ياماخذ ( القلب ) قلبـي ويـن . . وديته
نطرت قلبي يجي منك ولا جانـي !
رحت اتحراه يرجع والحشـا . . بيتـه
والظاهر بقربك / ارتـاح وتناسانـي
وشلـك بقلـبٍ تضمـه . . ماتمنيتـه
عادي تضمه ! وعادي يضمك ثاني
ماهي غريبه ليـا جالـك .. وضميتـه
وسيع ذمه عسـى ربـي /لايبلانـي
ماخفـت ربـك وقلبـي .. ماتبنيتـه
غيرت
قلبي علي ورحـت تجفانـي
ابيك تذكر وشلـي معـك .. سويتـه !
راجع ضميرك ورتب جملة / أحزانـي
حتى الشعر فيك ضحكتـه .. وبكيتـه
يضحك على شانك / ويبكي على شاني
في داخلـي لـك كـلامٍ .. ماتهقويتـه
كلام لاجيت أقولـه يثقـل لسانـي !
حبل الوصل من يدينك ليـه .. هديتـه
حاولت أشيله ولاكن طاح ، مَ أمداني
وقفـت حتـى مكانـي .. ماتعديـتـه
كن الصبر مرنـي عجـل وتعدانـي !
فنجان فرقاك مـن صـدك .. تقهويتـه
والحزن غيم على الصدر و ( تقهواني )
على كثر مانزف جرحـي .. وداويتـه
على كثر ماندمت وقلت وش جانـي !
الله يسامحـك قلبـي ويـن .. وديتـه
والله يسامحه قلبـي ويـن ودانـي
رد مع اقتباس