كتابات الرائعة (Alhanouf )

[اسطورة لن تتكرر]

أنا ثالثهم ..


إجيت بقلب يتمه ' هد حاله '
ولا ظنيت بعشقه ف ثواني
بديت اخاف من كثر التمني
واشوف الوصل اول هالاماني
وصرت الثالث الي يكرهونه
مابين الناس ملغيٍ مكاني
تعبت من الجفا والوصل كله
وضاع الدرب والخطوه تعاني
عشقت الشعر من يوم الطفوله
وزاد العشق من حبه كساني
كتبته شطر ضايع في عيونه
الين أصبحت انا عنتر زماني
بكيت الي غيابه هد حيلي
بخيل الوصل خلاني أعاني
اجيه بدمع لا زادت شجوني
كأن الدمع يجبر ما دهاني
وصرت الضايع المطفي لحاله
الين الحزن هو وحده قرآني
يجي يوم ويداويني بوصاله
وشهر يغيب ماكنه يراني
انا ثالثهم الي " ما يبونه "
دفن دمعه بحفنه من اماني
غيابه صعب والأصعب وصاله
وانا ضايع وتايه في مكاني
يبوني ابتعد : ماكني إلا ،
طفل ينسى بعد عدة ثواني
الا ليت الغياب الي خذاهم
خذا حبٍ سكن وسط المحاني
يجوني وسط ليله حيل قمرا
وأسامرهم بترديد الاغاني
انا " ثالثهم " الي دون يدري
ما بين اثنينهم ماله مكاني
وصبرت شهور بين ألفين عله
لعل الله جبر عشقٍ طواني
وصرت الرابع الي ( يكرهونه )
ثلاثتهم ، ياليت الله خذاني ..

[اسطورة لن تتكرر]

في رَبيعِ العُمر تاهَت خُطوتي (بزياده) ..


ودي اعيشه عمر و إن كان : ظلمه عاده
من يجيب الحل يومي عايشه بعنادي !
جيت يوم الحزن توه . . ما بدا ميلاده
ورحت يوم الحزن كمل ما بقى بميلادي
كانت الايام بيضا ، يومنا " كالعاده "
ومن رحلتوا كني إلا مُثقله بِـ سوادي
[ في رَبيعِ العُمر تاهَت خُطوتي (بزياده)
كي أُناضِل للجَحيمِ في رُبوعِ بلادي
مَنْ يقول الحُب يوماً قَد يُسمى -عاده-
فل يَسل عن حالتي لِـ يُقايِسَ الأبعادي ]
يوم بعض الحب نعمه في عيون الساده
صرت اشوف الحب بعده قاتل استبدادي
يوم قفى والسبايب . . ( دبلةٍ وشهاده )
من يرجع حلمي ويجمع بعض اوتادي
يوم بعض الحلم صاير ناقصته إراده
من يروض حلمي اللي : ما نفعه عنادي
و انقتل فيني طفل توّه !! يضم مهاده
" طير جنه " والحزن والله ماهو بإرادي
يوم حتى الشعر فيهم .. دايمه اعياده
صرت اكتبهم قصيد وما كفاني ضادي
علموني كيف أغيب وصرت أغيب زياده
يمكن اصادف ( غيابه ) لا بديت انادي
اكتب الحزن العظيم ، ولا أريد إشاده
يوم بعض الحزن صاير للجروح ضمادي
من صحيح لسان سآره بيت صح إسناده
يختصرني لَـ سألوني ليه دمعي هادي
[ بنت مبدأ ؛ شمسها من ظلمهم وقّاادَه
وألّف غصه تختنقها في جحيم الـ "عادي" ]

[اسطورة لن تتكرر]

دواي العذب .. يَ صعبك !


حزينه لييين ؟ ما ادري ولكني حزينه حيل
حزينه والدروب بكثرههــاا // عيت تودي له
ابيهم ليين ؟ ما ادري ولكني اشوف الويل
ابيهم . . باين بصوتي شكاويه و " غرابيله "
‏وحيده ليين ؟ ‏حييل ادري ‏ولكني سهرت الليل
‏شِعر ، ذِكراه ، ضحكاته ، أغانيه ومواويله !!
كلامي مرّ ؟ ايي والله غيابه مّر ! يهد الحيل
كثير عيون يبكونـي ؛ وانا وحدي اغني له
احبه حيل ؟ اي والله ، احبه ولا تكيل الكيل
وكل ما يجرح أردد (( يبـه فدوه وَيَا حبي له ))
يَ كثر الاسئله فيني ! وحزني ما يبي تبجيل
يَ كثر الهم في صدري ولكن مقدر اشكي له
دواي العذب يا صعبك ، يَ منبع نبتة الإكليل
انا ادري العافيه ف قربك و لكن "مالنا حيله"
حزين الليل ؟ من بعده ! بديت اجلّله تجليل
حزينه و هالحزن قتّال لِهذا : صعب تأويله
وانا أنثى شعور ادري // ولكني على ما قيل
اموت ولا اشوف انسان يمد ايده بـ منديله !!

