جمال نصير
18-02-2015, 11:53 PM
الوم مين.....؟؟
وحبيتك
وقلت لنفسى راح تكبر .. على ايدي..
وراح تصبح .. على قدّي..
وهكتبها .. بحرف النور على صدرى..
وتصبح هى أحلامى..
وأيامي..
وقصة عمر مكتوبة .. على ورقي..
ولما جناحها يستحمل..
يشيل القلب ويغرد ..كما العصافير
ويقدر .. في سمايا يطير
فمش ممكن ف يوم تهرب..
تروح لبعيد..
تسيبنى ... بين جبال وسدود..
وتسرح ويا طير غيري
ومش هتعود...
*****
ف ليه خنتى..
وليه بعتي ...
وليه سبتي الغريب يمشي...
على دربك...
وليه تهتي..
وبعتي الوهم من قلبك..
وليه كان الهوى عندك ... كلعب عيال
وليه كان الوفا منك .... كوهم خيال
وليه بتبيعى أوهامك.. بدون أحساس
وليه بتسيبى أحلامك ...ف ايد الناس..
ويلعب بيكِ كام دجال...
*****
ألومك ليه..
الومك وانت شايفة الجرح ... مرجيحة على قدك
وقلبك بس .. يتمرجح..
ويتلون ... بلون حبك
الومك وانت موهومة..
وشايفه الناس هنا وهناك ..
على الصفين..
بتتمسح .. على نهرك..
وزقه هناك ... وزقه هنا..
وقلبك م الفرح .. موهوم..
وفاكر ان كل الكون..
وكل الحب..
كل المغرمين بيكِ..
على كفك..
*****
ألومك .. لا .. هلوم قلبي ..
سنين وسنين .. نسيت نفسي..
لان القلب من وهمه..
رسم صورتك..
وقال عنك كلام وكلام
وعاش ف الوهم .عام ورا عام..
وكل ما كان بيتحسر
وكل ثوانى أيامه.. تفوت تجرى .. وتتبحتر
يقول بكرة هترجع لى..
وهكتبها على اسمى...
وهرسمها .. صبيه جميلة تشبهنى...
و هعمل منها ضليله .. على قدى..
وكل دا كله ... كان اوهام...
وراح بين ضلمة الاحلام..
فمين يتلام...
الوم قلبك .. على ظلمك
أم الاوهام...
*****
جمال نصير
من كتاباتى القديمة
وحبيتك
وقلت لنفسى راح تكبر .. على ايدي..
وراح تصبح .. على قدّي..
وهكتبها .. بحرف النور على صدرى..
وتصبح هى أحلامى..
وأيامي..
وقصة عمر مكتوبة .. على ورقي..
ولما جناحها يستحمل..
يشيل القلب ويغرد ..كما العصافير
ويقدر .. في سمايا يطير
فمش ممكن ف يوم تهرب..
تروح لبعيد..
تسيبنى ... بين جبال وسدود..
وتسرح ويا طير غيري
ومش هتعود...
*****
ف ليه خنتى..
وليه بعتي ...
وليه سبتي الغريب يمشي...
على دربك...
وليه تهتي..
وبعتي الوهم من قلبك..
وليه كان الهوى عندك ... كلعب عيال
وليه كان الوفا منك .... كوهم خيال
وليه بتبيعى أوهامك.. بدون أحساس
وليه بتسيبى أحلامك ...ف ايد الناس..
ويلعب بيكِ كام دجال...
*****
ألومك ليه..
الومك وانت شايفة الجرح ... مرجيحة على قدك
وقلبك بس .. يتمرجح..
ويتلون ... بلون حبك
الومك وانت موهومة..
وشايفه الناس هنا وهناك ..
على الصفين..
بتتمسح .. على نهرك..
وزقه هناك ... وزقه هنا..
وقلبك م الفرح .. موهوم..
وفاكر ان كل الكون..
وكل الحب..
كل المغرمين بيكِ..
على كفك..
*****
ألومك .. لا .. هلوم قلبي ..
سنين وسنين .. نسيت نفسي..
لان القلب من وهمه..
رسم صورتك..
وقال عنك كلام وكلام
وعاش ف الوهم .عام ورا عام..
وكل ما كان بيتحسر
وكل ثوانى أيامه.. تفوت تجرى .. وتتبحتر
يقول بكرة هترجع لى..
وهكتبها على اسمى...
وهرسمها .. صبيه جميلة تشبهنى...
و هعمل منها ضليله .. على قدى..
وكل دا كله ... كان اوهام...
وراح بين ضلمة الاحلام..
فمين يتلام...
الوم قلبك .. على ظلمك
أم الاوهام...
*****
جمال نصير
من كتاباتى القديمة