حكايااووصاايا♡ [الأرشيف] - السبلة العمانية

سراب سنين

17-10-2014, 09:06 PM

[CENTER]بسم الله الرحمن الرحيم

السلام عليكم ورحمة الله وبركاته

فكرة بسيطة خطرت في بالي وقررت اني انزلها في المنتدى وهي حكايات الجدة موزة والشايب خلفان

الفكرة تتلخص في مواقف يتعرض لها الشيّاب خلال جولاتهم في أماكن مختلفة من السلطنة(المراكز..البحر...الخ) ومن خلال حياتهم اليومية ونظرتهم لهذي الأمور، المواقف عبارة عن قضايا موجودة في

مجتمعنا العماني حبيت اني اطرحها بأسلوب فكاهي خفيف ع القلب وبلهجة ان شاء الله تكون واضحة ومفهومة

للكل واللي أتمناه ان ما حد يتحسس من المواضيع لأنها عامة وما قصدت ابدا اني أسيء لأي شخص من

خلالها..قبل ما ابدا في المواقف العجوز موزة حبت تعطينا وصف مبسّط عن زمان أول..

خلونا مع العجوز موزة :

"السلام عليكم..كيف حالكم عيالي؟وكيف حال أهلكم ؟عساهم طيبين؟

يا عيالي انا أشوف ان الكثير من الشباب اللحين ما حاسّين بالنعمة اللي عايشين فيها وما عندهم شغلة غير يتذمروا من حالتهم وما حد عاجبنه حاله..اللي يقول ايش هالمستشفيات؟واللي يقول ايش

هالمدارس؟!!..الحرمة اللي تشتغل تعاير زوجها أوين انا ما محتاجتلك وما ترضى تساعده في مصاريف

البيتhttp://forum.ramsat.net/images/smilies01/icons_enm01%20(7).gif..وينك عن السيّدة خديجة اللي حطت تجارتها واموالها في يد الرسول صلى الله عليه وسلم؟!! ما

أقولش سلمي فلوسش لزوجش بس ع الأقل ساعديه ما أظن تفتقريhttp://forum.ramsat.net/images/smilies01/icons_oi1%20(6).gif!!!..والرجال ما يرضى يساعد حرمته في شغلالبيت أوين ينقص من رجولتهhttp://forum.ramsat.net/images/smilies01/icons_th1%20(16).gif..الرسول –صلى الله عليه وسلم –كان يساعد السيدة خديجة في اعمالالمنزل أشوفه ما قال بتنقص رجولتي وهو سيّد البشرية...!!!!!!!

هذا غير الحالة اللي وصلولها الشباب والبنات اللي تناسيوا دينهم وتقاليدهم وصاروا يقلدوا العنجريز..!!!

يا عيالي زمان- قبل ما يحكم قابوس الله يحفظه عمان- كانت حالتنا صعبة ..نحن الحريم كنّا نقوم من الفجر

نصلي ونزهّب قهوتنا_ "اللي كانت عبارة عن نوى التمر لأن وقتها ما كان عندنا فلوس نشتري بن..البن كان

عند الكبارية واللي يجمع كم قرش من شغله"_ وخبزنا ونمشي جماعة حريم نطوف وديان ونطلع جبال._كنّا

نتعرّض لمخاطر كثيرة خاصة فالجبال_ اللي يحش((يجمعن الحشيش))..واللي يجمع الحطب..واللي

يرعى..وما نرجع الا المغرب هلكانين لكن ما نرجع ننام!! نروح نأكل عيالنا ونطعم الحيوان((الحيوانات..البقر

والغنم ..)),,ما قلنا حال الرجال انتوا اللي لازم تشتغلوا ونحن نجلس في البيت!!..كنّا حتى التمر ما نقدر

نشتريه دائما لأنه كان غالي ..الرجال كانوا يروحوا الكويت يشتغلوا ويجلسوا سنين والحرمة تربي عيالها وما

مقصرة..كنّا نتعاون نحن والرجال في المزارع والحيوان نراعيهن مع بعض ..كنّا يد وحدة ما حد يترفّع عن مساعدة الثاني!!..

كان في ذاك الوقت مستشفى واحد_ الرحمة_وماشي أدوية نفس اللحين ..الواحد أحيانا كان يموت من

الزكام ,, والحميقي(الجدري),,التعليم كان مقتصر ع الرجال وللصف السادس بس والحريم ما يدرسن..

اللي أريدكم تفهموه ياعيالي انه حالكم أحسن بواجد من غيركم اللي حتى اللقمة ما محصلينها..وحد منهم الماي الصافي

ما لاقيينه..شكروا نعمة ربكم ياعيالي والا تراه النعمة زوالة اذا ما شكرناها..http://forum.ramsat.net/images/smilies01/icons_icet4%20(8).gif

سمحولي ياعيالي طوّلت عليكم ..المرة الجاية ان شاء الله بخبركم عن اللي صار معي انا والشايب خلفان في

كارفورhttp://forum.ramsat.net/images/smilies01/icons_wky3%20(9).gif...انتظروني..