[اسطورة لن تتكرر]

يا شاعري .. شكراً .


يا شاعري شكرًا وابي منك السلام
انا بديت اخاف ، لا طرّوا حبيب
يا شاعري ملييت من هذا " الزحام "
الى متى يا جرح راح ابقى غريب
في زحمه الغيّاب // جرحك لا يـُلام
لانه يجي أوقات من باب (( النصيب ))
يا شاعري أصبحت من بعدك حطام
والوضع من بعدك ترى جداً صعيب
تخنقني الغصات ، غصات الكلام
ومقابَل الغصات في خدي مُهيـب
يا شاعري والطعن في الميت حرام
الى متـى ؟! يا جرح عيا لا يطيب
يوم الغياب احيان هو مسك الختام
يا ضيقتي لا غاب عن عيني حبيب
والله السؤال اللي ذبح صبر الظلام
وين الشروق الي يجي بعد المغيب ؟

[اسطورة لن تتكرر]

ليل الحزن مسكييين !


لون الحزن هادي
يضحك ويرمي ورود
وليه الفرح بادي
يبكي علي ويعود ؟
تتناثر اوراقي
شعر وبقايا وعود
وان جيت انا ضمك
يطيح من الحزن عنقود

وليل الحزن مسكين !
يعشقك ما تدرين

لون الحزن هادي
ولقانا الامس مو عادي
خذلني الشعر
خذلني الشطر
يَحزن الشمع
والموعد
وكاس الدمع
مو عادي

وصبح الفرح مسكين
يكرهك ما تدرين ؟!

[اسطورة لن تتكرر]

الحب لوّه زاد "ماينحكى به" ..


الي يسولف لك عن الحب ما حبّ
‏الحب لوّه زاد : ما ينحكى به
شفني انا وشلون ذابحني الحبّ
مِن دَق بابي ، قلت يا مرحبا به
وليا بغيت اكتبه دمعاتي تصبّ
ياكيف أُوصِّف بس حضرة جنابه
حبي انا له ((سالفه سِر في جبّ))
بس بقصيدي بان فيني مصابه
ومابين باقي الناس اضحك والعبّ
كني العليل / ولا طرالي غيابه
وان زادت الشحنه وجهت انا غربّ
صوب المكان الي قبل عام جابه
واذكر يجر الصوت من عقب ما هبّ
" نسناس " ربي يمطره م السحابه
انا الذي م الشوق ما فاده الطبّ
وما فادني : دكتورهم ، واغترابه
وآخر حكاي افهمه من دون اي نهبّ
من قلب صادق اذبحته النهابه
{ انا صويب فلان واتعبني الحربّ
من يوم ثاني العيد اقفت ركابه
العيد فرصه وصل يرضيك يَ ربّ ؟
والله ما عاد اجيه وَ اطق بابه ! }



الهنوف🌿

[اسطورة لن تتكرر]

ونشهق بالوجع هاليوم ، لضحك الأمس !

‏مشينآ
‏والزمن يضحك علينا
‏يعزفنا طرب هالعود
‏يهز اوتارنا فينا
‏يطرب هالبشر كلهم
‏يصحي امنيات الناس
‏ويبعثنا لهم احساس
‏ونشهق بالوجع هاليوم
‏لضحك الامس
‏
‏مشينا
‏والقلوب اوتار
‏يدق فينا .. مغنينا
‏يمتع هالبشر كلهم
‏نموت من الوجع
‏نورٍ سطع
‏حطم امانينا
‏وحنا اوتار مغنينا
‏
‏مشينا
‏نلحق الدنيا
‏قبل لا تروح وتخلينا
‏تعبنا والتعب فينا
‏بلاد الآه
‏شجر عايش .. من الاحزان
‏نهر عطشان
"‏يدور جرح بس فينا"
‏وضعنا في سراب الليل
‏نضم احلامنا فينا
‏تعب فينا
‏
‏بنينا جدار للأحلام
‏نفضفض حلمنا لجدار
‏ويجي باكر
‏هدم احلامنا فينا !
‏
‏مشينا
‏"غنوة" للعالم
‏نطربهم وجع ايام
‏وغدينا للأسف
‏وتر مقطوع
‏لجل عيون ..
‏مغنينا


الهنوف✨
2013 م

[اسطورة لن تتكرر]

ايه احب الحزن لكن بسّ مععك !


