الفاشل هو اللي يتبع عثرات الناس ولعبته التفتيش والتنبيش في أعراض الناس وينسى نفسه الغم إنه ينسى نفسه يا بابا صلح نفسك وبعدين روح اصلح المجتمع والناس من حولك وصير أحمد الشقيري على مخوخنا قبل إبدأ التغيير من نفسك وبعدين حث الناس واضح إني منضغطة ألف بس صدق ياخي فيه أسلوب حلو تقدر تنصح فيه أما العباطة وتهزئة الأنسان بغرض نصحه هذا ما يجيب نتيجة بالعكس بيطلع تسلل
الاحراج هو المناسب
الفشل هو أنك تكون تبعي تقليدي مثل ما كان الناس كنت مثل ما يسوون سويت شخصيتك مهمشة ، شخصيتك مهزوزة ، مثل اللعبة بس كذا لا رأي ولا كلمة ولا شي بغباء متوه الليهو 😂 الفشل أنك تستوين سوسة وتحرضي زوجك على أمه وخواته وتحاولي تقربيه صوبك وصوب أهلك وتبعديه عن أهله تتشكين على أمه جدامه وتحاولين تشوهين صورتها و تعلمين أولادك على طبعك وتنازعيهم عن الروحة لهم وتغثيها فيهم وقت داومك وطلعاتك وتقللي زيارتك لها تراها أمه أمه قبل لا يعرف وجهك يا غبية ورقة وحدة لو وصلتك يصير محرم عليك ما يصير حتى يشوفك ! الفشل هو أنك تقرأ كلامي وتارك شغلك يتراكم وما تقدر تخلصه ويوم السبت اتم تحشرنا بيسيات غداً أحد ومالي خلق أحد أقول فلحت بس
خلاصة الموضوع أن الفشل له أنواع كل إنسان قد يتقن أمراً ما وقد يفشل في آخر يتعلمه أو يمر في حياته درساً ليتعلم ذلك وبعده يدرك إنه خطأ وهو الآن أصبح على دراية به وعلى دراية أين الفعل الصحيح والفعل المجرد امزح والله نكمل وش كنت أقول هيه هو يعني كذا يكون على علم إن هالشي غلط وبعد ما يعرفه يتجنبه ويتركه يعني ما نقدر نحكم على إنسان أنه فاشل يعني أنا ما أعرف الخياطة أعرف الطبخ ما أعرف الطبخ أعرف الشسمه كل إنسان له نواقص كل إنسان له عيوب نحن لسنا بملائكة يا غلام !
لما تنتقد شخص وأنت على علم بخطئه اختر الاسلوب الصحيح تفنن في نصحه لا تجرده من حق الدفاع عن نفسه والتبرير لا تستهزء بما ليس له داعي ولا تجرح مشاعره أمام الآخرين والأهم أن لا تجعله أضحوكة في المجلس تجرح بذلك مشاعره وربما أن كل ما تفعله لأجله ولأجل مصلحته الشخصية ولأنك تحبه لكن ذلك أوقح الأساليب إتباعه
طبعاً كل اللي تكلمت عنه سواء في المشاركة الأولى والحش والمعاير ما جاب نسبه ومضيق دشداشته والحريم البايخات ذيلا اللي مخليات الرياييل على هواهن والأسلوب في النصح هذا كله من واقع كله من واقع !
لما تشوف شخص رسب في الدراسة بديهياً نقول عنه فاشل مثل ما قلت أنا في المشاركة الأولى تعرف أن ما هو الفشل أنت الفاشل ! ليش فاشل ؟ لأنك حكمت عليه بالفشل على طول ! الفشل الحقيقي هو إنك خلاص من ترسب في المادة تجلس في البيت تسكر على روحك الباب وتقعد تصيح وتندب حظك في ناس كثيرة من طاحت أو صار لها موقف تعلمت وكانت من أكثرهم نجاحاً لكن الفاشل هو اللي ينتبه لزلات الاخرين البسيطة والصغيرة ويضحك عليهم وهو راسب في مواده ولا همه ولا حتى حاول يصلح من نفسه بحكم إنه عادته السيئة تغلبت عليه بدل لا يتغلب عليها وفوق ذا كله يرجع ينصح فلان لا ذاكر ترا ما يفيدك و هو يسهر ويطوف صلاته ي فلان صلي أنا ما أشوفك تصلي! يا حيوووان لا تكذب ما صليت الظهر ! متى صليت !
