يسعد صباحكم / مساكم
هلا بالجميع ...
ويحلو اللقاء بكم احبتي وأتمنى ماراق لي يروق لكم ...
يا بعيده ،
كل سنه وانتي سعيده
الشتآء مر المدينه بلا تفاصيل وأماكن
كان يحكي عن : فقيده ..
عن مطر يشبه دموعك
وانتي تشكين بخضوعك
[ مِن تقاليد وعوايد ]
تقتل الحُب وتبيده ..
يا بعيده ، كل سنه " وآنا أحبك "
من زياده / في زياده / في زياده
وكل ما اكتب قصيده ، جيتي انتي
و كل ما اقرى جريده جيتي انتي ..
و كل ما تضحك صغيره : شفتك انتي
و كل ما طق المطر وانغسلت الارض وتبسّم ثغر حالم
" شفتك انتي "
يا بعيده : دايم استرجع كلامك ،
ومشهد اليوم الاخير ..
يابعيده " كم اعيده "
و اقتله مليون مره في خفوقي وآآه تغرق في مزيده ..
يا بعيده ، كل سنه وانتي سعيده
كل سنه اردد لصوره تختنق في روح عيني
كل سنه اكسّر يديني
كل سنه اسألْك : ويني .. !
وما تردي .. يا بعيده
كنت اقول لكل حاجاتي " تجين "
ولإنتظاراتي " تجين "
و لسكك وأصحاب كانوا
انك انتي ما تخلّيني " وتجين "
ورحتي انتي عن عيوني ،
عن شغف صوتي و قلبي
وصرت اناديك : البعيده ..
ساكته .. واقطف سوالف امنياتك
من عطر باقي بصدري
من رسايل وسط ادراجي تغنّي
و ذكرياتك
ما رحلتي يا بعيده ..
و انتي اصلاً روح شاعر ،
كل قاف و كل لحن وكل قصيده
ماضي وحاضر وبُكرى
و كل شي(ن) ما يجيده
أو يجيده ..
يا بعيده كوني دايم : من أجل قلبي
" سعيده "
اخوكم / رايق البال
رد مع اقتباس