عن "لذيذ النوم" راح ابقى معك
كيف اجاريهم وانا فيك اهتديت ؟
وعن لذيذ الحزن بحرص اتبعك
من يلوم العاشق الي فيك ميت
بعثروا هالحلم ، صبري جمعك
من يقول اني تبسمت و سَليت !
يا شتات الحلم : مقدر اجمعك
النصيب اقوى ولو اني نسيت
من يقول اني بمنامي م اسمعك ؟
اسمعك والله // لا منك شكيت
و من يقول الشعر ما قد دمّعك
والله ان تذرف عيوني بيت بيت
ايه احب الحزن لكن بسّ مععك !
ايه "احبك" لا تبسمت وحكيت
وعن غباء اللي : نساك وضيعك
كل شكري لاني ف دربك مشيت
يا عزيزي القارئ إجمع أجمعك
خَذ نصيحه و اغتنمها لا وعيت
والله ان الحب .. يوم ب يخدعك
يجرحك في يوم لو انك ( وفيت )
ما قتلك الحزن ! لكن . . ضيعك
و عزتيلك كانك بحزنك رضيت

[اسطورة لن تتكرر]

كل ( مرٍّ ) لو اذوقه منك .. حـالي


لي متى والحب عايش وسط غبّه
ليه اصبر ؟ وانت ما همك وصالي !
زاد فيني الحزن يوم الشوق شبّه
لي متى ابكيك ( ليت الفال فالي )
يا حبيب الميم . . يا جرحه و طبه
يا بعد هالنـاس // يا اول و تالي
يا طريق العاشق اللي ضاع حبّه
شوفني واصل لدرب الـ ااخخ خالي
اي جرحٍ صرت ما تقواه - صبّه -
كل ( مرٍّ ) لو اذوقه منك !! حـالي
كاافرٍ هـالجرح : عيّا يخاف ربه
لي متى اكذب "ترى عايش وسالي"
دامني مَ اقدر اضم اللي احبه ؟
ضمني يا "دمع" من جور الليالي

[اسطورة لن تتكرر]

انا الواجد م بين الناس ، انا الأوحد اذا لحالي ..


(على كثر السنين اللي مضت ما قمت اعرفك زين)
وصرت أجهل إجاباتي ، اذا قالوا : من الغالي ؟
تغير كل شي حولي "غرق جرحك ب وسط العين"
انا النايح على اطلالك من بيبكي على اطلالي !
انا اللي ضرني فراقك وانا اللي ما معاي يدين
اكفكف جَرحي بشِعري واخلي الدمع يقرا لي
انا الكاذب مع الاحساس انا الدعوه بيوم البين
انا اللي ما قدرت انساك انا الـ مَ تسرك احوالي
انا القهوه بموعد حب // انا الهقوه بديـت تلين
ومن مثلي يخاوي الجرح اسوي نفسي السالي
انا المسكيييين بغيابك .. انا الثالث مابين اثنين
انا الواجد مابين الناس ! انا الأوحد اذا لحالي
تفضل هاك قيس الجرح (ي اما شبر او شبرين)
تفضل خيطها جروحي ؛ تفضل صحي آمالي
اذا كان الحلم منفى .. وهذا الواقع اصلاً شين
إذاً - اسمحلي اشوفك - واناقض كل أقوالي
اذا الواقع بيسمحلي ، أضمك عمر او عمرين
انا الراضي اذا تجرح واكيد ان قربك اشوالي
تفضل يا نقط " كلّي " و ترفق يا عساك تلين
وصحيح اني جنوبيه و لكن صدري شمالي��

[اسطورة لن تتكرر]

وصلت اخر محطه في دروب التيـه .


نهايات العشق دايم تقول ( انسيه )
وفعلاً كـان يـاما كان " كنّا احباب "
كثير اضحك وانا في داخلي ابكيه
تعب لان الحزن // ما يقبل الإعراب
و مات الحـلم يا ربي يا كيف ارثيه
من الجاني عليه و ماهي الأسباب
من اللي دايم "لغيري" وانا شاريه
من اللي لا زهمته (فص ملح وذاب)
-تحزم- لا زهمني والعسير اسريه
ليا نادى سريت ولا حسبت حساب
علي يحرم عطـاه و ماني ب راجيه
ليـا كان العطا منه . . بعده حساب
قهر لأني ؛ بديـت و ما عرفت انهيه
وظلم لأني ؛ اصيح وما يفيد عتـاب
و انا ذيك الهنوف اللي تسولف فيه
كتبت الشعر يوم ان الشعـر غـلاب
اهد الطير .. يوم ان البعض يشويه
اعسف القاف ، يوم ان الكثير يهاب
و فهمت اكثر من اللازم ! ولو يخفيه
صغيره حيل ؟ لكن لي عيون عقـاب
و الا يا جعل تفداني كثييير وجيـهه
خصوصا عاذلي و الشامت الكذاب
قهـر . . يومَه يقول ان القـدر حاديه
اناديه ب ولـَّه و اسمع صرير الباب
هويـت اليوم انا " مرّه قبل حـاليه "
وبضل اهواه دام ان المصير تـراب
ذبل عمري وانا اللي كم تعبت اسقيه
لاني بس عشقت اللي ( وُلِـد في آب )
وصلت اخر محطه في : دروب التيـه
وصار أقصى طموحي لو نعود اصحاب

[اسطورة لن تتكرر]

الصمت ما يكسر قناع ..


