السلام عليكم ورحمة الله وبركاته
في هذه الصفحة يطيب لي
ان اعرفكم بشاعر من أعلام الشعر النبطي
تميز.شعره بالحكمه والحس الإيماني
الشاعر المغفور له بإذن الله
عبدالله بن شايق
نبذة بسيطه عنه
عاش شاعرنا عبد الله بن شايق في البادية وكان والده بدوي يرتحل من مكان إلى آخر وكان بداية ظهور موهبته الشعرية وهو في سن الخامسة عشر من عمره ثم استمر في صقل موهبته وتقابل مع عمالقة المحاورة مثل فيصل الرياحي رحمه الله وصياف الحربي رحمه الله ورشيد الزلامي رحمه الله ومستور العصيمي وملفي المورقي وغيرهم من نجوم المحاورة
اتركم مع بعض القصائد المختاره لشاعر
ألاجواد واجـد والمراجـل لهـا كسـاب= لكن واعد العشـرة ليـا صـرت جمالـي
يطير الشـرار وكـل نـارٍ لهـا شبـاب = ومن ولع النيران يصبـر علـى الصالـي
تجارب حياتي معجـزة وادروب أصعـاب = ولقيت الرجال انـواع والـوان وشكالـي
صديق الشدايد ما خذا منك علـم وجـاب = وسيع الصدر يضحـك ولا هـو بزعالـي
صديـق الشدايـد لا ينافـق ولا يغتـاب = يدلـه غريـب الـدار ويزيـن الجـالـي
وصديق الرخى عقاب ومصادقـه عقـاب = شجاع الحكي والمـدح بالقيـل والقالـي
وصديق الرخى ما غير صورة ولبس ثياب = يا ليته يبرقـع مالـه شمـاغ وعقالـي
وعنـدي نصيحـه جـد ماقلتهـا لعـاب = أقول الصحيح ونايـم القلـب يصحالـي
ترا خوة أهل الطيـب يالطيبيـن أطبـاب = يطيـب السقيـم وخـوة الاش سـلالـي
تغانم شبابك يا بيض الوجه دامك شـاب = ترى البدر لو يطلع قمـر عـود أهلالـي
فلا تهجر المسجد وخلـك ورى المحـراب = ترى روضة المسجد لهـا منـزلٍ عالـي
ولا تترك اللي يزهمـك خايـفٍ مرتـاب = ترى الذل ما نجـى الثعـل بـا لتحيالـي
ولا لندى غير الفدى لـو تـروح أرقـاب = ومن ضاع شوره يا خذ الشـور ويمالـي
ومن با شـرك بالعـذر لاتلحقـه بعتـاب = ولا تشوف نفسك شيخ والنـاس عمالـي
ولا تهين نفسك لو تجي بين ضرس وناب = وهيبتك لا تنقـص ولـو ربـع مثقالـي
وبنت الردي لا يعجبـك زينهـا الجـذاب = تراهـا كمـا المخيـال خيـل وتخيالـي
ولو شفت حمر خدودها وثمـان أعـذاب = لا بدك تمنى ليـت مـا جالـك أعيالـي
ولدها لا ياشاف النقـى والملاقـى هـاب = ذليـلٍ بخيـلٍ فيـه خفخـاف وجفـالـي
أخذ بنت قرمٍ طيـبٍ ساسهـا مـا عـاب = تنومسك بنت الشبـل ويجيلـك أشبالـي
أعيال الذياب تصير مثل الذيـاب أذيـاب = وعيال الثعالـب مثلهـا زهـر الاذيالـي
وفرخ الصقر مثله وفرخ الغـراب غـراب = وبوم الخـراب ايقابـل العـش ويلالـي
الي صار راسك فوق يا طيـب الا نسـاب = فـلا ينحنـي لقـدام رجليـن ونعـالـي
لكن الله اللي يكتب الـرزق يـا خطـاب = هو اللي يفك البـاب ويقـص الا قفالـي
ولا يهمـل الا واحـدٍِ عايـفٍ الاشبـاب = ولا ضيع أحقوق البشر غيـر الا همالـي
وترى للقصايد كيف والكيف لـه شـراب = وانا ما مشرب الا كيف راسـي بفنجالـي
ولا طاوع الجاهـل ولا جامـل النصـاب = أقـدم يميـن الحـق واحـط معـذالـي
ولا نيب و الله طيبن له مـع مـن طـاب = ومن طاب لي برخص له الحال والمالـي
أكذب وانا خابـر واجامـل وانـا كـذاب = سنين مضت هـي صـدق والا يورالـي
تلخبط جهاز المخ وانهـارت الاعصـاب = وفورت دمـي وارتفـع ضغطـه العالـي
لكن في رجى اللي من رجى رحمته ماخاب = هو الواحـد العالـي وهـو ربناالوالـي
وهو الخالق الرازق وهو المعطي الوهاب = لـه الملـك كلـه والكمايـل والاكمالـي
رئوفٍ رئيـفٍ رحمتـه تنقـذ المنصـاب = يغيث الديـار الممحلـه عقـب المحالـي
شديد العقاب ويعتق المذنب اللـي تـاب = عسى مـا يوخذنـا بسيـات الاعمالـي
كما قالـه الله فصبـروا يأولـي الالبـاب = ترى الصبر زين وكلمـة الحـق تنقالـي
واصلي واسلم عد مـا تنبـت الاعشـاب = وما لاح بـراقٍ سـرى يشعـل أشعالـي
على المصطفى اللي وحد الدين والاحزاب = شفيع أمتـه يـوم الهوايـل والاهوالـي
.......
