°•[ :+: ياقلب لاتشكي هواجيس وأوهام :+: ]•°
ياقلب لاتشكي هواجيس وأوهام
ولا يخيب ظنك في رجا حظ ترجيه
ما دام طير الطيب فوق السما حام
إنفض هجوسك وأرفعه لاتوطيه
صحيح هذا الوقت عشنابه أحلام
وصحيح شانت في طريقك مماشيه
بس إعرف أظروفه ولا تصير ظلاّم
لولا إختلاف الشي ما زان ماريه
أقرب مثل وش جاب الأوسط للإبهام
الفرق واضح بالنظر أقدر أعطيه
يابو حمد وإن شفت في بعض الأنام
هيبه فلا تآخذ عليه وتبدّيه
بعض العرب من هيبته تقول ضرغام
ولامن بخصته بين نفسك تعزّيه
بليد حس ولابه احساس والهام
ردي نفس وعزت النفس تعّريه
والبعض الآ خر بلسم إجروح الأيام
لا ضاق صدرك يسعد القلب طاريه
زحزيح قرمن للصعيبات مقدام
شيخٍ عزيز وسمّه اللي تسميه
وإليا نخيته قال قدام ... قدام
ينهض قبل يسأل على وين ياهيه
هذاك ودك تاضعه بصدرك وسام
وعلى جميع الخلق بالحيل تغليه
حيثه على كسب المواقيف دوّام
من دون ربعه ما بغا شي يغنيه
ودايم على شرّي الأجاويد سوّام
يتعب على الطّيب وبالطيب يشريه
لا شاف زوله فزّ له وأرحب وقام
من قلب صادق والهلا في مواريه
والبسمه اللي كنها رسم رسام
في وجه أبيض وأعذب الطيب غاشيه
ماهو بمثل اللي مع الناس نمام
على النميمه والردا من مباديه
خبلٍ يحب المرجله عز وحزام
بس الردا عن شجرة الطيب معميه
هذي صنوف الخلق والخلق أقسام
والكل يعرف وين عقله يوديه
والله على ماقلت شاهد وعــلاّم
والمعذره عن طول بعض المشــاريه
رد مع اقتباس
المشاركة الأصلية كتبت بواسطة نسر البوادي
