يسعد صباحكم / مساكم
هلا بالجميع ...
لقاء آخر يجمعنا وأتمنى ماراق لي يروق لكم ...
على ذكر المواجع والسفر والحل والترحال
طويت آخر ورق عندي لقيته بدفتر أحزاني
طويته وانكسر قلبي وصوتي بالمواجع ســال
دريت إن الظلام اللي تحت كف السهر جاني
جلست أجمع مسافاتي وأغني للسفر موال
على صفحة من الماضي بها حلمي وعنواني
بها كم سافرت عيني ليالي والظلام أهوال
بها كم سافرت روحي وأنا بالليل وحداني
حبيبي كل ما أشوفك تجي بالذاكره تختال
نهرفايض من الذكرى يجي من داخل أشجاني
تخيل يوم عانقني خيالك خاطري وش قال
تخيل قبل أسولفلك نشدني عنك وجداني
نشدني لين خلاني مدينه هزها زلزال
تخيل ماهدا حتى لقاك بوسط شرياني
أروح لسدرة الموعد معاي لموعدك مرسال
وأخاف إنك تجي قبلي وترحل قبل تلقاني
هنا كانت ليالينا غـــــلا والمقبلات آمــــال
وهنا كانت مواعيدك مطر تخضر به أغصاني
هنا شف باقي آثارك على رمل الوعد مازال
وهنا شف دمعة(ن) طاحت من عيونك على شاني
حبيبي لا تناشدني عن أوضاعي وكيف الحال
أنا بعدك سحاب أبيض أضم الريح بأحضاني
وتبقى سيرة الذكرى قصيده تكتب الترحال
سوالف للعيون اللي صداها دمعة أحزاني
اخوكم / رايق البال
رد مع اقتباس