ضاعت خطاوينا سنين
‏كلن حزيـن : بلا متاع
‏قاسي و تحلف باليمين
‏صارت امانينا جياع !
‏اخفيت انا "كثر الأنين"
‏ضحكت قدر المستطاع
ماني من البارح حزين
انا حزيين من الضياع
من يومنا ( متفارقين )
فرقى ولكن ب اجتماع
يارب انا : مخلوق طين
كسير ، لكني شجااع
هالعين ؟ ما تبغي تلين
دايم تسبب لي صداع
ياللي تقول الدمع شين
هو عكس ما عنه يذاع
واصل نهايات "اليقين"
الصمت م يكسر قناع
من ضمك بجرح دفين
احذر تضمه بالذراع !
لا تقطع الحبل الوتين
قدّام توصل : اي قاع
حزين متفائل سجين ؟
لا تنتظر أيت شعاع !

[اسطورة لن تتكرر]

انا { انثى } لو أكابر .


عبـث والله أتحـرى خطاويّـك ؛ و ابد ما جـيت
لك تخيل . . عمـر كاامل ! أعيشه انتظر جـيه

اذا بصبر ؟ بتخنقني ، عقارب ساعة التوقيت
و إذا بنسى ؟ اخاف اني اصير بيوم منسيه

عبث اكتب وأتمنى : عسى بس لو يـمرك بيت
عسى تاخذك اشواقـك ، تجيبك عندي شويـه

ولو غيري معك حـاول يطـبق خطة "التكويت"
بطبق كل خطط "هتـلـر" و ابتبع كل خطاويه

ابملك كل ضحكاتك و ابنهي كل هالـ تشتيت
و ابطوي كل اشعاري و ابحرق لي كَذا طيـه

عتب يذبل بكلماتي // عتب وشلون مـا حنيت
انا (( أنـثـى )) لـو أكـابر ! اريد شوي حنـيّه

شبيه الغيـم لو يرحل ؟ ابشكي كل ما صليت
ي كيف الشمس تحرقني وانا نايـم تحت فيه

انا تخـنقنـي العَبره ؛ لـو اني بالخـفى غنيت
على ألحان ابو نوره .. { نوى قلبي لكم نيه }

ابـتمنـى بكل لحـظه ، يـا ربي دامني أوفـيت
ابنسى كل "هدايا العام" ضحكاته و اغانيه

[اسطورة لن تتكرر]

الى "المحبوب" دعواتي ..


صغـيير العـمر اي والله ، و لـكني " كبـير شعـور "
كتبت الشـعر من صغري و صار الشعر يشقـيني

هـنا كان الشـعر مرسـى ، و كان القـاتل المـاجور
يمد ايديه يحضـني . . و إذا عـوّدت ؟؟ يصليني

وامسيت اجبر بيوت الشعر عن خاطري المـكسور
لبسـت مـن الفـرح ثـوب ، و بـدا شِعـري يعـريني

ولَأني م اجـحد المعطيّ // اردد يـا حـزن مشـكور
عـلى كـل الشعـور اللـي : ( يـجـيب ولا يـودينـي )

أقـول : الغـايب و عـذره .. الا ليـت الغياب حضور
كـثـييرك للـعـرب و انـا ؟؟ قـلييلـك مـا يكـفييـني !!

تبـيني "لـك فقـط" وانـته ؟ تهمّلـني ثــلاث شهـور
و إذا جـيت اشتكـي منك ؛ تجـي عنـدي تـهدّيني

وحـتى بغيبتك قاسي ! خفيت اخر وصل و ظـهور
وتعاتبني على غيـابي ؟؟ وشوقي باااين بـ عيني !

حبـيبي لا تقـارني ؛ حبيبـي بس { كفـاك غـرور }
انـا ماني "مثـل غيري" ، و لا ارضـى تسـاويني

اذا بعطي بتنهرني ، و اذا بطلب ؟ مافيك قصـور
معاك إنسان ( عطشانك ) .. و ربي خـالقه طيني

لو ان تسقيه ب إحساسك ؟ نـبت حوله كثير زهور
وضـحك لين الحـزن ملّه ، ضـمَّا ردد لك اسـقينـي

وكـل ما جيت أبكتب لك . . ذبـل بيديني الطبشـور
ي كيف اكتب و انا مُثقل - ي ليت الجرح يعفيني -

ابكتب فـي جدار الصـمت : يَ رب ان الليـال تدور
واشوف العاذل الشامت // على صبري يجـازيني

ابتـمنى كثـير أشيـا ، عـساها بـس تشـوف النـور
يـا ربي عفــوك و سـتـرك . . يـا ربي لا تـخلـيـنـي