,,حبوتكم موزة,,
منقول[/CEN

تباشيرالأمل

17-10-2014, 09:13 PM

السلام عليكم
طااب مسائكم
راائع جدا اسلوب الحوار وفكرة الموضوع
بنتظارالقاادم عزيزتي

سراب سنين

17-10-2014, 09:17 PM

السلام عليكم
طااب مسائكم
راائع جدا اسلوب الحوار وفكرة الموضوع
بنتظارالقاادم عزيزتي

عليكم السلام

أسعدني مرورك الجميل

المحبه للخير

17-10-2014, 09:21 PM

جميييييييييييييييل
بإنتظار القادم

كاسر صحن

17-10-2014, 09:24 PM

شكرا حبوه موزه علئ الموضوع
في السابق الحياه غير
كانت البيسه لها قدر
و اول ما كان بيسه
كان الربيه و يسموها شيابنا " تكه "
تشتري راشن بيتك وشي يبقى منها
الحين الحياه غاليه و كل شي غاليه يا حبوه موزه ^_•
نحن ما نتذمر من العيشه
بس الواقع الي نشوفه ان الوافد مسيطر على الوضائف ^_•
و يحصل امتيازات و رواتب و سيارات و بيت وووو ..

سراب سنين

17-10-2014, 09:26 PM

جميييييييييييييييل
بإنتظار القادم

مرورك الآجمل ،، كونوا هنااا

سراب سنين

17-10-2014, 09:27 PM

امنتك الله

17-10-2014, 09:27 PM

يسلمو حبوووة
الله يطول بعمرش

سراب سنين

17-10-2014, 09:29 PM

يسلمو حبوووة
الله يطول بعمرش

الله يسلمش بنيتي
تعالي ما واصيش عشان نشوف سالفة كارفور

رندويلا

17-10-2014, 09:44 PM

السلام عليكم

حبووه موزه عليها سوالف هع...

بانتظار القادم بكل شوق ...

سراب سنين

17-10-2014, 09:48 PM

السلام عليكم

حبووه موزه عليها سوالف هع...

بانتظار القادم بكل شوق ...

عليكم السلام بنيتي

يلا تعالوا كلكم سمعوا السالفة الغاوية بعدين

ذكرى تائهة

17-10-2014, 09:55 PM

هههه جميل جدا ،،،،،

سراب سنين

17-10-2014, 09:56 PM

هههه جميل جدا ،،،،،

مرورك الآجمل :rolleyes:

بـــن ظـــآآهـــــــر

17-10-2014, 09:58 PM

الحياة تغيرت اختي لا توجد اي مقارنه
بين زمان الماضي والحاضر
فعلا زمان اول كانت الناس متعاونة بكل شي
كانوا مكملين لبعضهم البعض

اشكرك اختي على الطرح المميز
في انتظار ما هو قادم منك
احترامي لك

سراب سنين

17-10-2014, 10:17 PM

سراب سنين

18-10-2014, 12:31 AM

السلام عليكم..كيف حالكم صغيرين؟

الله يسلم حالكم أنا اليوم بخبركم عن السالفة اللي صارت معي انا والشايب خلفان من كمين يوم ..

كانت ناقصتنا اغراض حال البيت وأهل الخير وصفولنا كالفور عوين أسعارة غاوية ما غالي_أنا اول شيء فتنت عليهم قلتلهم مو قالولكم نحنه كفار نروح ذا الكافور بو تقولوا عنهhttp://forum.ramsat.net/images/smilies01/icons_enm01%20(7).gif!!مو دراني حليلي أفكره مال كفارhttp://forum.ramsat.net/images/smilies01/icons_uu1%20(9).gif..ونحن على حيلة معاش التقاعد مال الشايب خلفان قلنا نروح ونتشرّى من هالكالفور..طلعنا أنا والشايب فذاك البيكاب الغاوي اللي حتى مكيفه ما يشتغل!!..ووصلنا كالفور شفنا سيارات واجد واقفة ويالله يالله حصلنا مكان نوقف البيكاب..وعاد يوم هبطنا نتدّور شفنا شي(ن) غريب..شفنا ولد حليله عورلنا فوادناhttp://forum.ramsat.net/images/smilies01/icons_wky3%20(9).gif,, يوم شافه الشايب قال يااااااااااالله واحليله موزوووه شوفي الوليد مسيكين يقطّع الفوادhttp://forum.ramsat.net/images/smilies01/icons_icet4%20(8).gif..قلتله مو فيه خلفان؟http://forum.ramsat.net/images/smilies01/icons_bes7%20(14).gif

