وين انت يالي يشرح البال طاريك
وين انت يالي مقره فؤادي​

ماله شبيه ومن هو اللي يحاليه
وماله مثيل في الحضر والبوادي​

ساير الافكار والقلب اعزيه
بالي كوى قلبي بنار الابعادي​

حتى قصيدي يرثي اليوم غاليه
في غيبتك شعري كساه السوادي​

امشي على الجره وصوتي يناديه
ابعد وعقبه ماهنالي ارقادي​

ارخصت عمري دون عمره ومغليه
فيه الجمال وهادي الطبع هادي​

ماغيرك احد صار قلبي مصافيه
في غيبتك مازاد شربي وزادي​

امر وانا اقول لك حاضر ولبيه
لو تطلب عيوني ترىالوضع عادي​

والصبر طال ولاني اليوم قاويه
في غيبتك ذقت العناء والجهادي​

حل الفراق وقلت مانيب قاويه
واليوم في وادي وخلي بوادي​