يدعينـي الشـوق يمـك وأكسـر عنـادي
لـو طـال دربـك حبيـب الــروح مامـلـه
حبك مثـل حلـم وردي أبريحـة الكـادي
وأنــا أتـحـرى خيـالـك وأحـلــم بـطـلـه
زهمـت قلبـي؟ ولبـى صوتـك الـشـادي
لامـن زهمـنـي أطـنـش كــل خـلـق الله
أجيـك رغبـه ورهبـة شــوق متـمـادي
فـديـت رمــشٍ دعـانـي وأحـلــم بـظـلـه
تكفـى طلبـتـك حبيـبـي حـقـق أمــرادي
وأعـلـمّـك صـبــت الـفـنـجـال والــدلــه
أعلمّـك كيـف جـمـر الـشـوق يــزدادي
فــي وســط قـلــبٍ يـبـيـه ولا تـوصـلـه
عن محجر العين أبنفض باقي سهادي
وأشعـل جمـر نـارهـا بالـحـب والمـلـه
وأكتب على أشواقها موتـي وميـلادي
ياسيـف صـدري وبوحـي كــل ماسـلـه
أبعـدت كــل الــدروب ودربــك الـبـادي
أي والله أعرف طريـق العشـق وأدلـه
وآدلّــه النـفـس واقـهـر كــل حـســادي
وأقــول كــل الامــور الـعـوج منـحـلـه
وأقــول ياغـربـة الاشـــواق بـرقــادي
أقـوم وأطـيـح مــن عـلـه عـلـى عـلـه
شـوقٍ دعـانـي حبيـبـي مـاهـو بـعـادي
بـه أختلـط ريـحـة الريـحـان مــع فـلـه