الى "المحبوب" دعواتي ؛ عسى تبكي فرح و سرور
{ وعـساني مَ اقصد فـ غيرك و لا غيـرك يجاريني }

[اسطورة لن تتكرر]

ما بين رجفات الوتر "سـلم و قتـال"


مـر العـمر .. و الحزن باقي ولا زال
لا طـاح دمـعي ، قلت يَ الله خييـره
ذاب الشعـر !! مابين : عـودٍ و مـوال
عسى يـجيب ( البـدر ) للخِل سيـره
ما بين رجفات الوتر "سـلم و قتـال"
نخـفي تعـابيير الفـراق - الأخـيره -
كان الوتر سادس بـ هالحزن يختال
يطفي " شرارة " دمع شـوقي يثيره
لا صار عـيب الدمع فـي خد رجـال
انا وانا (( انـثى )) فـ حقي كبييره !
ما عاد يغريني حكي كذب ووصال
دام الحبال بعـاد ، و ايدي قصـيره
وما عاد تنفـعني .. روايـات و آمـال
دامي تعـبـت اذوب و اشـبّ غـييـره
وان راح تجـمعنا "سوالـيـف رحـال"
ما راح تجمعنا صـدف وسـط ديـره
باقي معي كـرتٍ و صوره بـ جـوال
وصوتٍ يجره يـوم .. يبكي عشـيره
مابين "عطر" العـام او لفة الشـال
تاخذني الذكـرى لـ شاطي منيـره
تشـرين جَمَّعنا من اعوام بـ إهمال
نيـسان عاث القلب ، حيرَه بـ حيرَه
م اكثر تـواريخ الذي : حالهم حـال
تـصدق مشـاعرهم و لو هي فقـيره
ماهي غريبه صادق الدمع لا سـال
لاني عشقت اللي : ما يسواه غيره
اردد الألحان ، واقول (( ع البال ))
ع البـال لو فـارق مصيري مصيره

[اسطورة لن تتكرر]

ما يفيدك !! دام قلبك اجنبي .


ما أستعير الجرح واسمي مستعار
وصح انثى بس بـ عنادي ( صبي )
قد ورثت الطيب ، لين الطيب صار
عامل لـ "جذب" المنافق و الغبي !
و الحسود اللي من فعولي .. يغار
ما يصيد الذيـب ، لو صاد الظبي
و السفيه اللي يبي ف القـلب دار
ما يجيب الراس .. لو يحبي حبي
و العواذل ؟؟ حييل بعيوني صغار
و مبدأي انساك دامي ( بنت ابي )
ما رجييتك ! يوم طير الحـب طار
مـا سلكت " الذلّ " لا والله تهبي
قد تركتك : يوم شفت الحب ضار
قد يسمى "حـبّ" ، لكنه "سبي"
ويش اسوي لو اشوف الدمع عار
لأنـي ادري .. مـا يـرد اللـي ابي
هاك - حكمة - لو تحس بإنكسار
اصنع الأحـلام ، لو هي مـا تبـي
‏لو تـروح بـ ( غربـتـك ) ايـة مطـار
مـا يفيـدك !! دام قـلـبـك أجـنبي

[اسطورة لن تتكرر]

اكو مخلوق تزعل منج عينه ؟!


اتَـعـلَمُ يا حبيبي ؟ ضِـقتُ ذرعـاً
و ضـاقت بي . . بـلاد العالمـينه

اقـولن جـاي / / ينـطرني بنـااره
يصير الوكت ، يمسح دمع عينه

سمعت الطفل حـاجاني بـ ليلى
شقله رااح !! لو يـضحك عـلينه

وكُنتُ ( العـامريَةَ ) فـي غَرامي
وماكو "قيس" اصيرن لـه ثمينه

و هـيجي كـل ليلي يـمر "غيـرَه"
زِلِم محبوب . . حـوله معجبـينه

انا اللي ضعت كـلش في عـيونه
خساره شلون انا و قـلبي عميـنه

وكع قلـبي شـكو الأحـلام تبـجي !
احـقاً { قـَد سُـلِب مِـنـا وتـيـنـه }

اذا فـد يـوم قـلـبي جـان ضــايـج
يـباوعـلي يـقول : شـقـد حزيـنـه

يقول شبيج ! لو ازعل على الكـل
اكـو مخـلوق تـزعل منـج عيـنه ؟!

احس بضـيج ؛ حتى مـن هدومي
شوكت ارتـاح ، لـو هسه انتـهينه

شـبـكت بـ يوم ايديـنا رايد أفرح !
اشـوفن دبلـته الـ جرحت ايديـنه

أراهُ يَـضـمُ طِــفـلاً صـاح : بـابـا ،
اصـيـر ابـجي أقولن بس مـشيـنه

يا قـلبي لملم احـزانك ، و هانـت
يجي لك يـوم م تصـيرن سـجيـنه

خطـيه ارتاح . . حبك حيل بلـشه
سـهـرنـا اللـيل كـلـه ، مـا سلـينـه

[اسطورة لن تتكرر]

لا تضمّه ! بس يااخي حسّ فيه ..


