قصيدهـ جديدهـ بعنوان .. ضحكة برودي ..


مسآاكم .. خير وسعادهـ .. كتبت ابياآت متواضعه ..
اتمنى ترتقي لذوقكم الرآقي .. اقوول فيهآآ ..


بديــت بإسـم الله عـدد كـل مخلـوق
الرازق المعـطي بفضـله يجـودي

يوم البشر ما بين عاقـل ومطفــوق
بـداوي العلة فـي ضحـكة بـرودي

اقطف اغصان الفكر واهدي عذوق
واطيّبك معـني منْ بخـور عـودي

واعطيك بحلو الكلام شهـد وتـذوق
سلسبيل حكمه من زلال إعـْدودي

مات الشجر واقف وحيه به عروق
شـف الحياه نبت ورث الجــدودي

ما يرتفع شخـص ٍ تعـلم على بـوق
ولا يستـوي طير النعام بـجـرودي

احـدٍ بوسط الشبك واحدٍ به سبـوق
ورجلٍ يطيع الامـر ورجلٍ يقودي

الشمس لحافي القدم تسبب حروق
واللي زرع وردهـ بيجني ورودي

احذر تسيء للناس وتسبب غلوق
تجرح شعور البشر منتَ محدودي

خلك حشيـم الـذات وعـالي الـذوق
ولايجي قلبك مثل قلب الحسـودي

ارفع مقام النفس ان لاحت بـروق
يوم إنْ سمــو الـذات يرقى سنـودي

الجرح بوسط الحشا يسبب فتـوق
عند الكرامه شف جوارحنا تـذودي

ترا الغبن يجعل من الرجل مخنوق
كـتم معـالم جـرح ما بـاح سـدودي

وياللي تبي عدل وانصاف وحقوق
بختم لك القيـفان ليت تفهم ردودي

الله وهب لي هامة بالسحب فـوق
ما تنـزل لقاع الارض الا بسجـودي..



وسلامتكم ..