أنـثــى الــمــطــر الســاهــريــة ..

[حافيه القدمين]

اسفه والله ما معي خبر انها مدونه

مخالفه هههه
نحذفهن لعيونش

[حافيه القدمين]

ويااا مساء الخيررر

[حافيه القدمين]

لما يكون بداخلي شي
واريد افضفض مالي غير هالمكان ����
لي عوده قريبه ��

[حافيه القدمين]

امس كنت ف الصحي
وانا انتظر دوري طلع الدكتور من مكتبه حاولت بقدر الإمكان انه ما يشوفني
لانه قبل 5 شهور تقريبا او اكثر تصادفنا بالصحي وسألني تعالجتي قبل عندي قلت له لا
قالي غريبه شكلك ما غريب علي
المهم الصدمه كانت لما رجع المكتب وناداني
لا كيف مستحيل
رحت للممرضه ف غرفه المعاينه
كيف ادخل عنده هو دكتور انا اريد دكتوره
قالت لا الدكتوره عندها واجد زحمه
دخلي عند الدكتور
رغم كل شي قلته لها حسيتها مستحيل تغير كلامها واني بدخل عند الدكتور وهذا القرار ما منه مفر
كأنهم متفقين علي ههه
رحت وانا اسحب رجولي سحب لحد ما دخلت عنده
وسألني نفس السؤال اللي سألني اياه من شهور
ما تعالجتي عندي قبل
قلت له لا
قالي متأكده انه نحن ما نعرف بعض
لانه ذاكرتي ضعيفه وفيه كثير اشياء ما اتذكرها
ف ذكريني اذا كنت ناسي او مخربط
كلمته حستها كأنه كف قوي عطاني اياه
هذا المخلوق كيف رغم هالسنين متذكرني
وبالدليل قالي اخوك يداوم ف المكان الفلاني
لانه هو واخوي كانو زملاء دراسه ف الثانويه

صارلي موقف خايس معه من 8 سنوات تقريبا
تمنيت انه فعلا ناسي الشي اللي صاير
بس كلامه كان يأكد لي انه ما نسى شي ابدا ابدا

انا عشان اخليه يغير الموضوع قلت له المكان حار ما عندكم مكيف
والله من الاحراج احس المكان صار فعلا حار
قالي سوري نسيت افتح المكيف
فيه طفل صغير قبلك دخل ومريض ف سكرت المكيف
بعدها قلت له ما عندي استكرات كافيه عشان عينات الدم بروح اجيب غيرهم
قالي انا بجيبهم وحدي لما اخلص
وبوديهم المختبر


تلخبط كل شي فيني
حتى من الربكه اللي كنت فيها
نسيت تلفوني ع شباك الصيدليه


سمعت صوت يناديني وانا قريب السياره
،،،،، نسيتي تلفونك!

[حافيه القدمين]

مرحبا
مساء جميل للجميع ومساء الحب لكل عشاق الساهر "كاظم الساهر"
للحظه كل ما اسمع كاظم ، اسمعه بمشاعر انثى لم تتجاوز ال15 من عمرها
مشاعر انثى مراهقه لم تنضج
مشاعر متلخبطه
كاظم يقلب كل كياني !
وفي داخلي يبقى هو الحبيب الابدي ..!

[حافيه القدمين]

صباح او مساء الخير يا دنيا
اخر يوم ف عام 2023
عسى العام القادم يكون عام سعاده وخير للجميع
باذن الله يكون عام تتحقق فيه جميع الامنيات ..

[حافيه القدمين]

صاير جدولي كله ساعتين نوم ف اليوم
احس احتاج انام يوم كامل تعويض
المشكله كل ما احاول انام بكير احصل الساعه وصلت 3 الفجر

[حافيه القدمين]

صباح البلاعيم

[حافيه القدمين]

ع سالفه قلة النوم
امي امس كانت طالعه من الصبآح
ولما رجعت انا ما موجوده كنت طالعه
ف طبعا اختي العزيزه قالت لها اني ما كليت شي
كان معي موعد ظهر وقت الغداء ف طاف وقت الغداء وخلصت رحت السوق
وبعدها الخياط وما حصلت وقت للأكل اصلا
ف اليوم الصباح استلموني
انه قلة الاكل ما زينه
والسهر ما زين
خلي عنك التلفون ونامي
محد جايب لكم المرض غيره
واللي مخبرها ع سالفه السهر جدتي ، تقول دخلت عليها الفجر حصلتها ما نايمه
طبيعي يعني احس ع اي حركه او صوت
حتى لو نايمه بصحى لانه الباب انفتح

[حافيه القدمين]

حارب معي أخطائي، ولا تحاربني من أجلها