كيف يطـعن قلـب هايم بـه هيـام
كيف ارجع عمر ضايع بين ايديه

م الموادع كن في صدري حسام
لو اصيحه عمر كامل ؟ م اهتنيه

يا فهـد لا صار سهم الحب سام
كيف أداوي رمـيّت اللي مـت فيـه

و خاطري المسكين قلّي كيف نام
ولو ثمن فرحي بروحي بـ اشتريه

ليت حالي كان بـ أقسى ما يـرام
"ما بقى لي قلب" يشكيـلي عليـه

ليـت مالي قلب يبكي مـن : ختـام
ليت اعيش العـمر ؛ يمّـه و احتويه

ذاب قـلبي ، ما بقى كون العظـام
و كـل م اسلى عوَد ونادى ( ابيـه )

مثل حـُرٍّ . . لا بـغى له صيد حـام
شـوف قـلبي طـار ؛ لا تسـألْه ليـه

حـام ليـنه طـاح ما بـيـن الحطـام
و مـن عـلوّه طـاح !! ليـتك تحتـريه

انـشـدوني مـنـه - ثـم زاد الكـلام -
زادوا العـذال (( سـودان الوجـيه ))

هلّلوا بالـحيل .. لا شافوا انـقسام
وأحـزنوا بالحيل .. لو أيدي بـ يديه

اعـرضوا بـالله !! نـادوا بـ السـلام
اتركـوا هـ الـحقـد و الفـعل السفيه

و العـوض والله فـي نـاسٍ حـشـام
لو تشوف الجرح يـدمي ؟ ما تجيه

يـا فهد لوّك شكيت مـن { الغـرام }
لـو سريـت بيـوم : درب الألف تـيـه

عـلـمه // بـ انـك تـحبه .. يـا حـرام
ولو معـك للقرب قوه ؟؟ قـل بـ اجـيه

ان قسـيت بيوم ؟ ما تـُعطى وسام
لا تضـمه ، بـس يااخي حـسّ فيـه

عشـت عمرك بيـن ذودك و الخـيام ؟
لا اتـعـذر ! جـيـب لـك عـذرٍ وجـيـه

كل ما قـالوا تشـوفه . . قـل ظـلام
وكل ما قـالوا تـحبه ؟؟ صـيح بإيـه

قل احـبه !! قل وصاله لـي "مـرام"
قول بأنك (( طالب أيده من أبيه ))

في غرامك ، روح خالف كل نظـام
دام خـلّـك ما له ف قلبـك // شبـيه

[اسطورة لن تتكرر]

تعاهدنا نكون اخوان".


انا في داخلي فوضى .. لأن في داخلي إنسان
عجـز ينـهي نهـاياته و بَقى يصـرخ "ترى عادي"

تعبت من الغيـاب ؛ او لا !! تعبت امثّل النسـيان
و لا اقـدر على الوحـده ، تعبـت أصارع رقـادي

عبث اصـبر او أكابر ، و أقول ألقى حبـيب ثان
واشوف أحزاني الثكلى تناديك و تضم ضـادي

لان مابه حدث : ( صـدفه ) ولا ( نـارٍ بلا دخـان )
اشوفك تبعد و تقـفي // مع انك كنت لي بـلادي

وكنت اصرخ قبل لـ اعرف دروب الظلم و البهتان
انا مُلحد بـ "دين الحب" وكنت افخر ب إلحادي

دروب الحـب م اعرفها ! قبل لا تصير لي سجّان
اجل وشلون ابعرفها ؟ وانا (( قـايد )) ولا انقادي

عجزت احارب شعوري ، و أحارب قلبي التعبـان
دمـوعي مـالها حيـله . . و فرحـي ؟ مالـه أيـادي

و اذا تـذكر زمـان اول : تـعاهـدنا نـكون اخـوان
و لا ادري كيف حبيتك ! و " حبك " ماهو مرادي

و الا يا دنيتي كـفّي ! هدايـا الحـزن و الخـذلان
قهر احـلم و اتكـسر ؛ و اشوف أحـلامي تنـادي

ترى يجـرحني الواقع .. لـو اني اخفي الاحـزان
حبيب الجرح لو يدري سكـب عذره على ضمادي

و على طاري اسامينا ، تـذكّر يومني { هـتـّـان }
انـاديك بـ ولـه { يـا غيـم } : تعـال و فـرّح الـوادي

و على اطلالكم بـمطر // و أبروي كان يا ما كان
هناك إنسان حبـيتـه .. خـذاه الغـيـر ي أحفـادي

[اسطورة لن تتكرر]

ضمتك بعد إنكساري : لي أمل !


