-
لـوْ بـقـيـنـا !!
لـوْ بـقـيـنـا !!
http://up.omaniaa.co/do.php?img=18305
.... وغبتي عني
يا قريبه من عيوني ونبض قلبي
ما توادعنا أبد !!
رغم إنا بالبلد !!
وبيننا حاره وطريق !!
شفت طيفك بس مر
شفت موتي
وانت بتقصي التذاكر
/////
ومن بعد ما رحت عني
وش يفيد هذي الصحاري ؟!
لو عليها مر مني
بعض من غيم ومطر
وبعض روح
وبعض من نبض (ن) جديد ؟!
وش يفيد هذا المسا ؟!
لو أضـوِّيـه بشموع
واسكبه عطر ولحون
واكتبه شعر وخواطر
كل هذا وش يفيد ؟!
وش تفيد حتى الحسافه
بعدما شفت بخطاك
هاربه كل المسافه
وشفت في صمتك نهايه
وشفت بعيونك رحيل
يستحث الوقت يمضي
ما بوده يظل ناطر
في شتا ليل الرحيل
بين برد وبين ريح
وبين برق وبين رعد وجو ماطر
& & &
..... وغبتي عني
وآه يا ذبح المشاعر
وانت بتقصي التذاكر
آه من لحظة عذابي
يوم غبتي
كنت أبي احضن يديك
واتوادع مع عيونك
مع شفاتك
لو بكلمة
لو ببسمه
لو بورده أو بصمت
في لقا كله دقيقه
أو ثواني
من عمر عمري وحياتي
قبل لا عني تهاجر
بس يخساره رحلتي
ومن يردك ؟!
يا طيور المستحيل !!
من يردك ؟!
يا وطن قلبي المسافر !!
آه يا حلمي اللي راح
ما بقى غير الألم
وجرح ينزف ف الدفاتر
# S #
http://up.omaniaa.co/do.php?img=18306
صدقيني ..
لو بقينا ..
لو عطينا القلب فرصه ..
كان ممكن بيننا يولد غرام
وشوق وأحلام وهيام
وكان ممكن يحكي عنا
ألف راوي وألف شاعر
لو بقينا !!
و ( لو ) بتنعي موت حلم
( لو ) بتبكي حظ عاثر
( لو ) تحاول جبر شي
وصعب والله جبر شي
لا انكسر خاطر وخاطر !!
شعر / سعيد مصبح الغافري _____________________
-
الله الله الله عليييك الله
أستاذي. ...
لم أجد كلمه تعبر عن اعجاابي الكبير بالنص راق راق
لي بشدة ولامس مشاعري وقرأته مرارا لشدة جماله
لا جديد لا جديد عليك هذا التميز
صح لسانك ودمت متألقا
لروحك سعادة لا تنتهي، ،،
-
إستاذي،،،،
عزفت لحناً جميلاً،،،،
أيها المبدع الأنيق،،،،
نص جميل توشح بالصور
الجميلة ،،،،،
تحياتي ومحبتي ،،،،،
-
أبدعت شاعرنا في نصك
نص رائع جدا
راق لي
باركَ الله فيك ووفقك
-
الله على الموسيقى الاكثر من روعة ..
ذكرتني بأغنية ..لا تلوح للمسافر
أبدعت كعادتك .. بالرغم ان النص بالعامية واغلب ما قرأت لك بالفصحى الا انك وظفت المفردات الفصيحة واعجبني هذا التداخل المتجانس بين العامية والفصحى في النص
دمت مبدعا دوما ..
-
الله عليك مبدع كعادتك ..نص يحلق بك في دنيا الاحساس ويلامس حدود الروح ..خاصة بانه جاء بلغة وسطية قريبة من العامية...وتتميز نصوصك ارتباطها بالارض والبيئة الطبيعية ولا تتكلف باستيراد مفردات بعيدة وغير واقعية ..أكيد الغياب قاسي جدا وربما للشعر دور في اقناع المسافر .... تحياتي وتقديري
-
نص شعري مميز وجميل جدا سعدت جدا بقراءته
الشاعر والكاتب سعيد الله يعطيك العافية على هذا الجمال الشعري..
-
نص رائع استاذي سعيد..يعطيك العافيه
-
ذكرتني هذه الكلمات بقصيدة بدر بن عبدالمحسن
آه .. ياتعب المسافر
في أراضي الجرح و في بحر المحاجر
مالهذا الحزن آخر .. او لهذا الجرح آخر
ياشمسي الأخيرة .. في اللحظة الأخيرة
أنا .. لي كلمة أخيرة
إغفري لي إبتسامي .. قبل جرحي
حاولي تنسي كلامي .. قبل صمتي
ولو زعلتي .. ياأعز الناس انتي.
..
يا سيدي.. عندما يقررون الرحيل فهناك ألف سبب وسبب فلا حب يردهم ولا قلب ينبض لهم ولا ذكرى ولا حنين يوقفهم.
وبرحيلهم تنزف القلوب وليتهم يشعرون.
نص مميز اخي سعيد
يستحق النجوم
-
الله يعودك لك يا بومهند عاد ماتهون علينا تتعذب
بغيابهم ورحيلهم أحيد صبور الغافري
نص في غاية الروعة والجمال عميدنا الشاعر الكبير سعيد