مغـامرات ومــواقف

[اموووره]

عندي وايد مواقف اظني بحتل الموضوع خخخ..
مرة جاء ضيف عندنا يعني انا تقريباَ عمري مال 10 -11 سنة
ماماتي قالت خذي العصير حق الضيف وانا متحمسة واخذ العصير واقربه للضيف غير اكبه بملابسه ياويل حالي
واطالع نظرة باباتي هع وانا خايفة بس الضيف نقذني قال هاي ياهل مسكينة خخخخ

هههه انا مره سكبت عسل فملابس خطيب اختي بالغلط ..
عاد عسل ويش اللي يشيله من الملابس ههههه ...
لين اليوم اذكره فيه بجد موقف كثيييير مضحك عاد هو يحليله قال ما عليه تصير واختي شوي وتذبحني هههههه ..

[بدر الدجى]

هههههههههههههههههه سوالفكم حلوة ツ

[بدر الدجى]

امممممم موقفي لما كنت ادرس بالثانوية ف اجازة الصيف نروح انا واختي اللي اصغر مني نغير جو في بيت أختي الكبيرة عشان تعلمنا الطبخ ツ
المهم في يوم م الايام أختي الكبيرة جهزت العيش وحطت السمك ف التاوة جالت كملو عني بروح اشوف ولدي اناكملت الطبخ واقلب السمك من بعيد بعيد أونة عسب م يطش الزيت فوجي بس لما جيت احط راس السمك ف التاوة كان تشعل نار
المفروض احطه ع نار هادئة وانا مستعيلة ابيه يجهز بسرعة المهم بدل م اجصر ع الطباخة كان اجيب ماي وارشه ف التاوة هههههههههههههههههههههههه والدخان وايد ف المطبخ ..
يحليلها يات تركض ع بالها احترقت هههههههههههههههههه
خبرتكم قبل اني م احب الطبخ هع
للحين تذكرني

[❤ رصاصه روسيه ❤]

بدايه احب اشكركن ع الطرح حلو عجبني كثير

اذا جينا ع المواقف كثير صارتلي


مره كان عندنا برزنتيشن تقديم عرض ف الكليه
وكنت انا وصديقاتي ف نفس اليوم مع بعض وتوقيتنا كان متقارب
قلنا بنجلس ف كلاس فاضي لحد م يجي موعدنا
واللي كانت ماسكه كتابها وجوالها
المهم انا مال شحطه قلتلهن خلني براجعلكن ترا مليت
اعترضن قالن احسلك تجلسي ع كتابك وانتي ساكته
بس صراحه م قدرت اسكت وجلست اتشاحط وانازعهن
المهم قامت وحده فيهن تبا تضاربني
وانا جالسه ع كرسي المستر وانا اقولها فيني خير ابا اراجعلكن تدفش الكرسي برجلها واطيح انا والكرسي مع بعض والغيرها ماسكه فونها تصور
المهم المشهد ضبط وانا م عندي خبر جلسن يشوفن الفيديو وانا م فاهمه وش السالفه غير اني اسمع صوت صرختي
وعاد لحد يومكم وانا يهددووني ع هالفيديو
م اقدر انطق بـ حرف الا والفيديو يشتغل
بس يومها قلت توووبه ولا اسوي شحطه
احسن اجلس متأدبه مكاني هع

[♡سدرة المنتهى♡]

والله انكن سوالف ههههههه

[Raba]

هههه موضوع جميل بوافيكم بالجديد الجميل بإذنه

اممممم هاي حديثة 2016 الحدث لما أمي واخوي زاروني أستراليا متعودة مع أخوي نسوي سوالف ونضارب بالوسايد في عمان المهم طال عمركم مشتاقه له بصراحة وهو مشتاق لمشاكساتي المهم كان يبي شيء من دورة المياه عزكم الله وانا ودي استحم وما اريد اعطيه الشيء الي يبيه طفى علي الليت قال تجيبي ولا لا هههههه ناديت على امي راح يسكر البلكونه عشان ما تسمع بعدها سمعت ههههه بعدين قلت له أفتح الليت اول بعدين اعطيك ما طاع قال جيبي أول عطيته ما فتح الليت قالي مع نفسك ههه قلت له ما عليك مع ابوي يا الدب طلعت فتحت الليت وكملت ههههه وهو يضحك علي يستعبط ،،،

[همس الأفكار]

فكره رائعه ...

ههه ومواقف مضحكه ^^
بإذن الله سأعود هنا إن تذكرت اي موقف


شكراً لكِ مائة

[مائة بيسة]

مواقفكم عجيبة ضحكتوني...
تذكرت موقف ايام المدرسـة كان الكل يعرفني وانا مااعرفهم بحيث كنت طالبة
جديدة بالمدرسة وبالمدرسة معظمهم يلبسون طويل وانا ألبس قصير
كنا بالمختبر ندرس لإن بالمدرسة ماكو فصل حقنا المهم بعد ماخلصت الحصة انا طبعاَ لازم اضرب لفة ع الكلاسات
وتمسكني الابلة وين رايحة تتمشي الحديقة خبرتها لا السينما خخخخ وعصبت الابلة وعطتني محاضرة اونة عن اللبس بس كأني ماسمعتها
( لاتجبرونا ع شي احن مامتعودين عليه)

[حنااايا..الروح]

مرة من المرات كنا طالعين رحلة للسوادي
تغدينا وانبسطنا..وحزة رجعتنا للبيت قال الوالد الله يرحمه لموا الأغراض وبنروح البيت
الله يسلمكم كان عمري 7سنين ..راحوا أخواني يغسلوا رجولهم ورحت وراهم دورة المياه
والله يعزكم قفل الباب عل ومحد انتبه ورحوا عني..وان كنت اصيح واًارخ ومحد سمعني لحد ما راح صوتي
وقريب الشارع العام حس الوالد الله يرحمه ان المكان ناقص وانتبه اني ما موجودة
طبعا رجعوا وجلسوا يدوروا على بكل مكان..لحد ماتذكر اخوي ان شايفتي اغسل رجولي اخر مرة
الموووهم ان حصلوني بعد معاناة مع فتح الباب
وطول الطريق وهم يضحكوا علي وانا اصيح واشاهق لحد مانمت
كان يوم الله لا يعيده..وكل ما أروح السوادي أتذكره

وبسسسسسسسسسس

[حبي خالص]

ههههههههههههههههه
موضوع حلو وزين نشوف الفضايح

انا ابد ابد ما يصير لي مواقف خخخخخخخخخ ذيبه

بس بقول لكم سالفه كلش ما تضحك
مره بأيام المدرسه كنت بأول ثانوي
قمت متأخر وركض اصلي واتجهز للمدرسه وووووو
المهم لبست على السريع
وطالعه اتنطط أقول ياربي ليش كذا اللبس خفيف
وانا عند باب البيت انتظر الباص
كان أطالع على نفسي
طلعت الأخت لابسه المريول بدون قميص
عادي ترا برستيج