ادري ان الـوقت يـهديني طـعون
وادري ان مـا عـاد يجمعنا شـمل

بس دقايـق .. يا موردني الجـنون
ودي ابـكي ، "علّه يخـف الحمل"

ضـمني !! حتى تذوب بي المتون
ضـمتك بـعد انكساري ؛ لي أمل

جيت مثل الغيـم لا ظـلّل بـ هون
رحت . . مثل الديـم لا منه همل

ما بقى بي غـير " نظرات العيون "
كـل شيٍ صـار فـي عـيني .. ممل

ويش اسوي و العرب ما يعرضون
لـو يـجـونـي يـوم : مـيـثا او امـل

لو يضيع الجـرح من كثر الطعون
لـو فقدت اليوم // ترتيب الجُـمَل

من { ثـلاث سنين } صبَرني تهون
صرت منـهو في معـاناته "صمل"

الحـبيب اليوم ؟؟ لا ماهو بـ عون
كيف أداوي جَرح مـنه ؛ قد دمل

لا تـزيد الـجرح ، ما عادك تمون
مـا يـفيد القـول !! لو ما به عمل

يا حـبيبي : ليتَ قـومي يعـلمون
عن فعول الموج بـ أسماء الـرمل

شـوف عيني يغرِق إسمينا بـهون
دايـماً يثـبـت : "مـفارقـه اكتـمل"

يـا حبايب صارحوا !! لا تسكـتون
الفـراق اليـوم // جـداً مـُحـتَـمـل

لا تـقـولوا اليـوم ؛ مـا لا تفعـلون
الكـلام احـيـان (( سبّه للـ خمل ))

حاولوا وقـت المواجع تضحكون
دام هـ العـذال ، بـ أعـداد الـنمل

ويا مفـارق !! لا تـضيعك الظنون
الـزمـن لا زان . . حـلوَه ما كـمـل

[اسطورة لن تتكرر]

{ من جنوب الدار ، لي نجد العذيّه }


كـل ما قـالوا نسيـته ؟؟ قلت سالي
اتـلـيـهى صبـح . . و يجيني مسـيّه

من بعد ضحكات ؛ عدّت بي ليالي
كن نـار الشـوق وسـط القلب حيّـه

ويش ذنبي و انت حـب ما صفـالي
ليـه اشـوف الليـل من بعـدك اذيه

كـان معنى الحب عندي (ارتجالي)
يعـني كلمـة مـنك ؟ و البـاقي عليّه

كنت اخاف الجاي اكثر مـن ظلالي
وكنت اخاف اضيع وحدي دون فيّه

كنت أودّ اشياء ، و انت تقول تالي
صـار تـالي - بـس ايـدك مـو بيديه

مــرت الأقـدار : ما عدت بـ حلالي
( مـرت الأحـلام ) ذبـلت كـل جيّـه

ايـه انا اخترت البعاد ؛ وشان حالي
لأن صار القرب { في حقي خطـيّه }

ان خذلني حلم ! جيتك في خيالي
إن حضر بك طيف صحت الله حيّه

متّ بعدك كيف عادك وسط بالي؟
ما قـدرت اعيش ، دامك منت لـيّه

مـا لذولا النـاس يـا عالـم مجالـي
غيـر إنـسوا .. لين تاخذني المنيّـه

يـوم كنت اظـن بـ انـه صار فالي
قـلـت هـاك القـلب ؛ وانا لك وفيّه

ويوم غنا : بـ أن [عمي مثل خالي]
في رجا الأقـدار - تجـمعـنـا سـويّـه

كنت اردد : ليت "آلك" مثل "آلي"
علّها الأحـلام - مـا تـشقي شـقـيّـه

وكنت اقول الحـب شيٍ حيل غالي
كم ضـحكـته !! ليـن وردني اسـيّـه

يـا عرب مـليت عطـره وسط شالي
مـن يـجـمّـعـنا / / اذا لـه مـقدريـّه

دايـم احلـم بـه يـنـاديـني "تعالـي"
ثـم افـز بـ شـوق .. وأتـصوّر مجيّه

كنت احس احيان بـ طـيوفه قبالي
ثم يطيح الدمع - لا نـادوا سـميـّه

لـيه حضن الموج ما يـعشق رمالي
لـيـه صـرت اليـوم بـعده مـهمهيـّه

يا دواي وداي . . ليل البـعـد طالي
لين صار الشـوق في صدري شظيّه

يا قـصيدي طيـر بـ أشـواقي بـدالي
مـن جـنوب الدار ، لي نـجد العذيّه

ويا نـقط (بـالله جاوب لـي سـؤالي)
[وش بلاك تخاف من رد الهديّه ؟!]

[اسطورة لن تتكرر]

الزمن "مزحة ثقيل" وضحكتي كذآبه !


