عرس الصديقة
قالت بسير اليوم عرس الرفيقة
فيها معاني بنت أصل ووفيّة
ولما بدت بين الحضور الأنيقة
كل العيون تشوفها مستحيّة
وش ذا الغزال اللي محول طريقه
وش ذا القمر يللي كرمنا بضيه
والبعض ردد ذا خيال أم حقيقه
من جنسنا ولا من الجن هيّه
وتبخترت ريمٍ بمشيه رشيقه
تفوح منها كل ريحة زكية
تنقل خطاويها بنقله رقيقه
تتبادل البسمات معي ذي وذيّه
وصلت إلى الكوشة جنب الصديقه
وطبعت على خد العروسه هديه
شفت الشفه.. توت وسط بحديقه
وفي وجنتيها قصةٍ عاطفيه
تقول ياقوته نفيسه وعتيقه
فاقت على أترابها بالمزيّه
وأنا أطالعها بنظرة عميقة
وهيه تطالعني بنظرة خفية
وما بين أكلمها وراحت دقيقة
قفت ونار الشوق بي مسطليّه
آه يالأماني بس كوني شفيقة
ودي بشوف الخل قبل المنيه
شريف العميري
بيبرس
رد مع اقتباس
المشاركة الأصلية كتبت بواسطة محمد العمران