قالي خلفان يوووو موزه اذا ما خاب ظني الولد ماسكتنه كرهبه وصوعتله براسة شوفي شعره كيف واقف من النقزة والا سرواله كيف طايح _يقصد بنطلونة اللي مبين الأندر وير_واحليله متصوع حتى نسي يرفع سرواله..http://forum.ramsat.net/images/smilies01/icons_th1%20(16).gif

لكن استغربنا يوم شفنا مثل هالولد كثيرين لا بعد شي منهم مسويين شعرهم تقول ذيل فارhttp://forum.ramsat.net/images/smilies01/icons_wky3%20(9).gif..واللي مسوي راسه كله صلعة ومبقي بقعة صغيرونة في القمة كنها جزيرة مصيرة!!واللي صابغ شعرة بمية لون تقول ديك خاطف قدامك!!..تو موووووو ذا الغش!!..ياترى كلهم ماسكتنهم كرهبة؟!!!..

المهم أنا والشايب خلفان رحنا وتشرينا الأغراض اللي نريدها وطلعنا..وأول ما وصلت رحت سيده عن ولدي جمووع..قلتله يووووووو جمووووع تعاال هنا باغتنك في خرّوفة..يوم جاء جمووع قلتله تو حال موه الصغيرين بو في كالفور اللي خبرتنا نروحله سراويلهم طايحة وشعرهم طاش كان منقزتنهم سنورةhttp://forum.ramsat.net/images/smilies01/icons_wky3%20(9).gif؟!!وحد منهم كنهم ديوك من كثر ما ملون شعره؟!!

قالي يووو ماه انتي ما في الدنيا؟!!

عوين هذي مووووضة كل الشباب اللحين كذا عادي وأنا كأني بسوي مثلهم..قلتله جرّب كان صدقك تبغاني أكسر هالخيزران في ظهرك هذا اللي قاصر تنفشلي كشيشك وتطيحلي سراويلك!!!http://forum.ramsat.net/images/smilies01/icons_enm01%20(7).gif

((ياترى وين عقول شبابنا لما فكروا يقلدوا الغرب في هذي الصرعات الغريبة؟!!..وين راحت عاداتهم وتقاليدهم..وقبل كل هذا وين ايمانهم بربهم؟!!

ياترى الشباب يرضوا أن خواتهم يشوفوا هذي المناظر؟!!..اذن ليش رضوها لبنات الناس؟!!

أتمنى ان كل شاب فكر يجرب هالموضة يجلس مع نفسه شوي ويفكر بعقل..صدقوني لو كنتوا تفكروا انكم بهالتصرف تجذبوا انتباه البنات فانتوا صح تجذبوا انتباههن بس ما اعجاب..لا والله سخرية وتمصخيرة ما لها حد..يعني انت خليت نفسك عرضة للسخرية..بعكس الشاب اللي لابس لبس محترم وكاشخ بطريقة مرتبه!! يفرض احترامة وين ما راح..عاد انت شوف نفسك وين تريد تكون بين هالصنفين؟!!))

يالله عيالي عاد تو سمحولي بسير أقهوي شيبتي..وأشوفكم المرة الجاية عشان أخبركم قصتنا انا والشايب خلفان يوم رحنا البحر..

&&حبوتكم موزة&&

hamad alaraimi

18-10-2014, 12:55 AM

السلام عليكم

نقل مستفاد

يوميات برؤية واقع مؤسف
شكرا لك

تقديري واحترامي

صمت الشفاه

18-10-2014, 09:50 AM

طرح جمييل :rolleyes:

زمان اول تغير كثيير
خالص الشكر

غـــزلااان

18-10-2014, 11:55 AM

عـــزيزتـــي ســــــــــــــراب ..
طــــرح جميــــــل ومميـــــــــــــــز وفكـــــرة رائعــــــة
جميـــل أن نقــــف عنـــد بعـــــض حكـــايــــات الأجــــــــــــــــــداد
وعنـــــد الفـــاصــــل الزمنـــــي بيــــــن عصــــر الأجـــداد القـــــدمـــــاء وعصــــرنـــــا الحاضـــــــر
بأسلــــوب فكاهـــــــــــــي ومـــرتبـــــــط بالواقـــــــع إلـــى حـــد مــــــــــــا ..

ودي وتقـــــــــــــديري لك عــــــزيزتـــي
http://t3.gstatic.com/images?q=tbn:ANd9GcSRMDaMQ9pl2bt-j_uxekfu0vYzy8KjOdoFjilsHG2jPMAkmfiQZRW-2ZSj (http://www.google.com.om/url?q=http://forums.fatakat.com/thread3287274-2&sa=U&ei=TRlCVNX6HsLN7QaSy4CQCg&ved=0CBwQ9QEwBA&usg=AFQjCNGdYRsgJWJPzFGJGI2EcQ85IvRwtg)

تباشيرالأمل

18-10-2014, 12:23 PM

يعطيك العافيه
طرح جميل باسلوب رائع للقضايا المجتمع

الشباب والموضات الغربيه الغيرمحببه
امر مزعج .منظرهم تنفرمنه العين
فهوتشويه لرجولتهم
شكرالك جدووه موزه

سراب الورد

18-10-2014, 02:43 PM

جمييل جدا اسلووبك ف الطرح
هكذا المواضيع الي احبها..

