يا حزن لو تدري وش الحال لا دمت .
لا زاد حزني والردي زاد شمته .
اصمت على جورك ويوجعني الصمت .
والدمع يفضح علمي اللي كتمته .
هذاك يفرح لا لمحني ][ تالمت ][ .
لا شاف ضعفي يعتبرني ][ خدمته ][ .
وهذاك يفرح بي ليا طحت ما قمت .!
ويقول وين الباس ي اللي زعمته .
وانا من ظروف الليالي تعلمت .!
ان الصبر عهد علي والتزمته ..
مرات اقول اني صبرت وتاقلمت .
ومرات اقول الصبر فيني عدمته..
لا مرني طيفك وانا ما تولمت .
اقول ابصبر وان تعدا ][زهمته ][ .
كيف الصبر وانت الحكي لا تكلمت .
وانت السوالف في قصيد ][ نظمته ][ .
وانت السهر لا مرني الليل ما نمت .
اشكي عليك الجرح ي اللي ختمته .
ما عاد فيني ل المواصل تحطمت..
لا صرت تهدم حلمي اللي حلمته .
كم لي وانا ارجي شيمتك لو تكرمت .
.ارفق على اللي في غرامك ][ ظلمته ][ .!
ما فادني دمعي وانا اللي تظلمت .
وترد دمع يشتكي لك و ][ لمته ][ .
ليتك تحس ب نار جوفي ليا لمت .
وليتك تشووف الحال يوم اتهمته .
شفني من تراب المواجع تيممت .
يا حلمي اللي ف المحبه رسمته .
شفني طريح الهم ليتك تغانمت .
.احساسي اللي ف الموده غنمته .
خليتني قصة هل الهرج والشمت .
وانت الوحيد اللي من الناس همته .
اخركلامي لا قضى العطف واعدمت .
قلب من اسباب التغلي ][ ظلمته ][ .
اما تجي وتبدل الضيق والصمت .!
ولا ب اودع حلمي اللي حلمته .
وانا من ظروف الليالي تعلمت .
ان الصبر عهد علي والتزمته..!
رد مع اقتباس