^-^ شعورٌ يلامس نبضي °~° ®

[Raba]

هلاوي حبايبي كيفكم ؟
عساكم بعافية ..
من أمس والي قبله عندي نزلت برد وامس زكمة وكملت واليوم خلاص مصدعه عيني تدمع وحمراء .. مع أني خلاص رايحه أجهز حقيبتي لسفر إن شاء الله مشترى العروس ههههه عشان ما بفضى الاسبوعين المقبلين ..

[Raba]

✿┈┈• أصبحنا وأصبح الملك لله والحمد لله •┈┈✿



من أتقن الصبر لن تگسره الحياة ...
ومن عرف قيمة الحب تهون عليه التضحيات ...
ومن تقاسم السعادة مع الأخرين أحس بقيمة الإنسانية ...


✿┈┈•أسعد اللّه اوقاتكم•┈┈✿

[Raba]

ما كان لون الشمس حين رحلت ؟!
لا أذكر التوقيت!! .. لكنني أدركت أنك حين رحلت
لم ابصر ضوء الشمس .. قد كان يغزوني الظلام
حتى لبست في غيابك ألوان الحداد ..
لما رحلت لم اسرف الدمعات لكني صمت ..
لما رحلت شعرت اني أحترق لكن بصمت ..
الصمت اثقل كاهلي في الحالتين ..
الصمت رافق رحلتي منذ ابتدت ..
لا عجب أنه كابوس لاح بي في النهار ..
لا عجب أن الأمس مجرد وهم من الأوهام ..
وانهزم الحب.. تحطم ثم غادر كالسراب ..
الحضن هذا كنت أبحث عنه ..
ما ضر إن أبتسمت في آخر لقاء ؟! ..
أو ودعتني دون الجفاء ؟! ..
ما ضر كل ذلك ها هنا ؟! ..
أشتاق لك كالطفل !! ..
أشتاق لك كالأرض حين أشتاقت الماء من السماء..
اواه تكسر كاحلي اواه من ألم الفراق ..
ثم رحلت نعم رحلت في الوضح كنت
أم في اعتام الصباح ..

#لحظية

[Raba]

حاسين أن فيني بارض أكتب الله لا يغير علي ،،،

المهم امس كنت تعبانه ومصدعه من عين وحده عشان الزكمة والالتهاب اخوي دق الصدر لاني جالسة معه كم يوم قلت له مسح راسي قال عندي العلاج ( عاد ما علاج ) جاب قطور الثرمد تعرفوه لاه يحرق وسواه في عيني ما قدرت افتحهم من الحريقه إلي تشب فيهن ويقولي حاولي تفتحيهن وين أحاول ولد الحلال انا يالله يالله قادرة احركهم .. بعدين جلست شوي وبعدين رحت الغرفة حج نومي كان هو هناك يكتب شافني تعبانه وجالسه اسوي طريقة التنفس عشان اتخلص من الصداع والزكمه قال عندي قطور مال زكمة والاذن جايبنهم من الهند وضي سوت وعيني دمعت قلت حتووووووووم طلع من عيني قال خلاص ضيون انتي بكره تموتي خربانه هههههه .. قلت له مالت عليك جاي تجزرها فيني الله يسامحك .. المهم ما قدرت انام نايمة 2 وشي بالليل ..

[Raba]

اليوم بعد جالسه مع أولاد أخوي على فكره حكوووم ما مصدق ان أبوه أخوي اوين ما يستوي انا بس اخواني جيفر والبقية حتووووم ولد الجيران يمكن هههههه
أولاد أخوي وحدهم حاله نعم يضحكوني عاد الشنجوب مجود عمره 3 سنوات ما شاء الله لما يعطس يقول امد الله ( الحمدلله ) واذا ما رديت عليه يعصب واليوم جالس يغني شاتني شاتني (شاجني شاجني ) رهوم معلمتنه .. الله بالعقل بس .. ما شاء الله هو ذكي ويتعلم بسرعه جالسين نحفظ الحروف بعدين سوالي طاف ما يبي يكلمني اوين ما فاضي يبي يلعب ... شكراً عزيزي الصغير ستندمون

[Raba]

