خذ من سعه لياك تاخذ من الضيق
____________ماضاقت الدنيا الوسيعه باهلها
يرضيك ما يرضي جميع المخاليق
____________اللي يجازي كل نفس بعملها
سج القدم والله عليه التوافيق
____________واليا جفتك الدار دور بدلها
الصبر مفتاح الفرج للمطاليق
____________ونفس تعدى حدها من جهلها
كم واحد قد ذاق مر التفاريق
____________وعقب الرضا نفسه تزايد زعلها
عليه مالت غرب عقب التشاريق
____________وحتى ايش لو مالت على الله عدلها
محد يلوم اهل القلوب المشافيق
____________الرجل تركض لين يوقف اجلها
الحب هو ساس الشقا للعشاشيق
____________والناس بالايام ياطول املها
من ذاق عشرة لابسات العشاريق
____________ما طاعته نفسه لو انه عذلها
الحب كايد والهوى ييبس الريق
____________واهل التغزل لاهيه في غزلها
تتل قلبي من سخاف المعاليق
____________تله دلي اللي حيا من رسلها
والما بعيد بفاعة ام الزرانيق
____________والقلب لحم ودم كيف احتملها
قمنا على علم وعهود ومواثيق
____________ما نختلف وارزاقنا الله كفلها
راع الهوى بالليل نومه نخافيق
____________دار رحل منها ودار نزلها
ترى الهوى قتال ما فيه تفريق
____________ياكم قتل نفس ونفس عزلها
واصل السبب من هرج بعض المطافيق
____________اللي يديه من المروه غسلها
اهل الركاب اللي تلف الطواريق
____________اتكشف اسرار العرب وتختلها
لا هم بخياله ولا هم تفافيق
____________اتدور الغرات والله فشلها
علمي بها غربي جبال شواهيق
____________في روضة توه يفرخ حجلها
روضه تضاحك بالزهر والزماليق
____________ يجذب مسافة يوم ريحهة نفلها
رد مع اقتباس