#
على طاري ذيك الحواري اللي امتلت بغياب
بديت ارسم هنا ذكرى قبل لا تنتهي سنيني
تضج بها في زماني ريحة قهوة الأحباب
وانا متسمر على بوحي ودمع الشوق يكويني
يبات الليل في عيوني ويفتح للوجع أبواب
ابي أسهر وانزف ذا الحزن اللي ملى عيني
تمر الذكرى في حجري وتوجعني بلا اسباب
وبداخلي ماتت مشاعر... أدور من يعزيني
ضاع العمر... والجروح بداخلي تنساب
عسى هالجروح اللي ما تموت بيوم تعلمني
ليه اعزف على أوتاري ... والحزن غلاب
ابطعن صمتي بصدري واهرب بكل ما فيني
برحل وانا شايل أكفاني بحسرة الأغراب
وادور لي على قبرٍ يلملم كل ما عندي
#قيثارة