سراب ^_~

تشكري ع الطرح ...

،إستثنائي،

18-10-2014, 02:47 PM

طرح جميل ومتميز

كنت هنــــــــــــــــا

ندى***

18-10-2014, 03:16 PM

أم انه موضوع شي صراحة و اسلوب رائع

بنتظرك حبووووه موزة/مواز

مفتر رآسيَ !

18-10-2014, 03:23 PM

عورني حلجيْ يوم تميت اقرأ ><

سراب سنين

18-10-2014, 06:21 PM

مشكوورين ولادي ع المرور

:cool:

سراب سنين

18-10-2014, 06:29 PM

السلام عليكم ,,مو علومكم عيالي؟http://forum.ramsat.net/images/smilies01/icons_icet4%20(7).gif

اليوم عاد بخبركم السالفة اللي استوت معي انا وشيبتي يوم رحنا البحر..

الله يعافيكم ذاك اليوم خلفان عوين فيه ضيق باغي يطلع ,,وعاد جمووع ما قصّر قال بشلنا معه البحر,,هو بيلعب مع ربعة كورة ونحن نتهجّل بالخراريف في ذاك الهوا الغاوي...

جهّزنا قهوتنا وفوالتنا وحصيرنا وقبضنا دربنا صوب السيب..

عااااد يوم وصلنا البحر هبت علينا ذيك الهبوبة الغاوية اللي تبرّد الفواد..

تراه جموع سار عنّا عند ربعة ونحن فرشنا حصيرنا وقهوتنا وجلسنا نتخرّف..شوية ما أسمعلكم غير الشايب جمعة يسمعني ذاك الميدان

((لا تخلط الهيل بالفلفل...راعي النظر يس..يس يس يس..ما احيدني قطعت بر بر بر..ولا حيدني زرعت بر بر بر..ما نرابي عليك بر بر بر..كانك تبى تيس يس يس يس..وكانت تبى فل فل فل ..))

أسميه الشيبه حافظ ميدان..المهم ما نشوفلكم غير ذيك البنية خاطفة قدامنا والشباب فاكين حلوقهم يتشوفوها تقولوا ما شايفين خير

يوم شافها الشيبه قالي يوووووموزووه شوفي البنية حليلها من ذا بو فالعنها فوق راسها؟!!

شوفي راسها كيف غادي ورماااان!!

عااااااااد انا عوقني فوادي عليها نهمتها قلتلها يووووووو بنتي تعالي هنا شوية باغتنش ف خرّوفة..البنية حليلها جات...قلتلها جلسي ماه حيتي قالتلي خير حبو مو باغية؟..قلتلها بنتي من فالعنش بطابوقة فوق راسج وحال مووه كذا عباتش متقطعة ومن بو قاصلش تنورتش ماه ووجهش حال موه غادي احمر انتي متضاربة مع حد بنتي؟؟ اعتبريني حسبة امش يوووحبتيhttp://forum.ramsat.net/images/smilies01/icons_wky3%20(11).gif

البنية ضحكت وقالتلي حبوووه هذي المووووووضه...قلتلها خبريني مكانها وانا اراويش فيها هذي اللي ما تستحي مسوتبش كذاكhttp://forum.ramsat.net/images/smilies01/icons_enm01%20(7).gif...قالتلي حبوه موضة يعني تطور..قلتلها اهمهم تطور اوين !!!تفصخن نوبة وقولن تطورhttp://forum.ramsat.net/images/smilies01/icons_enm01%20(7).gif

المهم الشايب خلفان هبت هبايبه يسبح طشونة فالبحرhttp://forum.ramsat.net/images/smilies01/icons_enm01%20(6).gif..عاد قال مايستوي يعق دشداشته فالحصير بتتكسف..راح الشيبة الخرفان وعلّقها فراس البنية...

وما نشوفلكم غير ذيك الشيلة المتعلقة تطيح..ويطلع تحتها بلاوي..البنية ما من شوية راسها وارم ابوي لافة ليسو في راسها ..ومعلقة فيه دجاجة منتزقة..

والشعر حياته ما يجي كبر الصبع..

