كفى الله فراقك يابعد كل من حبيت
عسى الموت لي قبلك وطيات الاكفانِ
أنا ويش يبقى لي اذا ارخصتني وأقفيت
ومالي مراد بعيشة كلها أحزنٍ
أشوفك - وأنا مدري - تقل يالغلا صديت
وأنا ماخبر مني خطأ يوم تجفاني
أنا اللي بلا منه عطيتك ولا خليت
واذا شانت الدنيا على طول تلقاني
أحبك من الله ،ماتخيرت يوم إبليت
بلاني بك اللي يعلم السر وإعلاني
لو أطلب جلا حبك من الله إذا صليت
تجدد وزاد بخافقي يومي الثاني !!
لعلي بظني ياكحيل العيون أخطيت
وقلبك معي مازال مغلي ويهواني