بخبركم يوم الجمعة سوينا جمعه الله ع السجع يطلع مني ههههه ..
طبعا اعتراف صغير انا آخر مرة رحت رحله مع أبوي كان صف تاسع يعني من عمر هههه وربي جمعنا هالمره على رحلة بيتنا وبيت عمتي وعمتي الغيرها وهذا كله بسبب مستر بيتر توصل بالسلامة عزيزي بيتر .. عساك تجي كل يوم عشان نطلع رحلات شوي ههههه .. المهم سام (اختصار لاسمها مستر بيتر كذا يناديها زميلتي في المشروع الي كلمتكم عنه والي بنسويه مع بعض هي تدير الأمور في عمان وانا ادير الموضوع في أستراليا ) نحن ما شاء الله عائلة اجتماعية لأبعد الحدود وعادي الناس تنسجم معنا على طول المهم مستر بيتر اخواني الصغار يقولوه مستر بين زين بعدهم ما يقولوله مستر بن ولا بيفهم الرجال ههههههه .. المهم لابس كان دشداشه عمانية والجو برد مسكين تجمد حبات تعرفوا كان وقت صرده عاد خذ المصر حج أبوي وتمصر وحده قلت له خلاص عيل بسميك مستر بدر عاد اما طاهوه والصغار متسبحين في الحوقين وينتفضوا من البرد متخيلين ما قادرين يتحركوا وإلا ننازع عاد اخرتها طه لبس عبايه اختي يدفئ وانا طايحه فيه خالوه طاهره كيفك اشوفك تنتفضي هههههه قال الحاجه سويدة الوجه ههههه .. المهم رجعنا عاد بالليل البيت صح مرينا على عين الكسفة قبل وطالعين متأخر وراكبين باص رحلة فنتاستيكيه كانت والصغار مخلينهم مع زوج أختي وطه والعاملات في سيارة كبيرة .. حماس نعم حسيتنا مال الحياله هههه

واجد اقول المهم مسحوها في وجهكم هههه بعد عادة ما تتغير

[Raba]

متخيلين ولا وحدي اتخيل 😒 أن سفري تاريخ 27/2 نفس يوم ميلادي وانا حسبالي موعد سفري 28/2 وعاد زين خبروني ولا بتروح عني الطائرة كانت ويروحن فلوسي .. أهم شيء فلوسي غالية التذكرة ياخي ما مزاح 😢 ... أي احد يبي يهديني من الحين يهديني ترا تاريخ 27/2 اكون معلقه في الجو 😓 وأشوف كل الأفلام الي في السينما وما بنام كيفي كبرت سنة وعقبال ما أعقل .. ع اساس كنت انام في الطائرة 😜 المهم أحب الفلوس أحب كل شيء عادي استقبل .. أبد ما لمحت صح المهم فهموها ترا أكتب بضمير وقلب متقطع من الحزن

[Raba]

ما شاء الله راحت مدونتي الصفحة الثانية احيدني امس كاتبة ،، زين وبركه

اليوم تقريباً ما فضيت كنت الصبح مريضة وجالسة عند عمتي مع بيبيه ربي يحفظها لي عسل بيبيتي .. انشغلت لأن بيبيه حرمه كبيرة فكنت اساعدها امسح لها رجولها اعتني فيها ربي يرعاها ما نحب تعتني في بيبه عامله ونحن موجودين ربي يعطيها طولة العمر والحمدلله ع النعمة الحين صحتها احسن وما تغيب كثير ولله الحمد والشكر ..
في أمور غيرها حلمانه روانوووو هههه بعدين لما ذاك الشي بكتب الحلم ...
وصح امس بليل زادت عندنا مسك القمر تكون هاي بنت بنت خالتي فهمتوا يعني بتناديني خالتي لما تكبر غصبا عنها .. يا لبى انا الصغيرووونين امووووت عليهم حبايبي .. وبس تصبحوا على خير انتهى موجز الأخبار لليوم ..

[Raba]

بكره اموت وتقولون الله يرحمها كانت تبي هديه وماجبنا لها، وتلاقون روحي تطاردكم بكل مكان.🗿

[Raba]

صباحكم مثل ما تشتهون ،،،
كيفكم ... كيفي انا الحمدلله قبل امس يدي انكسفت ع الخلف وورمت طبعا رضض مش كسر وانا يعني ابي لكشه .. وامس مسوين عزيمة الظهر وع اساس اروح ضنك ولكن ما صار فرحت عرس صديقتي ربي يتمم لها ويوفقها واتوقع ما احد مسوي ربشة غير صديقاتها ههههه