السلام عليكم ورحمة الله وبركاته
في الاونه الاخير، قامت تجينا على جوالاتنا وفي حساباتنا في مواقع التواصل الاجتماعي، رسائل دعائية لرحلات سفر، وهذا الشي ما مستغرب ومن زمان وشركات السفر والسياحة تقوم بمثل هذا الدور، لكن اللي بديت استغرب منه هوه جروبات السفر اللي تروح على اساس مسافره معاهم بنت عمانية من مشاهير السوشيل ميديا.
بنات صغيرات في السن بعدهن، اطلع وتسافر وتمر العالم مع شباب وبنات وعائلات ماحد منهم يعرف الثاني.
وين اهلها هذي البنت، هل الشهره والفائدة صارت اهم من تعاليم الدين؟؟ الاسلام اللي خفف عن المرأة ركن من اركان الاسلام عشان ما تسافر وحدها، واشترط المحرم، وهوه ركن الحج.
وبصراحه صارت واجد بنات عمانيات يسوين هالرحلات، زين ايش هالافكار الدخيله، وايش هالانفتاح الاخلاقي الغريب والدخيل.
اعرف بتقولولي حرية، بس الحرية لها حدود، افتح مواقع التواصل الاجتماعي وتشوف البنت اللي كانت محجبة في السلطنة برع بلبس الموضه وفساتين السهر، والشعر على احلى تسريحة.
هل الواجب الانستجرامي والسنابي يحتم عليها تشيل عبايتها وشيلتها؟؟
بس اللي ما قادر اتخيله كيف امها وابوها يجيهم نوم وبنتهم تحوط في دول اخرى.
دمتم سالمين غانمين
رد مع اقتباس