يسعد مساكم / صباحكم
هلا بالجميع ...
نص نشر لي هنا في 10 / 2013 وحاليا في أرشيف السبله
وعاودني الحنين له ..
ياناعم العود ياللّي ملبسك زاهي
يافتنة الصبّ ياحظه وتوافيقه
يامن ملكني وصار الآمر الناهي
ولاغاب عني شكيت الهم والضيقه
يفداك عمري ألا يالحالي الباهي
ياللي عشانك حلال(ن) دمّي إتريقه
بك كامل الزين وانته بالغلا راهي
يامن لشوفك يزيد القلب تشويقه
كل المزايين دونك يالغلا اشباه
اسطع بنورك لشوف(ن) زاد تحديقه
زاهي وزاهي ورب العرش بك زاهي
هذا الجمال الذي يتعب معاشيقه
يانسل الاشراف وابن العز والجاه
من هو مثيلك ؟ وانته للنحل ريقه
بعدك تعبني وعنك ماغدا ساهي
قلب(ن) تمناك من جملة مخاليقه
لا جنّ ليله شكى الحرمان والآه
واتصافق الشوق واهتزت معاليقه
تعبت اناديك وانته ساهي(ن) لاهي
ماهي عداله تزيد الروح تغريقه
تعال واسمع حديث الفاه للفاهي
يامن عطيتك خفوقي مع مواثيقه
وخذها حقيقه كلام (ن) قالته اشفاهي
واللي خلقني فراقك آه ما اطيقه
ياسكري انت واشواق الجوى شاهي
كلّي انتظار(ن) لوعد(ن) طال تحقيقه
اخوكم / رايق البال
رد مع اقتباس
المشاركة الأصلية كتبت بواسطة حمد نجد