عزيزي كن قدوة
زين يا بطه
كن قدوة
وأنت عزيزي القارئ مُصر يعني توصل لين هنيه نعم خير يالسة أحش في الناس فيه شي أقول قم يلا خلص أشغالك خلصت محاضرة أبلة شوانه ولا لحظة لحظة دامك هالكثر فاضي يعني وما عندك شغل تشب شوف عمرك جالس تقرأ ذا الهبل ايوا ايوا ايوا ما عندك شغل فاتح ذي المدونة اللي كلها سوالف وطويلة بعد روح شوف فيلم ولا شي يفتح النفس عموماً يا قميل أنته عشان ما تتطلع بلوشي من هنا احسب كلمة فشل كم مرة قلتلها في القطعتين السابقتين وبيدخل أسمك معانا ف السحب 🎉🎉🎉🎊🎊🎊😎🎈🎁🎁🎁🎊🎊🎊
ما بخف لأني إذا خفيت بيصير شكلي ماحلو تعرف إنه لما ينقص وزني يأثر على وجهي بصورة كبيرة يعني وايد بنات ضعيفات مرة مرة تلاحظ إن وجوهم تكون طويلة أو تحسها كذا ما أعرف كيف بس أنا أحسها يعني تعطي الشكل أكبر من عمره لو خفيت وما أثر ع وجهي اوكككي لكن يوم يأثر بلاها خلني كذا ولد الحلال صدقني أحسن 😭😭💔
وبعد لحظة اصبر كيف أنبط يعني اللقمتين اللي كليتهم من حلالك هاه ؟ مرة تقولي خفي وعن تنبطين ياخي وزني عاجبني وأنا فاشلة حقيقي يعني أعترف إني فاشلة بمعنى الكلمة وزني لو حاولت أنقصه ما بقدر ما أعرف كيف أشرح بس أمانه يعني قلبي يعورني أشوف السعرات الحرارية وأتركها كذا ما أستقبلها ف معدتي لكن صدقني أنت فنان نبهتني ع هالموضوع خلاص بحاول أخف بس ما وعد هاه بحاول والله يسهل محتاجة دعواتكم 😉
ما متعودة أدخل السبلة في هالوقت أحس داخلة بيت ناس من غير استئذان ومتربعة ف صالتهم بعد مهم المستر لغى محاضرتين الساعة 8 إلى الساعة 10 اونه الجامعة المرموقة تبى تسوي مسيرة ويبونا نشارك 😴
عاد أقولكم المستر فول نشاط ما شاء الله وأي احتفال حركة بسيطة تصير ف الجامعة تحصله أول واحد يزاحم هو من المنظمين وكذا
عاد لغى المحاضرتين نحنا مطلعين إشاعة انه يبا يشارك ف المسيرة المهم وأنا كنت ناويه أروح أتحوط ف حوش الجامعة مع الجماعة وأشارك ف المسيرة وحتى صديقاتي بس لو كذا الباص بيجي الساعة 7 😭😭💔
يعني لازم أخلص وأتجهز من الغبشة والقهر عبايتي ما مكواية وشنطتي ما مرتبتنها حتى ال homework ما سويته وصايرة زحمه ف زحمه
سي يو بغفي شويات لين الساعة 10 هبابي ☹
وأنتي مال أمك أنتي هاه 🤔👊
ويعني فترة ملكة بقضيها طول اليوم مكالمات وياه 😩 ما يصير لازم شسمه وهذا وإذا قصدك ع فرفرة الأسواق فهالموضوع مخلصينه 😎
وبس والله مالي نفس أكلم صديقاتي لانه وحدة زعلانه تخيلي سألتها بس ليش هذا يعني ليش سويتلي طاف يوم الاربعاء وبندت الشبكة قولي ليش ! اونه أنا روحت البيت وما سلمت عليها ! سلامات يعني ابا أروح مستعيلة وهي ما كانت موجودة ناس مادري كيف وجات مطنقرة بالأربعا والثانية حالتها حالة يوم ف السكن ترسل طول اليوم بس خليها ترجع بيتهم طفت فونها وخلاص تنقطع أخبارها لين يرجع الدوام تعرفين اجازة تو والعمانيين مسوين زحمة ف المراكز امبيه شنو هذا جاسم طلقني يعني لو حبيت أطلع أخلص الاغراض الباقية ما بقدر تعرفين صحارونه همبارونه ما فيها سوالف كيوت لازم ادقي خط لمسقط وأبوي محد معنا ف البيت حالياً يعني ماشي طلعة ولا روحة ولاردة يعني دام كذا وإجازة وخلصت امتحاناتي كلها قلت أدخل السبلة شوية لان ما عندي تويتر ولا فيس وكرهت الانستا مؤخراً وقللت سناب وتجين إنتي تقولي تهنيني ع جوي حرام عليج ياخي قاسية ما عندك اخوان 😭😭😭😭😭😭💔
👻 .