البنت تضايقت لكن شوية وجاها تلفون..عاد تسمعوا ردها((هاااااااااي حياتووو..شووووووو..(عوين شوووو تو قبل شوية تقوليلي حبوه مو باغية اشوف الخرّوفة انقلبت!!!)..كيكه عمري اللحين جايه)) وطلعت من شنطتها قوطي مخلية فيه طحين لخّته في وجههhttp://forum.ramsat.net/images/smilies01/icons_wky3%20(10).gifا((ما من شويّة الطحين غالي من كان ب800 بيسة وصل ب2200http://forum.ramsat.net/images/smilies01/icons_enm01%20(7).gif))..وطلعت نوبة أظني فازلين مخلتنه فغرشة صغيرونة فركتبه ثمها وخطفت وجاها واحد راحتله تتميل يمين ويسار كنها سكران ما عارف دربة..وااااااااااغشي عليكن وااااغشي

عاااااااد انا الصراحة فزعت على شيبتي عن تجيه وحدة هالخايسات تشله عني ونوبة فزعت على ولدي نهمتهم قلتلهم خلى خلى ردينا بيتنا وانت يالشيبة الخرفان ماشي طلعة من الحارة كان باغي تفضحني

ورجعنا بيتنا وارتحنا..

((همسة:

بالذمة يابنات اريد اعرف ليش هالبرج اللي تحطنه ..ايش الهدف والله ان الشباب طايحين فيكن تمصخييييرة..أتمنى الشباب يعطونا رايهم في هالموضوع عشان البنات يعرفن وجهة نظركم الحقيقية..))

يالله عيالي انا تعبت الشيبة ينهمني باغي يتغدىhttp://forum.ramsat.net/images/smilies01/cool.gif

ترجيوني ان شاء الله المرة الجاية وسالفتي عن المهر.http://forum.ramsat.net/images/smilies01/icons_oi1%20(5).gifhttp://forum.ramsat.net/images/smilies01/icons_uu1%20(10).gif.

المحبه للخير

18-10-2014, 07:42 PM

هههههههههههههه عجبني الاسلووب والحكايه غااااوية
ما عرفهن حال موه يسوين ذاك البرج بعده ماا غاوي البر وشكلهن يطلع خطأ والله زين النورس تستأجرهن يركبو ارسال ولا مقوي على راسهن استغفرك ربي اللهم لا شماته واذا سالتيهن حال موه يقولن لك يثبت الشيله عن تطيح انزين سوين دبوس وما اتطيح الشيله صدقني ما نقول غير الله يهديهن ولا يبلينا

عبير خآنوم

18-10-2014, 11:15 PM

مووووضوع عجبني بقوووة

أسلوبا وحورا وعرض النصيحة بطريقة كوميدية

يسلمو حبوه موزه ننتظرك

سراب سنين

19-10-2014, 12:18 AM

http://upload.ramsat.net/uploads/13077226101.jpg (http://upload.ramsat.net/)

كيف حالكم يا عيالي..من زمااااان ما سولفت معكم..بس عاد هالمرة ما بسولف معكم وحدي بتكون معي العجوز سليمة بخراريفها الغاوية بيكون تعرفوها ما يحتاج اخبركم عن سوالفهاhttp://forum.ramsat.net/images/smilies02/c030.gif

المهم يا عيالي أنا والعجوز سليمة قررنا ننزل هالموضوع هنا عشان نخبركم عن كمين سالفة صارت معنا وطبعا السوالف كلها تخص هالجيل بو تو طالع وكل يوم مطلعين خروفة جديدة ..http://forum.ramsat.net/images/smilies02/008.gif

عارفة اني دورتلكم براسكم لكن عاد الايام الجاية ان شاء الله سوالفنا بتعجبكم وبو ما تعجبه يخبرني عشان اراويه بشغلهhttp://forum.ramsat.net/images/smilies02/021.gif

وهالمرة الخراريف مرة بتكون علي وعشر مرات على العجوز سليمة

عااااد هال هالله ما اوصيكم ما ابا حد يزعل وياخذ على خاطره منا ترانا عجايز وكل شي عندنا جايز..وعاد هنا نريد رايكم الحماسيشن وخلو عنكم المجاملات ..http://forum.ramsat.net/images/smilies02/48.gif

ولا حد ينشر صورنا أهااا عيبhttp://forum.ramsat.net/images/smilies02/mad.gif

وقبل لا انسى أول خروفة بتكون باذن الله عن هذا التلفون بو مجنن الأوادم اوين
اسميه مطفر بالاوادم قاموا يمشيوا ويخرفوا عمرهمhttp://forum.ramsat.net/images/smilies02/weird.gif

يالله اشوفكم مع خروفتنا القادمةhttp://forum.ramsat.net/images/smilies02/chase.gif

((مع العلم ترى الموضوع متجدد وكل فترة بنجيبلكم خروفة غاويةhttp://forum.ramsat.net/images/smilies02/loveshower.gif))

مع تحيات :

حبوتكم موزةhttp://forum.ramsat.net/images/smilies02/48.gif
وحبوتكم سليمة..
منقول

روح طٌفلهـ

19-10-2014, 12:21 AM

ما هذا ��
شوه الموضوع

سراب سنين

19-10-2014, 12:26 AM

ما عرفت فآي قسم أخليه

روح طٌفلهـ

19-10-2014, 12:28 AM

ابرايه خليه اهني :)

ادارة السبلة العامه:)

رندويلا

19-10-2014, 12:30 AM

هههه شو سالفتج مع العجاايز هاه

ننتظر سالفة العجوزات بكل حمااااس

يعطيك العافية ع الطرح ،،

بورتريه الوحدة

19-10-2014, 01:40 AM

احين كل العجايز عندهن فونات
........

