهـور
.... ما انت ضامنْ عُمركْ الباقـي وقَطَّـافْ الزهَـر
قبل لا تبدي الخطِيئه وتبْنِـي لِذنوبـك جـسـور
... خـافْ مِـنْ ربِّـكْ وفكِّـر فـي وعَـد يُـوم الحشـر
مَهْمَا كِنت إنسَان راقي تعشِـق أنـواع البخـور
....التـــراب اللَّي يضمــك بعـد مُوتـــك والقبـــــر
ياما قالوا الناس خايف وقلتمـا فينـي قصـور
...بَـسْ شِفـتْ إنَّ الشَّجَاعَـه مَعنـى ثانـي للخـطـر
إيهـ خـافْ وكُـونْ سَالِـم دام هالدنـيـا بـحــــور
والشجرإن شفت هامه هـذا مِـنْ طيب الجذور
....يعنـي أعمالـك جـذورك هـذي هـي المختـصـر
القضية ما هِـي شخصٍ خالِفَـه شِرطي المـرور
...البشـر فـي الدنيـا هـذي صَـار ياكِلْهَـا بـشــــر