صباح / مساء الخير
صلاة الجماعه
كلمات الشاعر : سعيد بن مانع
انــا وش الـلـي بغيـبـتـك مستـفـيـده؟
صـدري وصـل مـالهـم حـد الشباعـه
الصبح يضحك لي بضحكـه جديـده
وانــا الــى هالحـيـن مانـمـت سـاعــه
اسـهـر واسـامـر كــل نـجـمـه فـريــده
وان نمت ؟قالت ليه هذي القطاعه
ياغـايـبـه والـلـيـل لا اشــتــدت ايــــده
يـــدي ضعـيـفـه مـاتـقــاوي صــراعــه
الــــحــــب دم والــمـــواصـــل وريــــــــده
والقـلـب هـــو الـلــي يـزيــد انـدفـاعـه
غــيـــابـــك الله يــمــحــقــه لايـــعـــيـــده
لازاد زاد الــجـــرح مـــعـــه اتــســاعــه
جـاعـت عيـونـي شـوفـتـك ياعـنـيـده
ماترحمـيـن الـلـي بلـتـهـا المـجـاعـه؟
غـبــتــي وسـمـيـتــك قـريــبــه بـعــيــده
والعـيـن تحـسـد خافـقـي ع القنـاعـه
بـيــنــي واحــزانـــي عــلاقـــه وطــيـــده
مثـل العلاقـه بـيـن عـقـرب وسـاعـه
نسيانـي اكــذب مــن كــلام الجـريـده
وكتمانـي اعتـم مـن عتـام الإشاعـه
ولاجـــــداي الا حـــــروف الـقـصــيــده
عــســى تــزودنـــي شــويـــة مـنــاعــه
لـك الله اصبـر ع الـريـاح الشـديـده
يالمركـب اللـي ضــاع مـنـه شـراعـه
عسـى الفـرج يقـبـل ويهـنـاك عـيـده
وتبات عين اللـي شقـا البعـد لاعـه
يـاغـايـبـه والـنــخــل يــبـــس جــريـــده
ولايـــــغـــــرك راســـــه وارتـــفــــاعــه
مـــدري غـيـابـك وش بـاقــي مـزيــده
مـالـي عـلـى صــد التـيـاعـي بـراعــه
تدريـن وش فــي غيبـتـك مستفـيـده
انــي اصـلـي الفـجـر ويــا الجـمـاعـه
رد مع اقتباس