أحبك يا عبري

19-10-2014, 07:41 AM

شكلها تحب العجايز واجد

زهرة الخلود

19-10-2014, 07:58 AM

ههههههه بالعكس سوالف العجايز حماسيشن

سراب سنين

19-10-2014, 07:59 PM

واااغشششي دمجتو الموضوعين

زين يعطيك العافية ،، بو دمجتهن زين سويتوا :rolleyes:

سراب سنين

19-10-2014, 08:06 PM

السلام عليكم عيالي كيف حالكم؟شي علوم؟شي خبر؟

سمحولي عيالي تأخرت عليكم لكن مو أسوي الشيبة شل عني التب توب عوين من تخرّفي؟!!..

عاد ولدي جموووع جابلي واحد غيره..ما قصّر

يالله عاد تسمّعوا سالفة المهر..

هذا الله يسلمكم جارتنا عواش معها بنية غاوية الله يبارك فيها وحرمة هبّة ريح..ما كما هالبنيّات كلّه على الشغالة وهن والا على التب توب والا السوق..جاتني عواش ذاك اليوم وخبرتني ان بنتها جايينها ناس يخطبوها وباغتني أكون معها يوم يجيوا..

قلتلها ما يهمش يووو عوَش انا مثل أختش((كنّي شفتها حاست ثمها يوم قلتلها حسبت اختش ما اعرف مو قصدها!!!)) ..بتحصليني من العصر عندش..

ويوم جا العصر انا قدام بيتهم..((هوووووود هوووووود..يا اهل البيت))..لاقاني رجلها سعّووود ..قالي كيف حالش العجوز موزه ومو علوم الشايب..قلتله((مااشيوبة غيرك انته وحرمتك يالخرفاان والا باغيين تصغّروا عماركم آآآآآآهhttp://forum.ramsat.net/images/smilies01/icons_enm01%20(7).gif))..المهم انا دخلت عند عوااش وخبّرتها عن زوجها المصيّخ..قالتلي ما عليش منه ما قصده بس يمزح معش عاد انتيه الله يهديش مرّة فلفل؟!!..

انزين عوّاش خلينا من زوجش ويالله خبّريني مو ناويه تقولي حال العرب؟؟

كم بتحدّي الحق(المهر)؟..ومو طلباتش على المعرس؟؟

عواش: والله ياموزة انا ناوية أحدّ عليهم 8000 ريال الحق.. والذهب والقاعة والفستان عليه..ولازم يجيبلها سيّارة ويبنيلها بيت غاوي يعني فله واسعة وبشوف بعدني كان نسيت شيء!!!

انا يوم سمعتها كذاك تقول فتنت عليها..موووووووو تقووووولي؟!!!

8000 وفوقه هالطلبات يالظالمة وبعدش ناسية شي؟؟..خافي ربش والا نسيتي عمرش..أحيدش مزفوفة على حمارة عجوز تمشي وتوقف..وحقش 200 ريال وكمين ليسو ودشداشة..ومسكننش سعّووود في عريش وما عنده غير حمارة مخرّفة كماش والاّ نسيتي؟؟!!..أشوفش بتبطري على الخلق عواش

قالتلي الله يهديش موزة تو مو ذي الخرّوفة..دهرنا غير عن تو ..انتي تعرفي ان اللحين كل شي غالي.

سمعيني يوو عوَش.. اللحين 100 و1000 ما يكفيّن لكن عاد اللي فيه عقل يشتري اللي يلّه حاجة فيه والفشرة مايلها ..اللحين انتيه 8000 مو باغيتيلهن دام كل شي على المعرس؟!!..صلبي عظمانش عوَش وودري عنش هالخرّوفة..تراه كلّه بيطيح في راس بنتش هالفقيرة.

عواش: كييف يعني بيطيح فراس بنتي؟؟ كلهن الحريم تو كذاك يسوين.

