نوارة الكون
30-10-2016, 07:54 AM
قصيدة لشايب في دار المسنين يدعي على ولده
... ليت الزمن يرجع ...
ليت الزمن يرجع ويرجـع زمانــي = ودي أطفـــي جمــرة داخــل الـــروح
واقتص من شخص عزيزٍ كوانـي = واصبح فـؤاي من فعايلـــه مجـــروح
قاســي ظلمنـي والله المستعـانــي = من بعدها وانا اسهــر الليـل وانـــوح
شايب ضعيــفٍ مالـي الا لسـانــي = خارت قــواي ولاقدر آجـي ولا اروح
مرجوم في دار غدت هي مكانـــي = غابت بها كل ابتسـامـــات وامـــزوح
مالي بهم ياخوك قاصــي ودانـــي = كلٍ على فــراش التعاسـات مســـدوح
المشكلــه باللــي معاهــم رمانـــي = أقصد ضناي وزود اــلروح بجـــروح
لاواحسايــف فرحتــي يـوم جانـي = زانت به الدنيـــا مســـرات وفـــروح
بنيت فــي بالــي جميــل الأمـانـي = وشـيـــدت له بالقلب بنيان وصــروح
ومن موت والدته وحنـا خوانـــي = تــركـت لجلـــه كــل زيــنٍ ومملـــوح
مابي يكدر خاطــره شخص ثانـي = وش عاد لو يقفي حلا العمـر ويـــروح
كنت ارتجي نفعه إذا الوقت شاني = لاضعف حالي واصبح الصوت مبحوح
يظفنــي لاصـــار سبعــي ثمانــي = ويصيـــر ظلــي عن سمايم ولافــــوح
واليـوم يـوم انـي بغيتـه جفـانـي = قـــام وتنكــر لـــي ولاهـــوب مبيـــوح
يالله عســـى تبــلاه باللـي بلانـي = اشــوفـــه مــن الهــم والغـم مطـروح
يـذوق ونـاتــي خبيـث المعـانـــي = يفـــوح قلبـــه بالألم والحـــزن فــوح
مايـهتنـي بدنيـاه لـوهـي ثوانـــي = يشوف ماشفته قبـل طلعـــت الـــروح
وختامها ياجعـل هاللــي وطـانــي = ياطاه ولاني قايــلٍ يــــوم مسمــــــوح
... ليت الزمن يرجع ...
ليت الزمن يرجع ويرجـع زمانــي = ودي أطفـــي جمــرة داخــل الـــروح
واقتص من شخص عزيزٍ كوانـي = واصبح فـؤاي من فعايلـــه مجـــروح
قاســي ظلمنـي والله المستعـانــي = من بعدها وانا اسهــر الليـل وانـــوح
شايب ضعيــفٍ مالـي الا لسـانــي = خارت قــواي ولاقدر آجـي ولا اروح
مرجوم في دار غدت هي مكانـــي = غابت بها كل ابتسـامـــات وامـــزوح
مالي بهم ياخوك قاصــي ودانـــي = كلٍ على فــراش التعاسـات مســـدوح
المشكلــه باللــي معاهــم رمانـــي = أقصد ضناي وزود اــلروح بجـــروح
لاواحسايــف فرحتــي يـوم جانـي = زانت به الدنيـــا مســـرات وفـــروح
بنيت فــي بالــي جميــل الأمـانـي = وشـيـــدت له بالقلب بنيان وصــروح
ومن موت والدته وحنـا خوانـــي = تــركـت لجلـــه كــل زيــنٍ ومملـــوح
مابي يكدر خاطــره شخص ثانـي = وش عاد لو يقفي حلا العمـر ويـــروح
كنت ارتجي نفعه إذا الوقت شاني = لاضعف حالي واصبح الصوت مبحوح
يظفنــي لاصـــار سبعــي ثمانــي = ويصيـــر ظلــي عن سمايم ولافــــوح
واليـوم يـوم انـي بغيتـه جفـانـي = قـــام وتنكــر لـــي ولاهـــوب مبيـــوح
يالله عســـى تبــلاه باللـي بلانـي = اشــوفـــه مــن الهــم والغـم مطـروح
يـذوق ونـاتــي خبيـث المعـانـــي = يفـــوح قلبـــه بالألم والحـــزن فــوح
مايـهتنـي بدنيـاه لـوهـي ثوانـــي = يشوف ماشفته قبـل طلعـــت الـــروح
وختامها ياجعـل هاللــي وطـانــي = ياطاه ولاني قايــلٍ يــــوم مسمــــــوح