^-^ شعورٌ يلامس نبضي °~° ®

[Raba]

ليس هناك أعنف من دمعة ضائعة
من وراء الحزن ،،،
وابتسامة متوفاه تتظاهر بالإشراق ،،

[Raba]

صامدة في انتظار سكب القلم
أجهز اشواقي أرتب أفكاري
أستمع للطبيعة للموسيقى الهادئة
على امل استرجاع محبرتي الضائعة
لكن لا بأس سأنتظر حتى يمل الانتظار مني

[Raba]

افتقد تومه كثير عسى المانع خير
افتقد كثير ناس الله يسعدهم ويرزقهم الخير ويصبرهم

تخيلوا أمس أجمل مكالمة تلقيتها من ام سُليمان حياتي وأختي الرائعة
وجالسة أكلم مستر سُليمان نص الكلام هذره ما ينفهم بس يعجبني متحمس
هههههه ما شاء الله عليه زين يقول اسمي بعده .. امه تقوله أعطي خاله بوسه
وتحمس ولدنا صار يبوس الشاشه ههههه اقوله ما وصلت ويرجع يبوس الشاشة مره ثانية
انا ارسلت له بيدي بوسه عاد هو تعلم حركة جديدة صار يسوي مثلي عسل
هالنتفه تخيلوا اقوله تعال يمسكني من الشاشه ويحاول يطلعني آخرتها عصب
ههههه الأطفال براءة جميلة وروح نقية سبحان الله ودي اكله مشتاقة له ههههههه

[Raba]

هلا كيفكم ،،،
يوم الخميس الي طاف طلعت انا وأم الزهراء صديقتي عازمتني عشاء في مطعم إيراني خطير استمتعنا ورجعنا يمكن ١١ بالليل وجلسنا في المبنى حجنا واجت مالي برازيلية خلاص خلصت دراسة وبتسافر نهاية الشهر فقررنا انا نطلع يوم الجمعة هالاسبوع يمكن نسيت ياخي متى نطلع ونسوي بارتي صغير على شرفها وبس ،،، المهم زهورة لذيذة كل ما تطيح نقولها قولي يا الله عشان ما تصيح هههه

يوم الجمعة مودي كان مود عروسات لان صديقتي الصدوقة من ايام الطفولة انخطبت وربي يتمم لها فرحانه عسى ربي يسعدها هم بعدهم ما حددوا شيء يعني ما اعرف متى العرس او الملكة المهم اكون انا في عمان ان شاء الله وطبعا لاني فرحانه قررت اطلع مع ريز وشوشو ومسكن الديجيه ههههه على مود عرس طلعنا نتعشى بعدين رحنا نحلي وبعدين رحنا التله كان برد ومطر ومنظر الستي بالليل رهيب،،، ورجعنا البيت عاد

[Raba]

اليوم نزلت خاطرة تخصني يمكن وتخص كثير ناس
تدعو لتبرع بالدم كموضوع انساني ،،،

اتمنى من زوار مدونتي يمروا عليها
امنحهم الحياة

[Raba]

.






وبين وفاق العقول ألتقت قلوبنا

[Raba]

مممم هلا وغلا بالي حضر وأنتظر طلتنا ،،،
مستانسة كووووومة ربي لا يحرمني من هالوناسة ...
طبعا يوم الاربعاء بحمد لله وتوفيقه أختي الغالية والتي لم تلدها امي وصديقة العمر والطفولة متوترة آخر توتر جالسة أغني لها عشان تهدأ ما نفع ههههه ،،، المهم كانت في أجمل لحظاتها ربي يتمم عليها فرحتها ومن ذاك اليوم أعلنت غاليتي ان تكمل نصفها الآخر بالحلال .. ما تدروا الشعور الي حسيت فيه صح أحاول اضحكها بس قلبي معها انا متوترة كنت يمكن اكثر منها ههههه جعل ربي يسعدها وعقبال العزابية وباقي الشلة ،،،،
هذا شغله من الي اسعدتني وشغله ثانية ان تووووومة الدبه اخيرا صارت موجودة في الحياة الله يسهل لها أمورها أسعدتني بتواصلها .. وثالث شغلة اليوم ميلاد عزة عسى العمر كله ربي يحفظها

[Raba]

هلا هلا انا جيت .. كيفكم ؟!
المهم يا بعد قلبي انا رحت اليوم الجبل العب بالثلج وشفت الشلال ورجعنا باقي القصة بتجيكم الحين بروح أشتغل على تسليم اسايمناتي اللابيه ،،، دعواتكم لي بالتوفيق..

[Raba]

كل عام وأنتم بخير بمناسبة عيد الأضحى ..
عيدكم سعيد ومبارك إن شاء الله

[Raba]

.


إن لم تمت بالسيف مت بغيره
تعددت الأسباب والموت واحد ..!