آآآآآآاه اللحين السالفة غياااااااار من الحريم..نوبه الحريم بيعقن عمارهن فالنار روحي سويي مثلهن..كيه مو مافيش عقل؟http://forum.ramsat.net/images/smilies01/icons_enm01%20(7).gif

الرجال من هين بيجيب فلوس حال كل الطلبات ينتّف عمره والا يسرق؟

عواش: والله يريد حرمة هذي طلباتنا ما يريد بكيفه

عجب أقول عوَش خليي بنتش في حظنش ما حد بيبغاها خليها تشتغللش انتي ورجلش هالخرفان اللي ما رايم يصلبش..وقولي موزوه قالتhttp://forum.ramsat.net/images/smilies01/icons_wky3%20(9).gif

دام هذي خدمتش ابوي انا مروحة عنش ابركلي عن يرتفع ضغطي

يالله ياعيالي انا بخليكم لأن هالعجوز الخرفانة رفعتلي ضغطي والمصيبة ان واجد حريم مثلهاhttp://forum.ramsat.net/images/smilies01/icons_wky3%20(9).gif..وبعدين عاد تجيها بنتها ..يووو ماه معاش زوجي ما يبقى منه شي كلّه يروح في الأقساط والكرهبة والماي !!..ما قادرين نشتري بو نبغاه!!..يالله عاد ذوقيها أشوف. انتي السبب والا مو بيضرش لو حديتي 3000 والاّ 4000 وخليتي العرس فالبيت والا قاعة بسيطة لازم يعني تفوشري عند الخلق!!

أشوفكم ياعيالي ع خير..مع خرّوفة جديدة

حبوتكم موزةhttp://forum.ramsat.net/images/smilies01/icons_uu1%20(10).gif

غـــزلااان

19-10-2014, 09:42 PM

ههههههههههه حبــــــوه مـــــــــــــــــوزة واللــــــــــــــه دمـــــك عســـــــــــل

بـــس عنــــــدي مـــلاحظــــــــــــــة حبـــــوه
شـــو رايـــــــــك تحطـــي كـــل مـــوضـــوع بـــروحــــه ؟
عشــــان ما تضيـــــــع المواضيــــــع بيـــن الـــردود والســــوالـــــــــف ..

ربـــي يعطيــــــــــــــــك العافيـــــــــــــــــة http://t0.gstatic.com/images?q=tbn:ANd9GcSg63bZApZC-xa9hdpQ-LeqDYyHygz7GO01lbQSBlWmSnOPbBK-PBU_0T4 (http://www.google.com.om/url?q=http://www.lakii.com/vb/a-47/whatsapp-face-803875/&sa=U&ei=5_dDVP-yJ8ef7ganjYD4BQ&ved=0CBYQ9QEwATgU&usg=AFQjCNFAxlp1Vz3Pl1OYp8UBvn1faEu5ww)

بـــن ظـــآآهـــــــر

19-10-2014, 09:51 PM

غـــزلااان

19-10-2014, 09:57 PM

اختي المميزة غزلان
للعلم تم دمج المواضيع بموضوع واحد من قبل ادارة القسم
حتى يسهل على الاعضاء متابعة الموضوع بما ان الموضوع عباره عن حلقات متواصله

احترامي لك

أهـــلا بـــك أستــــاذ أبـــو ســـــــــارة ..
أشكــــــــــــرك علـــى التوضيـــــــــــح ..
ما قصـــدتـــه أن هـــذه الحلقـــــات تناقـــش قضـــايا مختلفــــــــــة
فمـــن الأفضـــل برأيـــــــي وضـــع عنـــوان خـــاص لكـــل حلقـــــــــــــة ..

ودي وتقــــــــــــــديري

بـــن ظـــآآهـــــــر

19-10-2014, 10:07 PM

أهـــلا بـــك أستــــاذ أبـــو ســـــــــارة ..
أشكــــــــــــرك علـــى التوضيـــــــــــح ..
ما قصـــدتـــه أن هـــذه الحلقـــــات تناقـــش قضـــايا مختلفــــــــــة
فمـــن الأفضـــل برأيـــــــي وضـــع عنـــوان خـــاص لكـــل حلقـــــــــــــة ..

ودي وتقــــــــــــــديري

سوف يتم عمل اللازم اختي
كل الشكر لك
تقديري

سراب سنين

19-10-2014, 10:49 PM

شكرا لكم ع المرور

واللي يعجبكم سوه سواء في موضوع متصل أو منفصل أهم شي الفكرة توصل

بـــن ظـــآآهـــــــر

19-10-2014, 11:11 PM

اختي سراب سنين
اشكرك على نشاطك الدائم بالقسم
تقبلي فائق احترامي

رندويلا

19-10-2014, 11:15 PM

قصص جميلة ،، تحاكي قضايا المجتمع بآسلوب فكاهي.

لك جزيل الشكر على الطرح ،،،

سراب سنين

20-10-2014, 07:17 PM

واااغششششي حتى العنوان غيرتوه

يلا مو مشكلة

سراب سنين

20-10-2014, 07:26 PM

السلام عليكم عيالي ..مو الهبّة اليوم؟

ياعيالي خرّوفتي اليوم بتكون عن..هالشباب اللي يبالهم عصى مدهونة بسمن حار يصلبلهم عظمانهم..http://forum.ramsat.net/images/smilies01/icons_enm01%20(7).gif

الله يسلمكم ذاك اليوم انا بغيت أتشرّى غريضات..عاد قلت حال جمّووع يشلني مكان لكن عاااد ما باغية كالفور..قالي انزين ماه ما يهمش بشلش البهجة..أنا شفت الإسم غاوي قلتله ما مشكله سرينا..ركبت مع جمووع وخطفنا على الشيبة اللي جالس مع شيوبة الحارة يحشّوا في الخلق عند المسجد!! وشلّيناه معنا..

