عود مياس

[ش حجه]

ادري شعوري مجرد احساس°°
وادري احساسي ما هو بواجب°°

من زود مابي شيب الراس°°
وامسى قليبي بالهوى ذايب°°

كل السبايب بو عيان نعاس°°
شر الجمر في قلبي ولهايب°°

لون جبينه كنه قرطاس°°
جماله حقيقي ومن العجايب°°

خذ الحسن وتميز بالناس°°
وارجب وصوله على الغبايب°°

يمشي وكنه ع قلبيه داس°°
وكنه على راسه السحايب°°

وان ثار وراح اتم بإفلاس°°
خاليه الكفين عقب الحسايب°°

مقفاه يحيي ويميت إحساس°°
داخل ضميري وما لي طبايب°°

فريد بالاجناس بو عود مياس°°
يفدوه اهلي والقرايب°°

مهوره كنوز وعقد ألماس°°
وفال مني دوم طايب°°

بس يسقيني من حبه الكاس°°
وينعش قليب صار شايب°°

[رايق البال]

هلا فيك ش حجه ..
نص جميل وبلاشك القادم اجمل
الف شكر لك وصح لسانك لاهنت .. كل الود لك مني

[بيبرس العماني]

الله يعينك على بلواااك الغرامية

نص رااائع والأروع تواصلك واستمرارية العطاء الجميل

أرجو لك مزيدا من التوفيق

[ش حجه]

اشكركم الغالين ع المرور للطيب
وبعد بزيدكم بيتين♡☆~°


اخفي امابي عن الناس°°
واخفي دمع اصبح صبايب°°

عرق المحبه عرق دساس°°
يتعب صاحبه كالعصايب°°

يا ليته يمسح صدري والراس°°
بيهون جرح بالقلب صايب°°

[عاشق البوادي]

صح لسانگ اخوي

[شبل الوهيبه]

ونا من زوود إعجابي بكتاباتك صار هالقلب ذايب��

[ناصر الراشدي]

ش حجه
ابيات جميله...استمري في عطائك

[ش حجه]

نزين اخوي اشكرك كلك ذوق
اشكركم جميعاً

[روح الحلا1]

تسلمين عزيزتي على روعة بوحك..
ربي يعطيك العافية..

[عز العرب]

ابيات جميلة وبدايات أكثر من رائعه
استمري وراح تبدعين فقادم الايام
وبالنسبة للوزن من الطبيعي راح يفرط دامك في بداياتك
:::: حاولي أن تعطي قصيدتك لحن معين وبعدها راح تكتشفين الخلل
(((وجهة نظر عز االعرب لا أكثر)))
بارك الله فيك وحفظك دوماااااااا
ودي واحترامي لك

[الشيخه الفلانيه]

قصيده جميلهه
راق لي نصك اخي !
يعطيك العافيه بنتظار جديدك :)'

[بــوح مغــترب]

ش حجة
جميلة هي بداياتك و أتوقع ان مستواك راح يكون عالي في المستقبل إن شاء الله..
صح الله لسانك و بإنتظار جديد بوحك (:

[ش حجه]

ابيات جميلة وبدايات أكثر من رائعه
استمري وراح تبدعين فقادم الايام
وبالنسبة للوزن من الطبيعي راح يفرط دامك في بداياتك
:::: حاولي أن تعطي قصيدتك لحن معين وبعدها راح تكتشفين الخلل
(((وجهة نظر عز االعرب لا أكثر)))
بارك الله فيك وحفظك دوماااااااا
ودي واحترامي لك


انا بنت؟!
اشكرك ع المرور
بس ممكن توضحلي خلل الوزن وين؟ !

[ســـعـيد مصــبـح الغــافــري]

أخي الغالي / ش حجة
مساء عاطر بالخير والمحبة
جميل جدا جدا نصك أخي .. هذي المرة روعة بجد .. واصل أخي واحنا معاك تشجيعا وترحيبا وحفاوة ..
يا ألف ألف هلا بك
دمت بوافر خير

[ش حجه]

تسلمون والله ما عليكم زوووود ربي يحفظكم