محاولة بعد غياب ...




تمنيته..


لفاني من الوقت حزنٍ ابد ما ظنتي بمعهود
توســـــــدني ولا مــــرة تخلى وحــــلل ابـــــعادي

يسوق من الحزن دمعٍ رسم فوق الخدود حدود
حــــــدودي غصـــةٍ بكما وهــــم بداــخل فوادي

تعبني الليل وافكاري وحزني والليالي شهود
الــــين اني لقـــيت اني حزين بيـــوم ميلادي

انا المحتاج ماغيري يحس بنبضه المفقود
طواه الهم والضيقة وحزني طوّل حدادي

تعبت من السؤال اللي اسمعه وما معاي ردود
وتـــــعبت من الكلام اللي يردد فيه حـــسادي

تمنيته قبل يبدي معايه ف حبه المفنود
يغيب بلا عذر واسباب اكيد انه معي عادي!

تمنيت اني ما شفته وقلبي بداخلي مردود
ولاانه عاش في حبٍ غريب توسط بلادي

اموت من الشعور اللي يخوفني يصير يعود!
وانا ما عاد بي قلبٍ قويٍ يشعل عنادي

كسير القلب واحلامي اليتيمة في لقاه تسود
شعورٍ يغلب التفكير وشي بداخلي ينادي