انا البـارحه يا طول ليـلي غدا ليـليـن = يـبـين شعــاع الشــمـس ما رتحـت لرقــااادي
اعــد النـجوم الســاريه والعـرب ممســين = واعد الاسـامي وارفع الصـوت وانــاااادي
ابتعـبك يافــكـري مـع الصـوت والـتلحـين = اجـاوب حـمـام الــورق واشـدي مـع الشـادي
سـرا النـوم مـن عيـني مـع هجـعة السـارين = و صـارت هـجـوس القلب سردااااد مـردااادي
هواجيـس وافكـار تشيـب برمـش العـين = اتخليـني اقصـد ولو مـاني بقصـاااادي
ولـولا الحـياا هليـت دمعـي علـى الخـديـن = وبكـيت الـرجال اللـي لـهم جـد ومـجاادي
اببـكي عليـهم وداري ان الـدهر يومـين = وللـعمر عـند الله نـهايه ومـعاااادي
وببـكي علـيهم جـعل كلـهم حيييييين = عـسى الله يـعديهـم خـطر كل حـساااادي
وانا مـا بكيـت الا علـى ربعـي الغالـين = ولانـي بحـسب حسـاب عـاذل ونـقاااادي
اقـوله وانـا ما عـشـت بيـن الـعـرب مـسـكيـن = انا ابأخص بمـصداري وانا ابخص بميـرادي
ولا هيـن نفسـي ولـو علـى السـيـف ابو حـديـن = اموت بشرف للعيون مركوز الانهـادي
......
نختم بهذه المناجاة الرائعه
الا ياالله طلبتك طلبـت الـي ماعبـد الاصنـام
ولا يرضى بغيـر الشـرع تحريمـة وتحليلـة
ولا يرفـع ايديـة الا لعرشـك والعبـاد نيـام
ولا صلى لغيـرك لامضـى ثلثيـن مـن ليلـة
شهادة لا اله الا انت تشهدلـه علـى الاسـلام
ولا يخفـاك تسبيـحـة وتكبـيـرة وتهليـلـة
يارب العالمين وعنـدك ارزاق العبـاد اقسـام
يامنجي نوح ومخزي من غزا مكه على فيلـة
ياحـيٍ مايمـوت ودايـمٍ ماغيـرك احــدٍ دام
يا محصي مامضى من جيل والي عاد من جيلة
خلقت الكون كله باكملـه فـي ستـت الايـام
ياذخـر العاجـز المحتـاج لاقلـت محاصيلـة
ألاسبحان من بأمرة ونـورة تنجلـي الاظـلام
هـدى رسلـه بقرانـة وتوراتـة وانجيـلـة
روؤفٍ رافـاٍ يرحـم قـويٍ قــادرٍ عــلام
عليمـن عالـمٍ بالغيـب يعلـم سـر تئويلـة
يقدر مايشـاء يفعـل مـرادة يـرزق الايتـام
يصرفنـا معـه بالامـر تأجيلـة وتعجيـلـة
هدانا واهتدينـا ماقطعنـا الوصـل والارحـام
نؤدي واجـب المصحـف وتجويـدة وترتيلـة
له الاسماء الحسنى ذو الجلال اسمه وذو الاكرام
انا وحدة ولاشريـك لـه عبـدة واصلـي لـة
وسع كرسية ارضة والسماوات السبـع مانـام
رقيبٍ فـوق خلقـة يرحـم المؤمـن ويؤيلـة
خلق من طينة الماء والثرء جلد ولحم وعظـام
ومن فضلـة علينـا محكـم كتابـة وتنزيلـة
لو اني مارجيتة رب من صلى الصـلاة وصـام
خرجت من النطاق وقلت يادنيا مـن انتـي لـة
يارب رحمتك لاجاء الحساب وصـرت الاقـلام
وفـي دنيـاي تكفينـي ثقيـل الهـم وتشيلـة
تشيلة مقادير الاانت تفرجهـا علـى المنظـام
انا مخلوق يـا خالـق تزيـح الهـم وتزيلـة
الا يالله تقـوم حظـي اللـي عاجـزٍ مـاقـام
على من بشتكي غيرك ومن بشرح ظروفي لـة
دعيتـك يامجيـب و ياقريـب تخفـف الألــم
تفرجهـا علـى الـي زادت الدنيـا غرابيـلـة
ابي من نارك النجوى واسالـك جنـت الانعـام
بيـدك النـار والجنـة ومـن عـاداك ياويلـة
ياويلة من عقابـك غـره الشيطـان بالوهـام
نسى يوم الحساب وطفـف الميـزان والكيلـة
تمادا في خطاه وعـاش فـي دنيـاه بالاجـرام
ياويلة من عـذاب القبـر لا ضاقـت مداخيلـة
اسأل الله العلي القدير أن يغفر لأبوشايق.ماتقدم من ذنبه وما تأخر
ويجعل الجنه منزاله