جعله بكل وجه مرّه بـ {الهـوى} يلمحني
لين يدري ويش سوا : بـ الخـفوق غيابـه

كل شطـرٍ في غيابه - كـم تعب يشرحني
اجـبر الأبـيات بيـدي ! ! و البـلا منصابه

خالف النسناس داري و الغضى يلفحني
واحترقت مـن المحبه و الجفا بـ أسبابه

كل مـا قالوا يـودِّك ؟ ضـحكتي تجرحني
لو اغيب العـمر كلّـه ؛ هالـ ولـَّه ما جابه

كل ما يقسى ويبعد قال : ظرف و بِحني
يحسب إن العذر يشفي ما جرح به نابه

جـعل تسقى ضحكتينـه يومها تفـرحني
قبـل يدري عن غـرامي او اعرف انسابه

كم عزف هالناس لينه // قـام توّه لحني
من يضـيّع لحـن داره ( لا يعاتـب بابه )

كل ما جيت أتناسى . . وحدتي تذبحني
قلب بين الناس لكن ' ما شَعَر بـ أحبابه

و كل ما جيـت اتشالا دمعتي تفضحني
الزمن "مـزحة ثقيل" و ضحكتي كـذابه






الهنوف��.
14.4.2018

[اسطورة لن تتكرر]

جمع الباقي من أشعاري و اشبّه !


بيـض الله ( وجه جرحَـك ) لا تجيـني
شفّ أمـوري عقب ضيقي مستتـبّـه

ما بكيت || إلا حسـاايف يا سنيـني
و مـا كتبت — إلا متاهـات المـحبّه

الجفـاف إن طـال ؟ ما يلـوي يديني
و مـن يـذوق القيـض ما غرّه مهبـّه

كنت له ضامي و لـكن شـوف عيني
يـروي الـراويـن مـن : بـارد مـصـبّـه

يـا "سبيـل الغيـر" .. لا تجرح وتيني
مـا يـفيد الـجـرح دكتـوري و طـبّـه

وكان ما يدهشك غـير الشـِعر فيـني
بجمع البـاقي من أشعـاري و اشـبّه

ما وفيـت إلا و انا ادري عـن حنيني
{ ما عشقت إلا و انـا قـد المحـبه }

لو حبـال الوصـل ذابـت في يـميني
كيف ابـوصل دار مضنـوني و احبه

الطريق إن طـال — حـدّه أربعيـني
لكن احساسه ؟ انـشهد طـال دربه

يغـتـرب احيـان ، و أحـيـاناً يبـيـني
يـوم مـرضيـني و بالـ بـاقـي اسبّـه

وإنهـزم بي طفـل مـا يـرضى أنيني
صـار يبكي دون جرح و دون سبّـه

رغـم شحّ الحـال ~ أزهـر ياسميني
معجـزة ما دمت غارق وسـط غبّه

و أختلف بي شي ؛ بـدّل بي يقيني
مـو وحيد اللي معه نـاسه و ربـّه .

[اسطورة لن تتكرر]

جَلّ منهو لبسه ديباجه !


بين تصفيف الكلام / وبين وصف الحاجه
لي ثلاث شهـور فاقد : "غطرسة" اشعاري

البكى و إن قيل ينفع ؟ ؟ مـا يذري حـاجه
لو تهلّ دموع عيني ! ! ما طفت بي نـاري

تاه شِعري ــــــــ جَـلّ منهو لبسه ديبـاجه
ما قدرت الوم غيـري ؛ في ضياع افـكاري

جيت بيت الشعر مدري من كسر مزلاجه
و ابتديت اخطّ شِعري وأعلنوا ( إزهاري )

كني اللي شاف طيفك ، و ابتدئ معراجه
مدري [ أسبح لـ ربي ] او [ أعـدّ أوزاري ]

سـامح اللي كان وصله / دوم دون مواجه
هالزمن عيّا يجيبك . . غير صوت وطاري

سامحه لو كان بانت { ضحكتين إحراجه }
دام لـه فجـأه تغـني ؟ ؟ هـ الحـيّا إجبـاري

سـلطنة الأفكار فيـني ، و أصبـحت وهاجه
كنها [ البنّ اليماني ] . . لا حضنه وجـاري

قلّ لـ هالشاعر "تـ و كـ ل" لا يزيد إزعـاجه
و الـجـزل مـعـروف لـوّه "غـرّد" بـ إنـكاري

لو حسب منتوج قـافي مـا وصلت انتـاجه
وندرة الدانـات دايم ـــــــ تلفت الأبصاري

يمكن انـي في حـضـوري { لبسوني تاجه }
و إنـتهى مشوار غيري ، و إبتدى مشواري

أعتذر يا « عين شعبك بسمته و سرآجه »
مـن بدا التجريح فيني ؟ ؟ له يجرب نـاري

يـا عرب صلـوا على اللي قـد تُـبِع منهاجه
و اشـكروا منـهو بيـدينه سُـلِّمـت أقـداري