يوم وصلنا البهجة نوبة لقيناه زحمة أخس عن كالفور..المهم يالله يالله لقينا مكان نوقف..نزلنا نتشرى من البهجة..لكن يوم دخلنا شفنا شي غريب كدس بنات خاطفات((وفاعلات بعمرهن ذيك الفعلة ,,الوجة مصبوغ أحمر واخضر كأنه حمار زط..والعباية مفتوحة ومترصصات بذاك البنطلون اللي اظنيهن مدخلاتنه بصابون والنعال ترقع من مسير كيلو..)) ووراهن ولاد الله....يهديهم..عوين يغازلوهن وهنه عاجبنهن يفقفقن..عاد الشايب خلفان وصل حدّه قبض خيزرانه وباغي يمشيلهم يشخطهم بها لكن جموع قبضه قاله يوو باه ما يستوي الشرطة بيمسكوك..قاله الشيبة ما تشوفهم هال..... كيف مسويين بعمارهم وااااااخسارتكم واااااخسارتكم..أسميه الأهل يبغالهم خيزران غاوية كان ما رايمين يصلبوا عيالهم..

انزين عاد الشيبة لعن بليس وخطف عنهم دخلنا كمين دكّان ونحن نتمشّى فالمركز أنا عطشت وقفت عند ثلاجة شربت.. خلاف جا ولدي جمووع يشرب.. ووقفت عنده وحده غاويةhttp://forum.ramsat.net/images/smilies01/icons_wky3%20(11).gif.. شكلها غريب ما لابسة عباه ولا لحاف((شيله)) ولابسة بنطلون فيه ورود وقميص وردي راصّ وجوتي نابه وردي وذاك العطر الغاوي اللي بنت جيرانا معها مثله ورابطه عقصها بشريطة وردية.جلس يشرب جموع يوم رفع راسه شاف اللي جنبه عقد جبينه..يوم شافه هاللي جنبه شهق.(.زين ما طلعت روحه من الشهقة.. وراح يركض بتمييله وراح عند شلّة اخس عنّه وكلهم يتميلوا ولابسيلكم ثياب بنيّات ومسويين ذاك الحمر والخضر فوجوههمhttp://forum.ramsat.net/images/smilies01/icons_th1%20(16).gif..((وحدي اول شي قلتله جموووع تو انته مو فيك تتشوف على البنيّة كذاك ما عيب عليك))

قالّي يووو ماه تو انتي تفكريها بنت؟!!

هذا ولد!!!!http://forum.ramsat.net/images/smilies01/icons_th1%20(17).gif

أنا هنا يبست مكاني يوم سمعته يقول كذاك...ولد وفاعل بعمره اذيه الفعله!!

هييين أهله عنّه؟عاجبنهم كذاك يفضحهم عند الخلق؟!!...http://forum.ramsat.net/images/smilies01/icons_wky3%20(9).gif

قلت اعوذ بالله ..على كذا وصلوا شبابنا!!..لكن ما منهم من هالاهل اللي ما يعرفوا عيالهم من يرابعوا!!..ولا وين يروحوا!!..

قالي ماه هذيلا عوين يسميوهم الجنس الثالث يعني لا حريم ولا عرب..

سالم صار اسمه سوسو..وماجد صار اسمه جيجي..يحبوا بعضهم ويطالبوا بحرية سخصية عوين..

قلتله واااااااااااااغشي واااااااغشي عليهم..انزين مو نوبه ذي الحرية السخصية؟

قالي يو ماه عوين باغيين الرجال يتجوز رجال كماه والحرمة تتجوز حرمة ..عوين باغيين يكوّنوا اسرة!!!!!!!!!!!

وماحد يقولهم شيء!!!!!!

لا اله إلا الله محمد رسول الله..

انا هنا ما قدرت غير اني أقول قول الله تعالى"اللهم لا تؤاخذنا بما فعل السفهاء منّا.."..ما أقول ياعيالي غير الله يحمينا ويهدي شبابنا قولوا آآآآمين

ومن هناك رحنا عند الشيبة اللي كان جالس مع واحد من ربعه في المطعم وحمدنا ربنا انه ما شاف ذيك الشوفة والا كان من صدق حرق المركز باللي فيه!!..ورجعنا بيتنا صلينا ودعينا الله يحمي بلادنا ...http://forum.ramsat.net/images/smilies01/icons_enm01%20(6).gif

يالله عيالي ترجيوني مع خرّوفة جديدة...

حبوتكم موزة..

ملك التفكير

20-10-2014, 10:47 PM

شكرا على الحكم والوصايا