جلنااااار
19-02-2016, 11:09 PM
حيل الله اقوى مابقى في يـدي شـيّ=مافيه حــــل ٍ فـي يـدي .. ماذخرتـه
،،،،،،،،،،
حاولت .. لكن المحاصيل هيّ هـيّ=الطــــير طـار ولا بقـى الا شجرتـه
،،،،،،،،،،
وقفّت اشوف شويّ واغمّض شـويّ=واللي انكسر في خاطـري ماجبرتـه
،،،،،،،،،،
لين الحقت شمسي على بارد الفـيّ=وشفت ان كل اللي جمعته خسرتـه
،،،،،،،،،،
من كثر ماعزيت ريقي عـن المـيّ=ملّ الصبر من كثر صبـر ٍ صبرتـه
،،،،،،،،،،
كم هقوة ٍ ضاعت على سكـة الغـيّ=وكم حلم فـ( تراب ) الحقيقه قبرتـه
،،،،،،،،،،
واقف .. وطعنات الزمن كلهـا فـيّ=وساقي لو انه كلّ منـي / كسرتـه
،،،،،،،،،،
بعدماعاش اليأس في احساسي الحيّ=اخـــوي .. لو هو صد عنـي عذرتـه
،،،،،،،،،،
مدري عن اللي كنت احسبه بقى ليّ=اللي حزمت ابه الضلـوع وذكــرتـه
،،،،،،،،،،
اللي طوى حالي بحكم الهـوى طـيّ=قصّر .. وانا كل الطريق اختصرتـه
،،،،،،،،،،
ماهو خطا لاقلت ( تآمر على شيّ )=الا الخطا .. لا اشتقت له وانتظرته
،،،،،،،،،،
حاولت .. لكن المحاصيل هيّ هـيّ=الطــــير طـار ولا بقـى الا شجرتـه
،،،،،،،،،،
وقفّت اشوف شويّ واغمّض شـويّ=واللي انكسر في خاطـري ماجبرتـه
،،،،،،،،،،
لين الحقت شمسي على بارد الفـيّ=وشفت ان كل اللي جمعته خسرتـه
،،،،،،،،،،
من كثر ماعزيت ريقي عـن المـيّ=ملّ الصبر من كثر صبـر ٍ صبرتـه
،،،،،،،،،،
كم هقوة ٍ ضاعت على سكـة الغـيّ=وكم حلم فـ( تراب ) الحقيقه قبرتـه
،،،،،،،،،،
واقف .. وطعنات الزمن كلهـا فـيّ=وساقي لو انه كلّ منـي / كسرتـه
،،،،،،،،،،
بعدماعاش اليأس في احساسي الحيّ=اخـــوي .. لو هو صد عنـي عذرتـه
،،،،،،،،،،
مدري عن اللي كنت احسبه بقى ليّ=اللي حزمت ابه الضلـوع وذكــرتـه
،،،،،،،،،،
اللي طوى حالي بحكم الهـوى طـيّ=قصّر .. وانا كل الطريق اختصرتـه
،،،،،،،،،،
ماهو خطا لاقلت ( تآمر على شيّ )=الا الخطا .. لا اشتقت له وانتظرته