ياصاحبي وش ذا الجفا والصدود

حرام منك يازين تجفاني

منولن حبل الوصل بيننا ممدود

واليوم اشوف كانك ماتباني
غرك جمالك يالغزال الشرود

مادريت ان غيرك فالكون غزلاني

ياما بينت لك خافيات السدود

وياما بينت لك وفاي وحناني

واليوم ماعنك يازين منشود

قفيت وقلبك القاسي نساني

ان كان لك غايه هدف ومقصود

او انك هاوين شخص ثاني

كلن علئ هواه ماهوب مردود

وانا مابي واحدن مابغاني

لاكن رح للي توده عساك ماتعود

خله يفيدك ليا جار الزماني