الذاهبه ......

[ثابت الخطى]

الله اللي راد و العقده قضاها الي عقدها ***
لا على الدنيا سلام ولا باقي العمر زينه

الفضاء ما كنه الى خيمه طاح عمدها ***
والفرح ما كنه الى شيخ قصه يدينه

والعمر قطعه زجاج كسره ولا طال امدها ***
والعرب في العيد بدموع اليتاما مستهينه

والشوارع لفها ثوب الظلام الي هجدها ***
والبيوت اطلال من عقب المحبه والسكينه

والشتاء والليل والبرد وسما يصرخ رعدها ***
والعيون الي ورا الشباك مذعوره حزينه

طولوا في الكهف الاصحاب وبقت روحي وحدها ***
كنا في كوكب ثاني خلا من ساكنينه

الوداع الي بعلم العين يعبر من رمدها ***
والوداع الي بلا بعلم القفا الصدر غبينه

والوداع الي بلا رجعه عليا مر رودها ***
والله انه غرغرت سن وسكاكين سنينه

والعنود الي جفيت الناس والدنيا بعدها ***
مدت الفرقا الغاليها وهي تعطي الثمينه

وينها كيف تركتني ليه ما جت في وعدها ***
والقمر لا طل خابرها تجي بيني وبينه

رحت انادي واتلمس في مهب الريح يدها ***
كني حصان بلا صاحب طوى البيدا حنينه

رحت الصيح الصبح وينه والعرب ما رد احدها ***
ما سمعت الى صدى صوتي يقول الصبح وينه

كنهم من يوم ذيك الشمس غابت عن بلدها ***
طلعوني في النفوذ وصكوا ابواب المدينه

كنهم من يوم ذيك الذاهبه محد وجدها ***
كل رجال من الشرهه قلاه الدرب عينه

اترها ماتت وماتت كل فرحه في مهدها ***
والربيع اقفتبه الي كانت التاج الجبينه

جاورت عقب الحدايق حفرت ما اقسى لحدها ***
حفره ما ني مصدق كيف ضمت ياسمينه

للحزن فيني مثل مال الطهاره في جسدها ***
وش اسوي لا بتشتلي وسط الخزينه

زخرفت حلم وبنت له مسكن وسمت ولدها ***
اه لو غرت ولدها في خميله والدينه

عاهدتني واظفرت بيمين اقوام عهدها ***
والصبي لا خير فيه ان كان ما نفذ يمينه

ما تثقى عن رثاها عرق اقتض بشهدها ***
ولا تثقا خلف قضبان الجفن عذراء سمينه

كيف عند العالم ايام العزاء محصى عددها ***
ولا انا طالت شهوره والله اعلم كم سنينه

لا الثرا فيها نبات وللمشيخه طب نكدها ***
لا السما فيه طيور ولا البحر يمه سفينه

لا القمر هذا مساه ولا العصي هذا رغدها ***
لا الزهر هذا شذاه ولا الذهب هذا رنينه

قالوا الشيخ الفلاني مرجع القوم وسندها ***
قال يبشر بالعوض والعلم يجينا ناقلينه

ساق لك بدر البدور الي نشدها من نشدها ***
جادر هزت عروش وخيبت روس ذهينه

جسمها في رسمها في جسمها ولا في رشدها ***
واسمها انجال الغضب قومه على الالسن رطينه

اترك الناي وعطيه شيخنا غنا لسعدها ***
انبسط يا عمر وانسى الي ورا التربه دفينه

قلت ولصدري تلاهي ان تروى من شهدها ***
اه يا ويلاه من يجذب على قلبي ضنينه

خلوا اغلى ذاهبه ترعى ربيع الي فقدها ***
والعطا راعيه محد صوبه الله لا يهينه

لو ضمنت الجنه بتفاحة القلب وشهدها ***
قلت من بكره عسى مجنونها توقف سنينه


راقت لى واتمناها تروق لكم مع خالص التحايا