إبعد طلبتك وأنا في خير راح أصبح






ما هي غريبه إذا في خاطرك تجرح
قلبي تَعَوَّد على النسيان وجراحه
سوَّدت وجه الغلا / ويحق لك تفرح
والراحه والله أبشرك ضاعت الراحه


ملِّيت أجْمَعْ طموحي وحضرتك تطرح
والقلب يسأل : دخيلك , وينْ مفتاحه ؟


إن قلت [ تعبان قلبي ] جد ما أمزح
الهَمْ دمَّر حصون القلب , وإجتاحه


جيتك مثل ( آدمك ) في جنِّتي أمرح
وإنتَ .. وش إنتَ ؟ أكيد تكون تفاحه

ما كنِّك إلا البحر , وماعرفت أسبح
غدار طبع البحر .. ما فيه سبَّاحه


وما كنِّك إلا طعوني , وطعنتك تذبح
في ذمتك شفت واحد حَب ذبَّاحه !؟


وشلون أحبك وأنسى غلطتك وأسمح ؟
مو كل شي لا تكسَّر تقدر إصلاحه


خسران أدري لأني ما عرفت أربح
يا خلف الله , على قلبي وأفراحه


ما فيه داعي لعذرك ما أبي تشرح
ما دام قلبك خذا من جرحي أرباحه

إبعد طلبتك وأنا في خير راح أصبح
إن رحت عني تكون أعصابي مرتاحه


القافله تسير دايم , والكِلاب تنبح
ويا كثر ما به كِلاب بداخل الساحه !